ਪਾਕਿ ਦੇ ਆਲ ਵਾਲਮੀਕਿ ਹਿੰਦੂ ਕਮਿਊਨਿਟੀ ਸੰਗਠਨ ਨੇ ਸੰਵਿਧਾਨਕ ਅਧਿਕਾਰਾਂ ਦੀ ਕੀਤੀ ਮੰਗ

ਅ

ਅਜੀਤ ਡੈਸਕ 04-08-2026

ਅੰਮ੍ਰਿਤਸਰ , 3 ਅਗਸਤ ( ਸੁਰਿੰਦਰ ਕੋਛੜ )- ਪਾਕਿਸਤਾਨ ਦੇ ਸੂਬਾ ਖ਼ੈਬਰ ਪਖਤੂਨਖਵਾ ‘ ਚ ਹਿੰਦੂ ਭਾਈਚਾਰੇ ਨੇ ਆਪਣੇ ਸੰਵਿਧਾਨਕ ਅਧਿਕਾਰਾਂ ਨੂੰ ਜਤਾਉਣ ਲਈ ਇਕ ਨਵੀਂ ਮੁਹਿੰਮ ਸ਼ੁਰੂ ਕਰਨ ਦਾ ਫ਼ੈਸਲਾ ਕੀਤਾ ਹੈ । ਆਲ ਵਾਲਮੀਕਿ ਹਿੰਦੂ ਕਮਿਊਨਿਟੀ ਖ਼ੈਬਰ ਪਖਤੂਨਖਵਾ ਨੇ ਸੂਬਾਈ ਪੱਧਰ ‘ ਤੇ ਮੁਹਿੰਮ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਹੈ । ਸੰਗਠਨ ਨੇ ਸੰਯੁਕਤ ਰਾਸ਼ਟਰ ਏਜੰਸੀਆਂ ਅਤੇ ਵਿਸ਼ਵ - ਵਿਆਪੀ ਮਨੁੱਖੀ ਅਧਿਕਾਰ ਸੰਗਠਨਾਂ ਤੋਂ ਵੀ ਸਹਾਇਤਾ ਦੀ ਅਪੀਲ ਕੀਤੀ ਹੈ । ਲੰਘੇ ਦਿਨ ਕੋਹਾਟ ਜ਼ਿਲ੍ਹੇ ‘ ਚ ਸੰਗਠਨ ਦੀ ਮੀਟਿੰਗ ਵਿਚ ਪ੍ਰਮੁੱਖ ਘੱਟ ਗਿਣਤੀ ਅਧਿਕਾਰ ਕਾਰਕੁਨ ਹਾਰੂਨ ਸਰਬ ਦਿਆਲ ਨੂੰ ਸਰਬਸੰਮਤੀ ਨਾਲ ਪ੍ਰਧਾਨ ਚੁਣਿਆ ਗਿਆ । ਉਨ੍ਹਾਂ ਕਿਹਾ ਕਿ ਹਿੰਦੂ ਭਾਈਚਾਰੇ ਨੂੰ ਕਾਨੂੰਨੀ ਸੁਰੱਖਿਆ , ਸਿੱਖਿਆ , ਸਰਕਾਰੀ ਦਸਤਾਵੇਜ਼ ਅਤੇ ਬਰਾਬਰੀ ਦੇ ਮੌਕਿਆਂ ਸਮੇਤ ਵੱਖ - ਵੱਖ ਖੇਤਰਾਂ ‘ ਚ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ । ਪਾਕਿ ਸਰਕਾਰ ਨੂੰ ਇਨ੍ਹਾਂ ਮੁੱਦਿਆਂ ਨੂੰ ਹੱਲ ਕਰਨ ਲਈ ਪ੍ਰਭਾਵਸ਼ਾਲੀ ਕਦਮ ਚੁੱਕਣੇ ਚਾਹੀਦੇ ਹਨ । ਮੀਟਿੰਗ ‘ ਚ ਖ਼ੈਬਰ ਪਖਤੂਨਖਵਾ ਦੇ ਵੱਖ - ਵੱਖ ਖੇਤਰਾਂ ਦੇ ਭਾਈਚਾਰੇ ਦੇ ਪ੍ਰਤੀਨਿਧੀ , ਧਾਰਮਿਕ ਆਗੂ , ਵਕੀਲ , ਸਮਾਜਿਕ ਵਰਕਰ , ਅਧਿਆਪਕ , ਕਾਰੋਬਾਰੀ ਅਤੇ ਨੌਜਵਾਨ ਵੀ ਸ਼ਾਮਿਲ ਹੋਏ । ਸੰਗਠਨ ਨੇ ਮੰਗ ਕੀਤੀ ਹੈ ਕਿ ਸੂਬਾ ਸਰਕਾਰ ਪਾਕਿ ਦੇ ਸੰਵਿਧਾਨ ‘ ਚ ਘੱਟ ਗਿਣਤੀਆਂ ਨੂੰ ਦਿੱਤੇ ਗਏ ਸਾਰੇ ਅਧਿਕਾਰਾਂ ਨੂੰ ਪੂਰੀ ਤਰ੍ਹਾਂ ਲਾਗੂ ਕਰੇ । 2023 ਦੀ ਜਨਗਣਨਾ ਦੇ ਅਨੁਸਾਰ ਖ਼ੈਬਰ ਪਖਤੂਨਖਵਾ ‘ ਚ ਹਿੰਦੂ ਆਬਾਦੀ ਲਗਭਗ 5,090 ਹੈ ।

ਪਿਛਲੀ ਖ਼ਬਰ ਕਾਮਧੇਨੂ ਨੈਕਸਟ ਦੀ ਜੈਪੁਰ ਖੇਤਰੀ ਕਾਨਫਰੰਸ ’ ਚ ਬਾਜ਼ਾਰ ਵਿਸਥਾਰ ਅਤੇ ਗੁਣਵੱਤਾ ’ ਤੇ ਜ਼ੋਰ ਅਗਲੀ ਖ਼ਬਰ ਸ਼ੇਰ - ਏ - ਪੰਜਾਬ ਦੇ ਸਮਰ ਪੈਲੇਸ ਦੀ ਸੁਰੱਖਿਆ ਕੰਧ ਦੀ ਨਿਸ਼ਾਨਦੇਹੀ ’ ਤੇ ਉਸਾਰੀ ‘ ਬੰਨ੍ਹੀ ’ ਦੀ ਉਚਾਈ ਅਤੇ ਦਿੱਖ ਬਣੀ...