ਰੁਪਾਣਾ, 11 ਜੂਨ (ਜਗਜੀਤ ਸਿੰਘ)-ਪੈ ਰਹੀ ਗਰਮੀ ਤੋਂ ਰਾਹਗੀਰਾਂ ਨੂੰ ਰਾਹਤ ਦੇਣ ਲਈ ਪਿੰਡ ਰੁਪਾਣਾ ਦੇ ਦੁਕਾਨਦਾਰਾਂ ਵਲੋਂ ਰੁਪਾਣਾ ਜਨ ਸਹਾਰਾ ਕਲੱਬ ਦੇ ਸਮਾਜ ਸੇਵੀ ਆਗੂ ਸਵ. ਮਾਸਟਰ ਬਲਵੰਤ ਅਤੇ ਸਵ. ਹਰਦੇਵ ਸਿੰਘ ਖ਼ਾਲਸਾ ਦੀ ਯਾਦ ਨੂੰ ਸਮਰਪਿਤ ਪਿੰਡ ਰੁਪਾਣਾ ਦੇ ਬੱਸ ਸਟੈਂਡ ਦੇ ਨਜ਼ਦੀਕ ਠੰਡੇ-ਮਿੱਠੇ ਜਲ ਦੀ ਛਬੀਲ ਲਗਾਈ ਗਈ | ਸੇਵਾਦਾਰਾਂ ਵਲੋਂ ਰਾਹਗੀਰਾ ਨੂੰ ਰੋਕ ਬੜੀ ਨਿਮਰਤਾ ਨਾਲ ਜਲ ਛਕਾਇਆ ਗਿਆ | ਇਸ ਮੌਕੇ ਪਵਨ ਖੁਰਾਣਾ, ਲਵਇੰਦਰ ਬੱਬੂ ਬਰਾੜ, ਗੁਰਮੀਤ ਸਿੰਘ, ਨੀਰਜ ਖੁਰਾਣਾ ਆਦਿ ਹਾਜ਼ਰ ਸਨ |
