ਨਸ਼ੇ ਦੀ ਵੱਧ ਮਾਤਰਾ ਨਾਲ ਨੌਜਵਾਨ ਦੀ ਮੌਤ

ਅ

ਅਜੀਤ ਡੈਸਕ 12-08-2026

ਬੁਢਲਾਡਾ, 11 ਅਗਸਤ (ਸੁਨੀਲ ਮਨਚੰਦਾ)-ਜ਼ਿਲ੍ਹਾ ਮਾਨਸਾ ਦੇ ਪਿੰਡ ਦਲੇਲਵਾਲਾ ਦੇ ਨੌਜਵਾਨ ਦੀ ਨਸ਼ੇ ਦੀ ਵੱਧ ਮਾਤਰਾ ਲੈਣ ਨਾਲ ਬੁਢਲਾਡਾ ਵਿਖੇ ਮੌਤ ਹੋ ਜਾਣ ਦੀ ਖ਼ਬਰ ਹੈ। ਥਾਣਾ ਸ਼ਹਿਰੀ ਪੁਲਿਸ ਨੇ ਉਸ ਦੇ ਦੋਸਤ ਸਮੇਤ 3 ਵਿਅਕਤੀਆਂ ਖ਼ਿਲਾਫ਼ ਮੁਕੱਦਮਾ ਦਰਜ ਕਰ ਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਨੂੰ ਇਥੇ ਸੁੰਨਸਾਨ ਜਗ੍ਹਾ ਤੋਂ ਸਮਸ਼ੇਰ ਸਿੰਘ (19) ਵਾਸੀ ਦਲੇਲਵਾਲਾ ਦੀ ਲਾਸ਼ ਬਰਾਮਦ ਹੋਈ, ਜਿਸ ਦੀ ਮੌਤ ਨਸ਼ੇ ਦੀ ਵੱਧ ਮਾਤਰਾ ਲੈਣ ਨਾਲ ਹੋਈ। ਜਾਣਕਾਰੀ ਅਨੁਸਾਰ ਸਮਸ਼ੇਰ ਸਿੰਘ, ਮਨਪ੍ਰੀਤ ਸਿੰਘ ਵਾਸੀ ਦਲੇਲਵਾਲਾ, ਸੋਨੀ ਅਤੇ ਜੀਤੋ ਵਾਸੀ ਬੁਢਲਾਡਾ ਤੋਂ ਨਸ਼ਾ ਲੈ ਕੇ ਆਇਆ ਸੀ। ਮ੍ਰਿਤਕ ਦੇ ਪਿਤਾ ਹਰਪ੍ਰੀਤ ਸਿੰਘ ਅਨੁਸਾਰ ਉਸ ਦੇ ਪੁੱਤਰ ਨਾਲ ਖਹਿਬਾਜ਼ੀ ਹੋਣ ਕਰਕੇ ਉਸ ਨੂੰ ਜ਼ਿਆਦਾ ਨਸ਼ਾ ਦੇ ਦਿੱਤਾ ਗਿਆ, ਜਿਸ ਕਰ ਕੇ ਉਹ ਮੌਤ ਦੇ ਮੂੰਹ ਜਾ ਪਿਆ। ਥਾਣਾ ਸ਼ਹਿਰੀ ਦੇ ਸਹਾਇਕ ਥਾਣੇਦਾਰ ਜਗਮੇਲ ਸਿੰਘ ਨੇ ਦੱਸਿਆ ਕਿ ਮ੍ਰਿਤਕ ਦੇ ਉਪਰੋਕਤ ਦੋਸਤਾਂ ਖ਼ਿਲਾਫ਼ ਮੁਕੱਦਮਾ ਦਰਜ ਕਰ ਕੇ ਮਨਪ੍ਰੀਤ ਸਿੰਘ ਤੇ ਸੋਨੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ , ਜਦਕਿ ਤੀਜੇ ਦੀ ਭਾਲ ਹੈ।

ਪਿਛਲੀ ਖ਼ਬਰ ਰਣਜੀਤ ਸਾਗਰ ਡੈਮ ਦੀ ਝੀਲ ਦਾ ਪੱਧਰ 512.80 ਮੀਟਰ ਪਹੁੰਚਿਆ 9200 ਕਿਊਸਿਕ ਪਾਣੀ ਪਾਕਿਸਤਾਨ ਨੂੰ ਛੱਡਿਆ ਅਗਲੀ ਖ਼ਬਰ ਵੰਡ ਦੇ 79 ਵਰ੍ਹੇ ਬਾਅਦ ਵੀ ਭਾਰਤ ਨੂੰ ਨਹੀਂ ਮਿਲ ਸਕਿਆ ਲਾਹੌਰੀ ਲੂਣ ਦਾ ਬਦਲ ਸਰਹੱਦੀ ਵਪਾਰ ’ਤੇ ਰੋਕ ਕਾਰਨ ਨਹੀਂ ਪਹੁੰ...