ਮੋਗਾ, 17 ਮਈ (ਸੁਰਿੰਦਰਪਾਲ ਸਿੰਘ)-ਅੰਤਰ-ਰਾਸ਼ਟਰੀ ਹਿੰਦੂ ਪ੍ਰੀਸ਼ਦ ਅਤੇ ਰਾਸ਼ਟਰੀ ਬਜਰੰਗ ਦਲ ਵਲੋਂ ਸ਼ਹਿਰ ਦੇ ਜਲੰਧਰ ਕਾਲੋਨੀ ਵਿਚ ਸਥਿਤ ਸ਼ਿਆਮ ਮੰਦਰ ਵਿਖੇ ਏਕ ਸ਼ਾਮ ਬਾਲਾ ਜੀ ਕੇ ਨਾਮ ਇਕ ਵਿਸ਼ਾਲ ਭਜਨ ਸੰਧਿਆ ਦਾ ਆਯੋਜਨ ਕੀਤਾ ਗਿਆ | ਇਸ ਦੀ ਸ਼ੁਰੂਆਤ ਮੰਦਰ ਦੇ ਸੰਸਥਾਪਕ ਕਮਲ ਸ਼ਰਮਾ ਅਤੇ ਪ੍ਰਧਾਨ ਪੁਜਾਰੀ ਨੇ ਰਸਮਾਂ ਦੀ ਅਗਵਾਈ ਕਰਨ ਨਾਲ ਕੀਤੀ | ਇਸ ਤੋਂ ਬਾਅਦ ਅੰਤਰ-ਰਾਸ਼ਟਰੀ ਹਿੰਦੂ ਪ੍ਰੀਸ਼ਦ/ਰਾਸ਼ਟਰੀ ਬਜਰੰਗ ਦਲ ਦੇ ਇਕ ਸੀਨੀਅਰ ਮੈਂਬਰ ਅਤੇ ਵਾਰਡ ਪ੍ਰਧਾਨ ਮੰਗਤ ਸ਼ਰਮਾ ਨੇ ਆਪਣੇ ਪਰਿਵਾਰ ਸਮੇਤ ਬਾਲਾ ਜੀ ਮਹਾਰਾਜ ਦੇ ਮੰਦਰ ਵਿਚ ਪੂਜਾ ਕੀਤੀ | ਇਸ ਸਮਾਗਮ ਦੌਰਾਨ ਸੱਦੇ ਗਏ ਗਾਇਕ ਆਰਵ ਅਰੋੜਾ ਨੇ ਭਜਨ ਪੇਸ਼ ਕਰ ਕੇ ਸ਼ਰਧਾਲੂਆਂ ਨੂੰ ਮੰਤਰ ਮੁਗਧ ਕੀਤਾ | ਇਸ ਮੌਕੇ ਅੰਤਰ-ਰਾਸ਼ਟਰੀ ਹਿੰਦੂ ਪ੍ਰੀਸ਼ਦ/ਰਾਸ਼ਟਰੀ ਬਜਰੰਗ ਦਲ ਨੇ ਹਾਜ਼ਰ ਮੁੱਖ ਮਹਿਮਾਨਾਂ ਨੂੰ ਬਾਲਾ ਜੀ ਮਹਾਰਾਜ ਦਾ ਪਵਿੱਤਰ ਯਾਦਗਾਰੀ ਚਿੰਨ੍ਹ ਅਤੇ ਸਿਰੋਪਾਉ ਭੇਟ ਕਰ ਕੇ ਸਨਮਾਨਿਤ ਕੀਤਾ | ਸੰਕੀਰਤਨ ਆਰਤੀ ਨਾਲ ਸਮਾਪਤ ਹੋਇਆ, ਜਿਸ ਤੋਂ ਬਾਅਦ ਹਾਜ਼ਰ ਸਾਰਿਆਂ ਨੂੰ ਪ੍ਰਸਾਦ ਵੰਡਿਆ ਗਿਆ | ਇਸ ਮੌਕੇ ਬੋਲਦਿਆਂ ਅੰਤਰ-ਰਾਸ਼ਟਰੀ ਹਿੰਦੂ ਪ੍ਰੀਸ਼ਦ/ਰਾਸ਼ਟਰੀ ਬਜਰੰਗ ਦਲ ਦੇ ਮਹੇਸ਼ ਗਰਗ ਪ੍ਰਧਾਨ ਅਤੇ ਰਾਜੇਸ਼ ਸ਼ਰਮਾ ਰਾਜੂ ਜਨਰਲ ਸਕੱਤਰ ਨੇ ਕਿਹਾ ਕਿ 4 ਜੂਨ ਨੂੰ ਮੋਗਾ ਤੋਂ ਸ਼ਰਧਾਲੂਆਂ ਦਾ ਇਕ ਜਥਾ ਰਾਜਸਥਾਨ ਦੇ ਮਹਿੰਦੀਪੁਰ ਬਾਲਾ ਜੀ, ਖਾਟੂ ਸ਼ਿਆਮ ਜੀ, ਸਾਂਵਰੀਆ ਸੇਠ ਅਤੇ ਸਾਲਾਸਰ ਧਾਮ ਦੇ ਪਵਿੱਤਰ ਅਸਥਾਨਾਂ 'ਤੇ ਰਸਮੀ ਝੰਡੇ ਚੜ੍ਹਾਉਣ ਲਈ ਯਾਤਰਾ 'ਤੇ ਰਵਾਨਾ ਹੋਵੇਗਾ | ਸ਼ਰਧਾਲੂਆਂ ਨੂੰ ਲੈ ਕੇ ਜਾਣ ਵਾਲੀ ਬੱਸ ਨੂੰ ਪੰਜਾਬ ਦੇ ਪ੍ਰਧਾਨ ਵਿਜੇ ਕਪੂਰ ਅਤੇ ਜਗਜੀਤ ਸਿੰਘ ਗਿੱਲ ਸਾਬਕਾ ਸੁਪਰਡੈਂਟ ਆਫ਼ ਪੰਜਾਬ ਪੁਲਿਸ ਹਰੀ ਝੰਡੀ ਦੇ ਕੇ ਰਵਾਨਾ ਕਰਨਗੇ | ਇਸ ਮੌਕੇ ਰਾਮਾਨੰਦ ਜਨਰਲ ਸਕੱਤਰ ਪੰਜਾਬ ਤੇ ਹਰਿਆਣਾ, ਦੀਪਕ ਸ਼ਰਮਾ ਮੀਤ ਪ੍ਰਧਾਨ, ਮਨੋਜ ਸੈਨ, ਨਿਤਿਨ ਸ਼ਰਮਾ ਸੰਯੁਕਤ ਸਕੱਤਰ, ਆਸ਼ੂ ਸਿੰਗਲਾ ਮੀਡੀਆ ਇੰਚਾਰਜ, ਮਨੀ, ਬਲਰਾਜ ਸ਼ਰਮਾ, ਮੰਗਤ ਸ਼ਰਮਾ, ਦੀਪਕ ਬਾਂਸਲ, ਨਰੇਸ਼ ਕੁਮਾਰ, ਪ੍ਰਕਾਸ਼ ਵੀਰ, ਕੁਨਾਲ ਗੋਇਲ, ਅਜੈ ਕੁਮਾਰ, ਅਜੈ ਕੁਮਾਰ, ਵਨ ਕੁਮਾਰ ਸ਼ਰਮਾ, ਦੇਵ ਕੁਮਾਰ ਸ਼ਰਮਾ, ਅਨਾਊਸ ਕੁਮਾਰ, ਵਨ ਸ਼ਰਮਾ, ਦੇਵ ਕੁਮਾਰ, ਸੁਖਪਾਲ ਦਾਸ, ਕਪਿਲ ਖੰਨਾ, ਕਵੀਸ਼ ਅਰੋੜਾ, ਅਜੈ ਗਰਗ, ਕਮਲ ਸ਼ਰਮਾ, ਰਾਜੇਸ਼ ਸਿੰਗਲਾ, ਸੰਜੀਵ ਗਰਗ ਟੀਟੂ, ਭੁਪੇਸ਼ ਸ਼ਰਮਾ, ਭੂਸ਼ਨ ਗਰਗ, ਵਿਨੋਦ ਪੋਪਲੀ, ਰਾਮ ਪ੍ਰਕਾਸ਼ ਮੰਗਲਾ, ਚੰਦਰ ਮੋਹਨ ਸਹਿਗਲ, ਕਪਿਲ ਮਿੱਲੀ ਸ਼ਰਮਾ, ਡਾ. ਰਾਮਜੀਤ ਸ਼ਰਮਾ, ਡਾ. ਵਿਜੇ ਅਰੋੜਾ, ਜਗਦੀਸ਼ ਬੱਤਰਾ, ਸੁਦਾਮਾ ਪੁਰੀ, ਸੁਮਿਤ ਗਰਗ ਆਦਿ ਹਾਜ਼ਰ ਸਨ |17ਮੋਗਾ41
