ਫ਼ਰੀਦਕੋਟ, 5 ਮਾਰਚ (ਜਸਵੰਤ ਸਿੰਘ ਪੁਰਬਾ)-ਰਾਧਾ ਕਿਸ਼ਨ ਧਾਮ ਫ਼ਰੀਦਕੋਟ ਵਿਖੇ ਹੋਲੀ ਦਾ ਤਿਉਹਾਰ ਧੂਮ ਧਾਮ ਤੇ ਸ਼ਰਧਾ ਨਾਲ ਮਨਾਇਆ ਗਿਆ | ਇਸ ਤਿਉਹਾਰ ਦੀ ਮੁੱਖ ਖਾਸੀਅਤ ਇਹ ਹੁੰਦੀ ਹੈ ਕਿ ਰਾਧਾ ਕਿ੍ਸ਼ਨ ਧਾਮ 'ਚ ਰੰਗਾਂ ਦੀ ਬਜਾਏ ਲੋਕ ਪਰਿਵਾਰ ਸਮੇਤ ਸਿਰਫ਼ ਚੰਦਨ ਤੇ ਫੁੱਲਾਂ ਨਾਲ ਹੀ ਹੋਲੀ ਖੇਡਦੇ ਹਨ | ਦੂਜੇ ਪਾਸੇ ਇਸ ਹੋਲੀ ਦੇ ਉਤਸਵ ਦੌਰਾਨ ਬਿ੍ਜ ਬਰਸਾਨੇ ਦੀ ਹੋਲੀ ਦੇ ਵਾਂਗ ਲੱਠ ਹੋਲੀ ਖੇਡੀ ਜਾਂਦੀ ਹੈ | ਵਰਿੰਦਾਵਨ ਤੋਂ ਆਈਆਂ ਧਾਰਮਿਕ ਟੋਲੀਆਂ ਰਾਸ ਲੀਲਾ ਖੇਡਦੀਆਂ ਹਨ | ਇਸ ਮੌਕੇ ਭਜਨ ਗਾਇਕਾਂ ਵਲੋਂ ਕਿ੍ਸ਼ਨ ਭਜਨ ਗਾ ਕੇ ਲੋਕਾਂ ਨੂੰ ਨਿਹਾਲ ਕੀਤਾ ਜਾਂਦਾ ਹੈ | ਸੰਸਥਾ ਦੇ ਮੈਂਬਰਾਂ ਨੇ ਦੱਸਿਆ ਕਿ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਵੱਡੀ ਗਿਣਤੀ ਵਿਚ ਸ਼ਹਿਰ ਵਾਸੀ ਇਸ ਉਤਸਵ ਵਿਚ ਪਹੁੰਚੇ | ਜਿੱਥੇ ਕੈਮੀਕਲ ਯੁਕਤ ਰੰਗਾਂ ਦੀ ਬਜਾਏ ਚੰਦਨ ਤੇ ਫੁੱਲਾਂ ਨਾਲ ਹੋਲੀ ਖੇਡੀ ਜਾਂਦੀ ਹੈ | ਭਜਨ ਗਾਇਕਾ ਪਰਵਿੰਦਰ ਪਲਕ ਵਲੋਂ ਭਜਨ ਗਾਏ ਗਏ ਤੇ ਖਾਣ ਪੀਣ ਦੀਆਂ ਵੱਖ-ਵੱਖ ਸਟਾਲਾਂ ਲਗਾਈਆਂ ਗਈਆਂ | ਉਨ੍ਹਾਂ ਕਿਹਾ ਕਿ ਰਾਧਾ ਕਿ੍ਸ਼ਨ ਧਾਮ ਵਲੋਂ ਇਕ ਅਨਾਥ ਆਸ਼ਰਮ ਚਲਾਇਆ ਜਾ ਰਿਹਾ ਹੈ ਤੇ ਹੁਣ ਤੱਕ 160 ਤੋਂ ਵੀ ਜ਼ਿਆਦਾ ਬੱਚੇ ਪਾਲਣੇ 'ਚ ਆ ਚੁੱਕੇ ਹਨ ਜਿਨ੍ਹਾਂ ਵਿਚੋਂ 145 ਬੱਚੇ ਲੋੜਵੰਦ ਪਰਿਵਾਰ ਜਿਨ੍ਹਾਂ ਦੇ ਕਿਸੇ ਕਾਰਨ ਵੀ ਬੱਚਾ ਨਹੀਂ ਹੁੰਦਾ ਉਹ ਕਾਨੂੰਨੀ ਪ੍ਰਕਿਰਿਆ ਨਾਲ ਇੱਥੇ ਬੱਚਿਆਂ ਨੂੰ ਗੋਦ ਲੈਂਦੇ ਹਨ |
