ਕਬਾੜ ਤੋਂ ਵਿਗਿਆਨਕ ਨਗਰੀ ਵਸਾਉਣ ਵਾਲੇ ਰਵੀ ਜੈਸਵਾਲ ਨੂੰ ਮਿਲੇਗਾ ਕੌਮੀ ਅਧਿਆਪਕ ਪੁਰਸਕਾਰ

ਚੰਡੀਗੜ੍ਹ, 22 ਅਗਸਤ (ਸੁਖਵਿੰਦਰ ਸਿੰਘ ਸ਼ਾਨ)-ਕਬਾੜ ਅਤੇ ਰਹਿੰਦ ਖੂਹਿੰਦ ਤੋਂ ਸਕੂਲ ਵਿਚ ਵਿਗਿਆਨਕ ਨਗਰੀ ਵਸਾਉਣ ਵਾਲੇ ਚੰਡੀਗੜ੍ਹ ਦੇ ਅਧਿਆਪਕ ਰਵੀ ਜੈਸਵਾਲ ਨੂੰ ਕੇਂਦਰੀ ਸਿੱਖਿਆ ਮੰਤਰਾਲੇ ਵਲੋਂ 2026 ਦੇ ਕੌਮੀ ਅਧਿਆਪਕ ਪੁਰਸਕਾਰ ਲਈ ਚੁਣਿਆ ਗਿਆ ਹੈ ਅਤੇ ਉਨ੍ਹਾਂ ਨੂੰ ਇਹ ਸਨਮਾਨ 5 ਸਤੰਬਰ ਨੂੰ ਨਵੀਂ ਦਿੱਲੀ ਵਿਚ ਹੋਣ ਵਾਲੇ ਕੌਮੀ ਸਮਾਗਮ ਵਿਚ ਦਿੱਤਾ ਜਾਵੇਗਾ। ਅਧਿਆਪਕ ਰਵੀ ਜੈਸਵਾਲ ਪਿਛਲੇ 16 ਸਾਲਾਂ ਤੋਂ ਸਕੂਲ ਸਿੱਖਿਆ ਵਿਭਾਗ ਚੰਡੀਗੜ੍ਹ ਵਿਚ ਸੇਵਾ ਨਿਭਾਅ ਰਹੇ ਹਨ ਅਤੇ ਇਸ ਸਮੇਂ ਜੈਸਵਾਲ ਮਲੋਆ ਕਾਲੋਨੀ (ਸੈਕਟਰ 39 ਵੈਸਟ) ਦੇ ਸਰਕਾਰੀ ਮਾਡਲ ਹਾਈ ਸਕੂਲ ਵਿਚ ਵਿਗਿਆਨ ਵਿਸ਼ਾ ਪੜ੍ਹਾਉਂਦੇ ਹਨ।