ਪਾਰਟੀ ਦੌਰਾਨ ਗੋਲੀ ਲੱਗਣ ਕਾਰਨ ਨੌਜਵਾਨ ਦੀ ਮੌਤ

ਮਾਨਾਂਵਾਲਾ, 24 ਸਤੰਬਰ (ਗੁਰਦੀਪ ਸਿੰਘ ਨਾਗੀ)-ਅੰਮ੍ਰਿਤਸਰ-ਜਲੰਧਰ ਜੀ. ਟੀ.

ਅ

ਅਜੀਤ ਡੈਸਕ 25-09-2026

ਮਾਨਾਂਵਾਲਾ, 24 ਸਤੰਬਰ (ਗੁਰਦੀਪ ਸਿੰਘ ਨਾਗੀ)-ਅੰਮ੍ਰਿਤਸਰ-ਜਲੰਧਰ ਜੀ.ਟੀ. ਰੋਡ ’ਤੇ ਸਥਿਤ ਕਸਬਾ ਮਾਨਾਂਵਾਲਾ ਵਿਖੇ ਇਕ ਨਿੱਜੀ ਕਾਲੋਨੀ ਵਿਚ ਚੱਲ ਰਹੀ ਜਨਮ ਦਿਨ ਦੀ ਪਾਰਟੀ ਦੌਰਾਨ ਗੋਲੀ ਚੱਲਣ ਕਾਰਨ ਇਕ ਨੌਜਵਾਨ ਦੀ ਮੌਤ ਹੋ ਗਈ। ਪੁਲਿਸ ਚੌਂਕੀ ਦੋਬੁਰਜੀ ਦੇ ਇੰਚਾਰਜ ਸੁਖਦੇਵ ਸਿੰਘ ਨੇ ਦੱਸਿਆ ਕਿ ਬੀਤੀ ਰਾਤ ਕਾਰੋਬਾਰੀ ਪਵਨ ਕੁਮਾਰ ਵਰਮਾ ਪੁੱਤਰ ਸਵ: ਰਾਮ ਚੰਦਰ ਵਾਸੀ ਬਸੰਤ ਐਵੀਨਿਊ ਅੰਮ੍ਰਿਤਸਰ ਆਪਣੇ ਪਰਿਵਾਰ ਤੇ ਰਿਸ਼ਤੇਦਾਰਾਂ ਨਾਲ ਮਾਨਾਂਵਾਲਾ ਦੀ ਨਿਰਵਾਣਾ ਕਾਲੋਨੀ ਵਿਚ ਬਣਾਏ ਫਾਰਮ ਹਾਊਸ ਵਿਚ ਜਨਮ ਦਿਨ ਦੀ ਪਾਰਟੀ ਕਰ ਰਿਹਾ ਸੀ ਕਿ ਰਾਤ 12:30 ਤੋਂ 1 ਵਜੇ ਦੇ ਕਰੀਬ ਪਵਨ ਕੁਮਾਰ ਵਰਮਾ ਦੇ ਸਾਲੇ ਰਾਜੀਵ ਪੁਰੀ ਵਾਸੀ ਗੋਲਡਨ ਐਵੀਨਿਊ, ਜਲੰਧਰ ਦੇ ਲੜਕੇ ਅਭੈ ਵੀਰ ਪੁਰੀ ਨੇ ਪਵਨ ਕੁਮਾਰ ਵਰਮਾ ਦੇ ਗੰਨਮੈਨ ਸਵਿੰਦਰ ਸਿੰਘ ਪੁੱਤਰ ਕਾਬਲ ਸਿੰਘ ਵਾਸੀ ਨਰਾਇਣਗੜ੍ਹ, ਛੇਹਰਟਾ ਪਾਸੋਂ ਪਿਸਤੌਲ ਲੈ ਕੇ ਗੋਲੀ ਚਲਾਉਣ ਦੀ ਜਿੱਦ ਕੀਤੀ ਤਾਂ ਪਿਸਤੌਲ ਫੜਦਿਆਂ ਅਚਾਨਕ ਚੱਲ ਗਈ ਤੇ ਗੋਲੀ ਸਿੱਧੀ ਅਭੈ ਵੀਰ ਪੁਰੀ ਦੇ ਵੱਜਣ ਨਾਲ ਉਸ ਦੀ ਮੌਤ ਹੋ ਗਈ। ਇੰਚਾਰਜ ਸੁਖਦੇਵ ਸਿੰਘ ਨੇ ਦੱਸਿਆ ਕਿ ਪਰਿਵਾਰ ਦੇ ਬਿਆਨਾਂ ’ਤੇ ਕਾਰਵਾਈ ਅਮਲ ਵਿਚ ਲਿਆਂਦੀ ਜਾਵੇਗੀ।

ਪਿਛਲੀ ਖ਼ਬਰ ਪੰਜ ਸਿੱਖ ਜਥੇਬੰਦੀਆਂ ਦੇ 51 ਮੈਂਬਰੀ ਜਥੇ ਵਲੋਂ ਜਵਾਬ ਤਲਬੀ ਲਈ ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਧਾਮੀ ਦੇ ਘਰ ਦਾ ਘਿਰਾਓ ਬ... ਅਗਲੀ ਖ਼ਬਰ ਰਾਸ਼ਟਰੀ ਮਹਿਲਾ ਕਮਿਸ਼ਨ ਨੇ ਮਾਮਲੇ ਦੀ 7 ਦਿਨਾਂ ਅੰਦਰ ਮੰਗੀ ਰਿਪੋਰਟ