ਰਾਜਪੁਰਾ, 3 ਮਾਰਚ (ਰਣਜੀਤ ਸਿੰਘ)-ਰਾਜਪੁਰਾ-ਕਾਲਕਾ ਰੋਡ 'ਤੇ ਓਵਰਬਿ੍ਜ ਦੇ ਨੇੜੇ ਚੋਰਾਂ ਨੇ ਐਕਸਿਸ ਬੈਂਕ ਦੇ ਏ.ਟੀ.ਐਮ. ਨੂੰ ਨਿਸ਼ਾਨਾ ਬਣਾਇਆ ਤੇ ਗੈਸ ਕਟਰ ਦੀ ਸਹਾਇਤਾ ਨਾਲ ਏ.ਟੀ.ਐਮ. ਕੱਟ ਕੇ ਲੱਖਾਂ ਦਾ ਨਕਦੀ ਲੈ ਕੇ ਫ਼ਰਾਰ ਹੋ ਗਏ | ਹਾਲ ਦੀ ਘੜੀ ਕੋਈ ਵੀ ਅਫ਼ਸਰ ਇਹ ਦੱਸਣ ਨੰੂ ਤਿਆਰ ਨਹੀਂ ਕਿ ਚੋਰ ਕਿੰਨਾ ਕੈਸ਼ ਲੈ ਗਏ ਹਨ | ਜਾਣਕਾਰੀ ਮੁਤਾਬਿਕ ਇੱਥੋਂ ਦੇ ਓਵਰਬਿ੍ਜ ਦੇ ਨੇੜੇ ਐਕਸਿਸ ਬੈਂਕ ਦਾ ਏ.ਟੀ.ਐਮ. ਹੈ | ਸੂਤਰਾਂ ਮੁਤਾਬਕ ਚੋਰਾਂ ਨੇ ਇਸ ਏ.ਟੀ.ਐਮ. ਨੂੰ ਸਵੇਰੇ ਚਾਰ ਕੁ ਵਜੇ ਏ.ਟੀ.ਐਮ. ਨੂੰ ਗੈਸ ਕਟਰ ਦੀ ਸਹਾਇਤਾ ਨਾਲ ਕੱਟਿਆ ਤੇ ਲੱਖਾਂ ਰੁਪਏ ਲੈ ਕੇ ਫਰਾਰ ਹੋ ਗਏ | ਚੋਰ ਕਾਰ ਵਿਚ ਸਵਾਰ ਹੋ ਕੇ ਆਏ ਸਨ | ਲੋਕਾਂ ਦਾ ਕਹਿਣਾ ਸੀ ਕਿ ਜਿਹੜੀ ਪੈਟਰੋਲਿੰਗ ਪਾਰਟੀ ਸਾਰਾ ਦਿਨ ਮੋਟਰ ਸਾਈਕਲਾਂ 'ਤੇ ਘੁੰਮਦੀ ਹੈ, ਕੀ ਪੁਲਿਸ ਦੀ ਰਾਤ ਦੀ ਪੈਟਰੋਲਿੰਗ ਸਿਰਫ਼ ਕਾਗ਼ਜ਼ਾਂ ਤੱਕ ਹੀ ਸੀਮਤ ਹੈ | ਇਸ ਸੰਬੰਧੀ ਐੱਸ.ਐੱਚ.ਓ. ਗੁਰਸੇਵਕ ਸਿੰਘ ਸਿੱਧੂ ਦਾ ਕਹਿਣਾ ਹੈ ਕਿ ਪੁਲਿਸ ਸੀ.ਸੀ.ਟੀ.ਵੀ. ਕੈਮਰੇ ਖੰਘਾਲ ਰਹੀ ਹੈ ਤੇ ਜਲਦ ਹੀ ਚੋਰਾਂ ਨੂੰ ਫੜ ਲਿਆ ਜਾਵੇਗਾ |
