ਈ.ਡੀ. ਦੀ 26 ਥਾਵਾਂ ’ਤੇ ਚੱਲੀ ਛਾਪੇਮਾਰੀ 48 ਘੰਟਿਆਂ ਬਾਅਦ ਹੋਈ ਖ਼ਤਮ ਹਰਕਵਲਜੀਤ ਸਿੰਘ

ਚੰਡੀਗੜ੍ਹ, 24 ਸਤੰਬਰ : ਕੇਂਦਰ ਸਰਕਾਰ ਦੀ ਏਜੰਸੀ ਈ. ਡੀ.

ਅ

ਅਜੀਤ ਡੈਸਕ 25-09-2026

ਚੰਡੀਗੜ੍ਹ, 24 ਸਤੰਬਰ : ਕੇਂਦਰ ਸਰਕਾਰ ਦੀ ਏਜੰਸੀ ਈ.ਡੀ. ਵਲੋਂ ਮੁਹਾਲੀ ਵਿਖੇ ਗਮਾਡਾ ਦੇ ਦਫਤਰ ਤੇ 25 ਹੋਰ ਥਾਵਾਂ ’ਤੇ ਪਿਛਲੇ 3 ਦਿਨਾਂ ਦੌਰਾਨ ਕੀਤੀ ਗਈ ਛਾਪੇਮਾਰੀ ਅੱਜ ਕੋਈ 48 ਘੰਟਿਆਂ ਬਾਅਦ ਖ਼ਤਮ ਹੋ ਗਈ। ਆਮ ਆਦਮੀ ਪਾਰਟੀ ਦੇ ਵਰਕਰ ਜੋ ਅੱਜ ਸਵੇਰ ਤੋਂ ਗਮਾਡਾ ਭਵਨ ਵਿਖੇ ਮੁਜ਼ਾਹਰਾ ਕਰ ਰਹੇ ਸਨ, ਜਿਵੇਂ ਹੀ ਬਾਅਦ ਦੁਪਹਿਰ ਗਮਾਡਾ ਭਵਨ ਨਿਕਲੇ, ਈ.ਡੀ. ਦੀ ਟੀਮ ਵੀ 15 ਮਿੰਟਾਂ ਬਾਅਦ ਹੀ ਚਲੀ ਗਈ । ਈ.ਡੀ. ਵਲੋਂ ਦੱਸਿਆ ਗਿਆ ਕਿ ਉਸ ਵਲੋਂ ਇਹ ਕਾਰਵਾਈ ਤ੍ਰਿਪੁਤੀ ਇਨਫਰਾ ਪ੍ਰਾਜੈਕਟ ਦੇ ਮਾਲਕਾਂ ਵਲੋਂ ਕੀਤੇ ਗਏ 238 ਕਰੋੜ ਦੇ ਬੈਂਕ ਫਰਾਡ ਨਾਲ ਸਬੰਧਿਤ ਸੀ । ਈ.ਡੀ. ਨੇ ਆਪਣੇ ਪ੍ਰੈੱਸ ਨੋਟ ਰਾਹੀਂ ਦੱਸਿਆ ਕਿ ਗਮਾਡਾ ਵਲੋਂ ਰੈਮੀਗੇਟ ਇਨਫਰਾ ਡਿਵੈਲਪਰਜ਼ ਨੂੰ 52 ਕਰੋੜ ਵਿਚ ਫਾਇਦਾ ਦਿੱਤਾ । ਈ.ਡੀ. ਅਨੁਸਾਰ ਉਸ ਵਲੋਂ ਆਪਣੀ ਜਾਂਚ ਵਿਚ ਪ੍ਰਮੁੱਖ ਸਕੱਤਰ ਵਿਕਾਸ ਗਰਗ ਆਈ.ਏ.ਐਸ., ਚੀਫ ਐਡਮਨਿਸਟਰੇਟਰ ਸੰਦੀਪ ਰਿਸ਼ੀ ਆਈ.ਏ.ਐਸ., ਅਡੀਸ਼ਨਲ ਚੀਫ ਐਡਮਨਿਸਟਰੇਟਰ ਅਮਰਿੰਦਰ ਮੱਲੀ ਪੀ.ਸੀ.ਐਸ. ਤੇ ਪੀ.ਸੀ.ਐਸ. ਅਧਿਕਾਰੀ ਰੋਹਿਤ ਜਿੰਦਲ, ਸਾਬਕਾ ਚੀਫ ਐਡਮਨਿਸਟਰੇਟਰ ਰਜੀਵ ਗੁਪਤਾ ਆਈ.ਏ.ਐਸ. ਅਤੇ ਟੀਲਾ ਕੰਸਲਟੈਂਸੀ ਦੇ ਡਾਇਰੈਕਟਰ ਕੀਰਤੀ ਸਾਧੂ ਬੋਸ ਨੂੰ ਸ਼ਾਮਿਲ ਕੀਤਾ । ਈ.ਡੀ. ਵਲੋਂ ਇਹ ਦਾਅਵਾ ਕੀਤਾ ਗਿਆ ਕਿ ਗਮਾਡਾ ਦਫਤਰ ਦੇ ਕੰਮਕਾਜ ਵਿਚ ਕੋਈ ਵਿਘਨ ਨਹੀਂ ਪਾਇਆ ਗਿਆ ਤੇ ਨਾ ਹੀ ਬਾਹਰੋਂ ਆਉਣ ਵਾਲੇ ਕਿਸੇ ਵਿਅਕਤੀ ਨੂੰ ਰੋਕਿਆ ਗਿਆ, ਲੇਕਿਨ ਛਾਪੇਮਾਰੀ ਦੌਰਾਨ ਕੋਈ ਵਿਅਕਤੀ ਗਮਾਡਾ ਦੇ ਦਫਤਰ ਵਿਚ ਦਾਖਲ ਨਹੀਂ ਹੋਣ ਦਿੱਤਾ ਗਿਆ ਤੇ ਗਮਾਡਾ ਦਫ਼ਤਰ ਦੇ ਗੇਟਾਂ ਤੇ ਦਫ਼ਤਰ ਅੰਦਰ ਵੀ ਸੀ.ਆਰ.ਪੀ.ਐਫ. ਤਾਇਨਾਤ ਸੀ । ਈ.ਡੀ. ਵਲੋਂ ਇਹ ਵੀ ਦਾਅਵਾ ਕੀਤਾ ਗਿਆ ਕਿ ਸੈਕਟਰ 39 ਦੀ ਕੋਠੀ ਨੰਬਰ 926 ਜੋ ਸਨ੍ਹੀ ਸਿੰਘ ਆਹਲੂਵਾਲੀਆ ਜੋ ਚੇਅਰਮੈਨ ਪੰਜਾਬ ਵਾਟਰ ਸਪਲਾਈ ਦੇ ਚੇਅਰਮੈਨ ਦੇ ਨਾਮ ਅਲਾਟ ਹੈ ਵਿਖੇ ਵੀ ਦਸਤਕ ਦਿੱਤੀ, ਜਿਸ ਸੰਬੰਧੀ ਦੱਸਿਆ ਗਿਆ ਸੀ ਕਿ ਉੱਥੇ ਸਤਿੰਦਰ ਜੈਨ (ਦਿੱਲੀ ਦੇ ਸਾਬਕਾ ਮੰਤਰੀ) ਤੇ ਗਮਾਡਾ ਅਧਿਕਾਰੀਆਂ ਨਾਲ ਮੀਟਿੰਗਾਂ ਕਰਦੇ ਸਨ । ਈ.ਡੀ. ਨੇ ਇਹ ਵੀ ਦੋਸ਼ ਲਗਾਇਆ ਕਿ ਗਮਾਡਾ ਦੀ ਹੁਣ ਤਕ ਨਾ ਵਿਕ ਸਕੀਆਂ ਜ਼ਮੀਨਾਂ ਦਾ ਮੁੱਲ ਘਟਾ ਕੇ ਵੇਚਣ ਦੀ ਤਜਵੀਜ਼ ਦਾ ਵੀ ਪਤਾ ਲੱਗਾ ਹੈ, ਜਿਸ ਕਾਰਨ 10 ਹਜ਼ਾਰ ਕਰੋੜ ਦਾ ਨੁਕਸਾਨ ਹੋ ਸਕਦਾ ਹੈ । ਪ੍ਰੰਤੂ ਇਸ 10 ਹਜ਼ਾਰ ਕਰੋੜ ਦੇ ਅੰਕੜੇ ਦਾ ਕੀ ਆਧਾਰ ਹੈ ਇਸਨੂੰ ਸਪੱਸ਼ਟ ਨਹੀਂ ਕੀਤਾ ਗਿਆ । ਈ.ਡੀ. ਵਲੋਂ ਇਹ ਦੋਸ਼ ਲਗਾਇਆ ਗਿਆ ਕਿ ਦਿੱਲੀ ਤੋਂ ਆਮ ਆਦਮੀ ਪਾਰਟੀ ਦੇ ਸੀਨੀਅਰ ਆਗੂ ਗਮਾਡਾ ਦੇ ਕੰਮਕਾਜ ’ਤੇ ਪ੍ਰਭਾਵੀ ਸਨ । ਲੇਕਿਨ ਈ.ਡੀ. ਵਲੋਂ ਜਿੰਨੇ ਵੱਡੇ ਲਾਮ ਲਸ਼ਕਰ ਨਾਲ ਮਗਰਲੇ ਤਿੰਨ ਦਿਨ ਇਹ ਕਾਰਵਾਈ ਕੀਤੀ ਉਸ ਦੌਰਾਨ ਗਮਾਡਾ ਦੇ ਦਫ਼ਤਰ ਤੋਂ ਫਾਈਲਾਂ ਦੀਆਂ ਕੋਈ ਬੋਰੀਆਂ ਤੇ ਕੰਪਿਊਟਰਾਂ ਦੀਆਂ ਡਿਸਕਾਂ ਲਿਜਾਉਣ ਤੋਂ ਬਿਨਾਂ ਕੋਈ ਰਿਕਵਰੀ ਸਾਹਮਣੇ ਨਹੀਂ ਆਈ । ਆਮ ਆਦਮੀ ਪਾਰਟੀ ਦੇ ਬੁਲਾਰੇ ਨੇ ਅੱਜ ਈ.ਡੀ. ਦੀ ਕਾਰਵਾਈ ਨੂੰ ਭਾਜਪਾ ਦੀ ਚੋਣ ਮੁਹਿੰਮ ਦਾ ਹਿੱਸਾ ਦੱਸਦਿਆਂ ਕਿਹਾ ਕਿ ਨਾ ਤਾਂ ਆਮ ਆਦਮੀ ਪਾਰਟੀ ਅਜਿਹੀਆਂ ਕਾਰਵਾਈਆਂ ਕਾਰਨ ਘਬਰਾਉਣ ਵਾਲੀ ਹੈ ਤੇ ਨਾ ਹੀ ਪੰਜਾਬ ਦੇ ਲੋਕਾਂ ਨੂੰ ਅਜਿਹੇ ਡਰਾਵਿਆਂ ਨਾਲ ਗੁੰਮਰਾਹ ਕੀਤਾ ਜਾ ਸਕਦਾ ਹੈ । ਈ.ਡੀ. ਜੋ ਕਿ ਪੰਜਾਬ ਵਿਚ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਕਾਫੀ ਸਰਗਰਮ ਨਜ਼ਰ ਆ ਰਹੀ ਹੈ ਕੀ ਆਉਂਦੇ ਦਿਨਾਂ ਦੌਰਾਨ ਵੀ ਛਾਪੇਮਾਰੀਆਂ ਜਾਰੀ ਰੱਖੇਗੀ ਇਹ ਵੇਖਣ ਵਾਲੀ ਗੱਲ ਹੋਵੇਗੀ । ਸ਼੍ਰੋਮਣੀ ਅਕਾਲੀ ਦਲ (ਬ) ਨੇ ਸਰਕਾਰ ਤੋਂ ਮੰਗਿਆ ਸਪੱਸ਼ਟੀਕਰਨ ਚੰਡੀਗੜ੍ਹ, 24 ਸਤੰਬਰ (ਪ੍ਰੋ. ਅਵਤਾਰ ਸਿੰਘ)-ਸ਼੍ਰੋਮਣੀ ਅਕਾਲੀ ਦਲ (ਬ) ਨੇ ਮੁਹਾਲੀ ਸਥਿਤ ਗਮਾਡਾ ਦਫ਼ਤਰ ਅਤੇ ‘ਆਪ’ ਨਾਲ ਸਬੰਧਿਤ ਟਿਕਾਣਿਆਂ ’ਤੇ ਈ.ਡੀ. ਦੀ ਕਾਰਵਾਈ ਨੂੰ ਲੈ ਕੇ ਪੰਜਾਬ ਸਰਕਾਰ ਤੋਂ ਸਪੱਸ਼ਟੀਕਰਨ ਮੰਗਿਆ ਹੈ। ਪਾਰਟੀ ਦੇ ਸੀਨੀਅਰ ਆਗੂ ਡਾ. ਦਲਜੀਤ ਸਿੰਘ ਚੀਮਾ ਨੇ ਕਿਹਾ ਕਿ ਜੇਕਰ ਕਿਸੇ ਅਧਿਕਾਰੀ ਜਾਂ ਵਿਅਕਤੀ ਵਲੋਂ ਕੋਈ ਬੇਨਿਯਮੀ ਕੀਤੀ ਗਈ ਹੈ ਤਾਂ ਸਰਕਾਰ ਨੂੰ ਈ.ਡੀ. ਦੀ ਜਾਂਚ ਵਿਚ ਸਹਿਯੋਗ ਕਰਨਾ ਚਾਹੀਦਾ ਹੈ। ਉਨ੍ਹਾਂ ਪੰਜਾਬ ਸਰਕਾਰ ਤੋਂ ਖ਼ਾਸ ਤੌਰ ’ਤੇ ਪੁੱਛਿਆ ਕਿ ਦਿੱਲੀ ਦੇ ‘ਆਪ’ ਆਗੂ ਸਤੇਂਦਰ ਜੈਨ ਨੂੰ ਮੰਤਰੀਆਂ ਲਈ ਨਿਰਧਾਰਿਤ ਸਰਕਾਰੀ ਰਿਹਾਇਸ਼ ਕਿਸ ਨਿਯਮ ਤੇ ਕਿਸ ਅਧਿਕਾਰ ਤਹਿਤ ਅਲਾਟ ਕੀਤੀ ਗਈ।

ਈ.ਡੀ. ਦੀ 26 ਥਾਵਾਂ ’ਤੇ ਚੱਲੀ ਛਾਪੇਮਾਰੀ 48 ਘੰਟਿਆਂ ਬਾਅਦ ਹੋਈ ਖ਼ਤਮ ਹਰਕਵਲਜੀਤ ਸਿੰਘ

Subscribers Only Story

ਸੰਬੰਧਿਤ ਖ਼ਬਰਾਂ