ਨਵੀਂ ਦਿੱਲੀ, 28 ਮਾਰਚ (ਏਜੰਸੀ)-ਭਾਰਤ ਨੇ ਕਿਹਾ ਕਿ ਉਸ ਨੇ ਮੱਛੀ ਪਾਲਣ ਸਬਸਿਡੀ ਸਮਝੌਤੇ 'ਤੇ ਵਿਸ਼ਵ ਵਪਾਰ ਸੰਗਠਨ (ਡਬਲਿਊ.ਟੀ.ਓ.) ਦੇ ਡਰਾਫਟ ਫੈਸਲੇ ਨੂੰ ਅਪਣਾਉਣ ਲਈ ਆਪਣਾ ਸਮਰਥਨ ਦਿੱਤਾ ਹੈ | ਕੈਮਰੂਨ ਦੇ ਯਾਂਉਡੇ 'ਚ ਵਿਸ਼ਵ ਵਪਾਰ ਸੰਗਠਨ ਦੇ 14ਵੇਂ ਮੰਤਰੀ ਪੱਧਰੀ ਸੰਮੇਲਨ ਦÏਰਾਨ ਮੱਛੀ ਪਾਲਣ ਸਬਸਿਡੀਆਂ 'ਤੇ ਮੰਤਰੀ ਪੱਧਰੀ ਸੈਸ਼ਨ ਨੂੰ ਸੰਬੋਧਨ ਕਰਦੇ ਹੋਏ, ਵਣਜ ਅਤੇ ਉਦਯੋਗ ਮੰਤਰੀ ਪਿਊਸ਼ ਗੋਇਲ ਨੇ ਕਿਹਾ ਕਿ ਵਿਸ਼ਵ ਮੱਛੀ ਪਾਲਣ ਖੇਤਰ ਕੁਝ ਦੇਸ਼ਾਂ ਦੁਆਰਾ ਆਪਣੇ ਮਛੇਰਿਆਂ ਨੂੰ ਦਿੱਤੀਆਂ ਜਾਣ ਵਾਲੀਆਂ ਭਾਰੀ ਸਬਸਿਡੀਆਂ ਕਾਰਨ ਜ਼ਿਆਦਾ ਸਮਰੱਥਾ ਅਤੇ ਜ਼ਿਆਦਾ ਮੱਛੀ ਫੜਨ ਦੀਆਂ ਸਮੱਸਿਆਵਾਂ ਨਾਲ ਜੂਝ ਰਿਹਾ ਹੈ, ਇਹ ਸਮੱਸਿਆ ਭਾਰਤ ਦੇ ਕਾਰਨ ਨਹੀਂ ਹੈ, ਜਿੱਥੇ ਮੱਛੀ ਫੜਨ ਵਾਲਾ ਭਾਈਚਾਰਾ ਛੋਟਾ ਅਤੇ ਜ਼ਿਆਦਾਤਰ ਰਵਾਇਤੀ ਰਹਿੰਦਾ ਹੈ | ਗੋਇਲ ਨੇ ਇਕ ਸੋਸ਼ਲ ਮੀਡੀਆ ਪੋਸਟ 'ਚ ਕਿਹਾ ਕਿ ਮੈਂ ਡਰਾਫਟ ਫੈਸਲੇ ਨੂੰ ਅਪਣਾਉਣ ਲਈ ਭਾਰਤ ਦਾ ਸਮਰਥਨ ਦਿੱਤਾ ਹੈ, ਨਾਲ ਹੀ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਅੱਗੇ ਦੇ ਫੈਸਲਿਆਂ ਨੂੰ ਇਕ ਨਿਆਂਸੰਗਤ ਅਤੇ ਵਿਕਾਸ-ਮੁਖੀ ਨਤੀਜਾ ਪ੍ਰਦਾਨ ਕਰਨਾ ਚਾਹੀਦਾ ਹੈ ਜੋ ਸਮੁੰਦਰੀ ਸਰੋਤਾਂ ਅਤੇ ਰੋਜ਼ੀ-ਰੋਟੀ ਦੋਵਾਂ ਦੀ ਰੱਖਿਆ ਕਰੇ |
