ਕਿਸਾਨ ਯੂਨੀਅਨ ਕਾਦੀਆਂ ਵਲੋਂ ਪਾਵਰਕਾਮ ਤੋਂ ਮੀਟਰਾਂ ਦੇ ਬਿੱਲ ਕਿਸ਼ਤਾਂ ’ਚ ਲੈਣ ਦੀ ਮੰਗ
ਅਮਰਗੜ੍ਹ, 3 ਅਗਸਤ (ਜਤਿੰਦਰ ਮੰਨਵੀ)-ਪਿਛਲੇ ਕਰੀਬ ਛੇ ਮਹੀਨਿਆਂ ਤੋਂ ਘਰੇਲੂ ਬਿਜਲੀ ਬਿੱਲ ਨਾ ਆਉਣ ਨੂੰ ਲੈ ਕੇ ਕਿਸਾਨ ਯੂਨੀਅਨ ਕਾਦੀਆਂ ਵੱਲੋਂ ਯੂਨੀਅਨ ਦੇ ਸਕੱਤਰ ਜਨਰਲ ਪੰਜਾਬ ਭੁਪਿੰਦਰ ਸਿੰਘ ਭਿੰਦਾ ਬਨਭੋਰਾ ਦੀ ਅਗਵਾਈ ਹੇਠ ਅਮਰਗੜ੍ਹ ਵਿਖੇ ਇੱਕ ਅਹਿਮ ਮੀਟਿੰਗ ਕੀਤੀ ਗਈ। ਮੀਟਿੰਗ ਦੌਰਾਨ ਕਿਸਾਨਾਂ ਨੂੰ ਆ ਰਹੀਆਂ ਮੁਸ਼ਕਿਲਾਂ ਬਾਰੇ ਵਿਚਾਰ-ਵਟਾਂਦਰਾ ਕੀਤਾ ਗਿਆ।
ਅਮਰਗੜ੍ਹ, 3 ਅਗਸਤ (ਜਤਿੰਦਰ ਮੰਨਵੀ)-ਪਿਛਲੇ ਕਰੀਬ ਛੇ ਮਹੀਨਿਆਂ ਤੋਂ ਘਰੇਲੂ ਬਿਜਲੀ ਬਿੱਲ ਨਾ ਆਉਣ ਨੂੰ ਲੈ ਕੇ ਕਿਸਾਨ ਯੂਨੀਅਨ ਕਾਦੀਆਂ ਵੱਲੋਂ ਯੂਨੀਅਨ ਦੇ ਸਕੱਤਰ ਜਨਰਲ ਪੰਜਾਬ ਭੁਪਿੰਦਰ ਸਿੰਘ ਭਿੰਦਾ ਬਨਭੋਰਾ ਦੀ ਅਗਵਾਈ ਹੇਠ ਅਮਰਗੜ੍ਹ ਵਿਖੇ ਇੱਕ ਅਹਿਮ ਮੀਟਿੰਗ ਕੀਤੀ ਗਈ।ਮੀਟਿੰਗ ਦੌਰਾਨ ਕਿਸਾਨਾਂ ਨੂੰ ਆ ਰਹੀਆਂ ਮੁਸ਼ਕਿਲਾਂ ਬਾਰੇ ਵਿਚਾਰ-ਵਟਾਂਦਰਾ ਕੀਤਾ ਗਿਆ। ਇਸ ਦੌਰਾਨ ਪਾਵਰਕੌਮ ਵੱਲੋਂ ਪਿਛਲੇ ਛੇ ਮਹੀਨਿਆਂ ਤੋਂ ਘਰੇਲੂ ਬਿਜਲੀ ਬਿੱਲ ਨਾ ਭੇਜੇ ਜਾਣ ਦਾ ਸਖ਼ਤ ਨੋਟਿਸ ਲੈਂਦਿਆਂ ਸਰਕਾਰ ਨੂੰ ਚੇਤਾਵਨੀ ਦਿੱਤੀ ਗਈ ਕਿ ਬਿੱਲ ਇਕੱਠੇ ਆਉਣ ਦੀ ਸੂਰਤ ‘ਚ ਉਨ੍ਹਾਂ ਦੀ ਅਦਾਇਗੀ ਕਰਨੀ ਆਮ ਲੋਕਾਂ ਦੇ ਵੱੱਸ ਵਿਚ ਨਹੀਂ ਹੋਵੇਗੀ, ਇਸ ਲਈ ਇਨ੍ਹਾਂ ਬਿੱਲਾਂ ਨੂੰ ਕਿਸ਼ਤਾਂ ‘ਚ ਲਿਆ ਜਾਵੇ। ਯੂਨੀਅਨ ਨੇ ਆਖਿਆ ਕਿ ਜੇਕਰ ਸਰਕਾਰ ਨੇ ਇਹ ਮੰਗ ਨਾ ਮੰਨੀ ਤਾਂ ਸੰਘਰਸ਼ ਕੀਤਾ ਜਾਵੇਗਾ। ਆਗੂਆਂ ਨੇ ਦੋਸ਼ ਲਾਇਆ ਕਿ ਬਿਜਲੀ ਵਿਭਾਗ ਵੱਲੋਂ ਕਿਸਾਨਾਂ ਨੂੰ ਟਿਊਬਵੈੱਲਾਂ ਲਈ 25 ਅਤੇ 63 ਕੇ.ਵੀ.ਏ. ਦੇ ਟਰਾਂਸਫਾਰਮਰ ਨਹੀਂ ਦਿੱਤੇ ਜਾ ਰਹੇ। ਇਸ ਤੋਂ ਇਲਾਵਾ ਜਿਹੜੇ ਕਿਸਾਨ ਆਪਣੇ ਮੋਟਰਾਂ ਦਾ ਲੋਡ ਵਧਾਉਣਾ ਚਾਹੁੰਦੇ ਹਨ, ਉਨ੍ਹਾਂ ਲਈ ਸਰਕਾਰ ਵੱਲੋਂ ਫ਼ੀਸਾਂ ਵਿਚ ਕੋਈ ਛੋਟ ਨਹੀਂ ਦਿੱਤੀ ਜਾ ਰਹੀ, ਜਦਕਿ ਪਿਛਲੀਆਂ ਸਰਕਾਰਾਂ ਵੱਲੋਂ ਮੋਟਰਾਂ ਦੀਆਂ ਪਾਵਰਾਂ ਦੇ ਰੇਟ ਘਟਾਏ ਜਾਂਦੇ ਸਨ।ਇਸ ਮੌਕੇ ਸਕੱਤਰ ਜਨਰਲ ਪੰਜਾਬ ਭੁਪਿੰਦਰ ਸਿੰਘ ਭਿੰਦਾ ਬਨਭੋਰਾ, ਜ਼ਿਲ੍ਹਾ ਪ੍ਰਧਾਨ ਜਗਦੀਸ਼ ਸਿੰਘ ਚੋਂਦਾ, ਜ਼ਿਲ੍ਹਾ ਖ਼ਜ਼ਾਨਚੀ ਕੁਲਵਿੰਦਰ ਸਿੰਘ ਸੋਹੀ, ਬਲਾਕ ਪ੍ਰਧਾਨ ਮਨੀ ਭੁੱਲਰ, ਜ਼ਿਲ੍ਹਾ ਮੀਤ ਪ੍ਰਧਾਨ ਮਾਸਟਰ ਮਨਜੀਤ ਸਿੰਘ, ਕੁਲਵੰਤ ਭੁੱਲਰਾ, ਜਸਵੀਰ ਬਨਭੋਰਾ, ਬਲਜੀਤ ਭੁੱਲਰ, ਕਰਮਾ ਬਨਭੋਰਾ, ਬਲਪ੍ਰੀਤ ਸੋਹੀ, ਲਾਲੀ ਮਾਹੋਰਾਣਾ, ਕੁਲਵੀਰ ਸੋਹੀ, ਨੇਤਰ ਸਲਾਰ, ਜਸਪਾਲ ਭੁੱਲਰ, ਰਘਵਿੰਦਰ ਸਲਾਰ, ਲੱਖਾ ਮਾਹੋਰਾਣਾ, ਹਰਦੀਪ ਬਾਗੜੀਆਂ ਅਤੇ ਹਰਮਨ ਸੋਹੀ ਚੌਕੀਦਾਰ ਭੁੱਲਰਾ ਆਦਿ ਹਾਜ਼ਰ ਸਨ।
