ਫ਼ਰੀਦਕੋਟ, 15 ਮਈ (ਜਸਵੰਤ ਸਿੰਘ ਪੁਰਬਾ)-ਪਿੰਡ ਫਿਡੇ ਕਲਾਂ ਵਿਚ ਅੱਜ ਸਵੇਰੇ ਸਹਿਮ ਦਾ ਮਾਹੌਲ ਬਣ ਗਿਆ ਜਦੋਂ ਪਤਾ ਲਗਾ ਕੀ ਨਵੀਂ ਬਣੀ ਨਹਿਰ ਰਾਜਸਥਾਨ ਫੀਡਰ ਵਿਚ ਪਿੰਡ ਵਾਲੇ ਪਾਸੇ 100 ਫੁੱਟ ਦਾ ਪਾੜ ਪੈ ਗਿਆ | ਇਸ ਦਾ ਪਤਾ ਲਗਦਿਆਂ ਹੀ ਮਹਿਕਮੇ ਦੇ ਉੱਚ ਅਧਿਕਾਰੀ ਮੌਕੇ 'ਤੇ ਪੁਹੰਚ ਗਏ ਅਤੇ ਪਾੜ ਭਰਨ ਦਾ ਕੰਮ ਸ਼ੁਰੂ ਕਰਵਾ ਦਿੱਤਾ | ਕਿਸੇ ਦਾ ਕੋਈ ਨੁਕਸਾਨ ਨਹੀਂ ਹੋਇਆ ਇਸ ਮੌਕੇ ਨਹਿਰੀ ਵਿਭਾਗ ਦੇ ਐਕਸੀਅਨ ਬਲਵਿੰਦਰ ਕੁਮਾਰ ਨੇ ਦੱਸਿਆ ਕਿ ਇਸ ਨਹਿਰ ਦੀ 2023 ਵਿਚ ਵੀ ਮੁਰੰਮਤ ਹੋਈ ਸੀ ਉਸ ਸਮੇਂ ਦੀ ਬਣੀ ਹੋਈ ਲਾਇਨਿੰਗ ਦਾ ਜੋੜ ਕਮਜ਼ੋਰ ਸੀ ਕਮਜ਼ੋਰ ਹੋਣ ਕਾਰਨ ਮਿੱਟੀ ਬੈਠ ਗਈ ਜਿਸ ਨਾਲ ਇਹ ਪਾੜ ਪੈ ਗਿਆ, ਬਾਕੀ ਅਜੇ ਤੱਕ ਕਾਰਨ ਦਾ ਪਤਾ ਨਹੀਂ ਲੱਗਾ | ਸਾਡੇ 250 ਦੇ ਕਰੀਬ ਮਜ਼ਦੂਰ ਕੰਮ ਕਰ ਰਹੇ ਹਨ | ਅੱਜ ਸ਼ਾਮ ਤੱਕ ਸਾਰਾ ਕੰਮ ਪੂਰਾ ਕਰ ਦਿੱਤਾ ਜਾਵੇਗਾ, ਕਿਸੇ ਕਿਸਮ ਦਾ ਕਿਸੇ ਦਾ ਵੀ ਕੋਈ ਨੁਕਸਾਨ ਨਹੀਂ ਹੋਇਆ | ਪਿੰਡ ਵਾਸੀਆਂ ਨੇ ਕਿਹਾ ਕਿ ਇਹ ਸਭ ਬੇਈਮਾਨੀ ਕਰਕੇ ਘਟੀਆ ਮਟੀਰੀਅਲ ਲਾ ਕੇ ਬਣਾਈ ਹੈ, ਇਹ ਤਾਂ ਅਜੇ ਪਹਿਲੇ ਦਿਨ ਹੀ ਇਹ ਹਾਲ ਹੈ ਬਾਅਦ ਵਿਚ ਇਸ ਦਾ ਕੀ ਬਣੇਗਾ ਇਸ ਦੇ ਬਣਨ ਵਿਚ ਵੱਡੇ ਪੱਧਰ 'ਤੇ ਭਿ੍ਸ਼ਟਾਚਾਰ ਹੋਇਆ | ਇਸ ਦੇ ਠੇਕੇਦਾਰ ਅਤੇ ਕੰਮ ਕਰਵਾਉਣ ਵਾਲੇ ਅਫ਼ਸਰਾਂ ਦੀ ਸੀ.ਬੀ.ਆਈ. ਜਾਂਚ ਹੋਣੀ ਚਾਹੀਦੀ ਹੈ |
