19-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 05-05-2026

ਹੋਟਲ 'ਚ ਲੱਗੀ ਅੱਗ ਦੌਰਾਨ ਭੈਣ ਨੂੰ ਬਚਾਉਂਦਿਆਂ ਭਰਾ ਝੁਲਸਿਆ <br/>

ਅਜੀਤ ਡੈਸਕ 05-05-2026
ਕੋਟਕਪੂਰਾ, 4 ਮਈ (ਮੋਹਰ ਸਿੰਘ ਗਿੱਲ)-ਕੋਟਕਪੂਰਾ ਦਾ ਵਸਨੀਕ ਇਕ ਨੌਜਵਾਨ ਬਲਜੀਤ ਸਿੰਘ ਧਾਲੀਵਾਲ ਆਸਟ੍ਰੇਲੀਆ ਵਿਖੇ ਇਕ ਹੋਟਲ ਵਿਚ ਅਚਾਨਕ ਅੱਗ ਦੀਆਂ ਤੇਜ਼ ਲਪਟਾਂ 'ਚ ਘਿਰੀ ਆਪਣੀ ਭੈਣ ਨੂੰ ਬਚਾਉਂਦਿਆਂ ਖ਼ੁਦ ਬੁਰੀ ਤਰਾਂ ਝੁਲਸਿਆ ਗਿਆ | ਪ੍ਰਾਪਤ ਜਾਣਕਾਰੀ ਅਨੁਸਾਰ ਆਸਟ੍ਰੇਲੀਆ ਦੇ ਐਡੀਲੇਡ ਸੂਬੇ ਦੇ ਹੰਦਰੋਫ ਕਸਬੇ ਵਿਚ ਸਤਬੀਰ ਕੌਰ ਉੱਪਲ ਅਤੇ ਦਿਰਜੀਤ ਸਿੰਘ ਉਪਲ ਇਕ ਭਾਰਤੀ ਰੈਸਟੋਰੈਂਟ ਚਲਾਉਂਦੇ ਹਨ | ਬਲਜੀਤ ਸਿੰਘ ਧਾਲੀਵਾਲ, ਜੋ ਕੋਟਕਪੂਰਾ (ਪੰਜਾਬ) ਦਾ ਜੰਮਪਲ ਹੈ ਅਤੇ ਭਾਜਪਾ ਬੁਲਾਰੇ ਐਡਵੋਕੇਟ ਕੁਲਦੀਪ ਸਿੰਘ ਧਾਲੀਵਾਲ ਦਾ ਛੋਟਾ ਭਰਾ ਹੈ, ਇਨ੍ਹੀਂ ਦਿਨੀਂ ਓਥੇ ਗਿਆ ਹੋਇਆ ਸੀ | ਅਚਾਨਕ ਰੈਸਟੋਰੈਂਟ ਦੇ ਇਕ ਕਮਰੇ 'ਚ ਅੱਗ ਲੱਗ ਗਈ ਤਾਂ ਸਤਬੀਰ ਕੌਰ ਉੱਪਲ ਅੱਗ ਵਿਚ ਘਿਰ ਗਈ | ਆਪਣੀ ਭੈਣ ਸਤਬੀਰ ਨੂੰ ਅੱਗ ਵਿਚ ਘਿਰਿਆ ਦੇਖ ਕੇ ਬਲਜੀਤ ਸਿੰਘ ਧਾਲੀਵਾਲ ਨੇ ਆਪਣੀ ਜਾਨ ਦੀ ਪ੍ਰਵਾਹ ਨਾ ਕਰਦਿਆਂ ਅੱਗ ਵਿਚ ਕੁੱਦ ਪਿਆ | ਬੜੀ ਦਲੇਰੀ ਨਾਲ ਉਸ ਨੇ ਧੱਕਾ ਮਾਰ ਕੇ ਸਤਬੀਰ ਨੂੰ ਸੁਰੱਖਿਅਤ ਪਾਸੇ ਕਰ ਦਿੱਤਾ | ਇਸ ਦੌਰਾਨ ਉਹ ਆਪ ਅੱਗ ਦੀਆਂ ਤੇਜ਼ ਲਪਟਾਂ 'ਚ ਝੁਲਸਿਆ ਗਿਆ | ਕੁਲਦੀਪ ਸਿੰਘ ਧਾਲੀਵਾਲ ਨੇ ਉਕਤ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ਉਸ ਨੇ ਆਪਣੀ ਭੈਣ ਦੀ ਜਾਨ ਬਚਾ ਲਈ, ਪਰ ਆਪ ਅੱਗ ਦੀਆਂ ਤੇਜ਼ ਲਪਟਾਂ ਕਾਰਨ ਝੁਲਸਿਆ ਗਿਆ | ਸਤਬੀਰ ਕੌਰ ਨੂੰ ਕੁਝ ਘੰਟਿਆਂ ਬਾਅਦ ਹਸਪਤਾਲੋਂ ਛੁੱਟੀ ਮਿਲ ਗਈ | ਬਲਜੀਤ ਸਿੰਘ ਧਾਲੀਵਾਲ ਨੂੰ ਅਜੇ ਕੁਝ ਸਮੇਂ ਹੋਰ ਹਸਪਤਾਲ 'ਚ ਰਹਿਣਾ ਪਵੇਗਾ | ਉਨ੍ਹਾਂ ਦੱਸਿਆ ਕਿ ਬਲਜੀਤ ਸਿੰਘ ਧਾਲੀਵਾਲ ਦੀ ਹਾਲਤ ਖ਼ਤਰੇ ਤੋਂ ਬਾਹਰ ਹੈ |


ਪਿਛਲੀ ਖ਼ਬਰ ਡਿਪਟੀ ਕਮਿਸ਼ਨਰ ਨੇ ਕਣਕ ਦੇ ਨਾੜ ਨੂੰ ਅੱਗ ਨਾ ਲਗਾਉਣ ਸੰਬੰਧੀ ਅਧਿਕਾਰੀਆਂ ਨਾਲ ਕੀਤੀ ਮੀਟਿੰਗ ਅਗਲੀ ਖ਼ਬਰ ਕੈਰੀਅਰ ਗਾਈਡੈਂਸ ਐਂਡ ਕੌਂਸਲਿੰਗ ਅਧਿਆਪਕਾਂ ਦਾ ਸੈਮੀਨਾਰ ਕਰਵਾਇਆ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।