ਫ਼ਾਜ਼ਿਲਕਾ, 17 ਮਈ (ਦਵਿੰਦਰ ਪਾਲ ਸਿੰਘ)-ਥਾਣਾ ਬਹਾਵਵਾਲਾ ਪੁਲਿਸ ਨੇ 1 ਨੌਜਵਾਨ ਨੂੰ ਚਿੱਟੇ ਦਾ ਨਸ਼ਾ ਕਰਵਾ ਕੇ ਮੌਤ ਦੇ ਘਾਟ ਉਤਾਰਨ ਵਾਲੇ 2 ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ | ਜਾਂਚ ਅਧਿਕਾਰੀ ਸਹਾਇਕ ਥਾਣੇਦਾਰ ਲਖਵਿੰਦਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਕਿ੍ਸ਼ਨਾ ਰਾਣੀ ਪਤਨੀ ਮੁਨਸ਼ੀ ਰਾਮ ਵਾਸੀ ਪਿੰਡ ਖੁੱਬਣ ਨੇ ਸ਼ਿਕਾਇਤ ਦਰਜ ਕਰਵਾਈ ਸੀ ਕਿ ਉਸ ਦੇ ਲੜਕੇ ਧਰਮਪ੍ਰੀਤ ਉਰਫ਼ ਸੰਨ੍ਹੀ ਦੀ ਲਾਸ਼ ਪਿੰਡ ਦੇ ਸੇਠਾਂ ਦੇ ਖ਼ਾਲੀ ਪਏ ਬੇ-ਆਬਾਦ ਪਲਾਟ ਵਿਚ ਕਿੱਕਰਾਂ ਦੀਆਂ ਝਾੜੀਆਂ ਹੇਠੋਂ ਸ਼ੱਕੀ ਹਾਲਾਤ ਵਿਚ ਮਿਲੀ ਸੀ | ਪੜਤਾਲ ਦੌਰਾਨ ਪਤਾ ਲੱਗਿਆ ਕਿ ਅਖਿਲ ਕੁਮਾਰ ਉਰਫ਼ ਨਿੱਕਾ ਪੁੱਤਰ ਦੇਸਰਾਜ ਅਤੇ ਜਗਰੂਪ ਸਿੰਘ ਉਰਫ਼ ਯੂ.ਪੀ. ਵਾਸੀ ਖੁੱਬਣ ਨੇ ਮਿਲੀਭੁਗਤ ਕਰਕੇ ਉਸ ਦੇ ਲੜਕੇ ਨੂੰ ਚਿੱਟੇ ਦਾ ਨਸ਼ਾ ਕਰਵਾਇਆ ਸੀ, ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ | ਜਿਸ ਤੋਂ ਬਾਅਦ ਪੁਲਿਸ ਨੇ ਉਕਤ ਦੋਵੇਂ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ |
