ਲਾਇਨਜ਼ ਕਲੱਬ ਮੋਗਾ ਸੈਂਟਰਲ ਨੂੰ ਵਧੀਆ ਕਾਰਗੁਜ਼ਾਰੀ ਲਈ ਕੀਤਾ ਸਨਮਾਨਿਤ

ਮੋਗਾ, 2 ਅਗਸਤ (ਅਸ਼ੋਕ ਬਾਂਸਲ)-ਸਾਲ 2025-26 ਦੌਰਾਨ ਲਾਇਨ ਕਲੱਬ 321 ਐਫ ਵਲੋਂ ਵਧੀਆ ਕਾਰਗੁਜ਼ਾਰੀ ਕਰਨ ਵਾਲੇ ਕਲੱਬਾਂ ਨੂੰ ਨਰਵਾਨਾ ਕਲੱਬ ਲੁਧਿਆਣਾ ਵਿਖੇ ਹੋਈ ਮੀਟਿੰਗ ਵਿਚ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਮੁੱਖ ਮਹਿਮਾਨ ਲਾਇਨ ਜਤਿੰਦਰ ਸਿੰਘ ਚੌਹਾਨ ਕੋਨਟੀਨੇਟਲ ਏਰੀਆ ਲੀਡਰ ਤੇ ਪ੍ਰੋਜਾਈਡਿੰਗ ਅਫ਼ਸਰ, ਲਾਇਨ ਅੰਮ੍ਰਿਤਪਾਲ ਸਿੰਘ ਜੰਡੂ , ਲਾਇਨ ਅਜੈ ਗੋਇਲ ਜ਼ਿਲ੍ਹਾ ਗਵਰਨਰ ਤੋਂ ਇਲਾਵਾ ਉਪ ਜ਼ਿਲ੍ਹਾ ਗਵਰਨਰ, ਸਾਬਕਾ ਗਵਰਨਰ ਤੇ 300 ਦੇ ਕਰੀਬ ਵੱਖ-ਵੱਖ ਕਲੱਬਾਂ ਦੇ ਅਹੁਦੇਦਾਰਾਂ ਤੇ ਮੈਂਬਰਾਂ ਨੇ ਭਾਗ ਲਿਆ।