ਮਹਿਲਾ ਅਗਰਵਾਲ ਸਭਾ ਧੂਰੀ ਦੀ ਨਵੀਂ ਕਾਰਜਕਾਰਨੀ ਦਾ ਸਹੁੰ ਚੁੱਕ ਸਮਾਗਮ ਸੰਪੰਨ
ਧੂਰੀ, 3 ਅਗਸਤ (ਲਖਵੀਰ ਸਿੰਘ ਧਾਂਦਰਾ) - ਮਹਿਲਾ ਅਗਰਵਾਲ ਸਭਾ ਧੂਰੀ ਵੱਲੋਂ ਸਾਲ 2026-27 ਲਈ ਸਹੁੰ ਚੁੱਕ ਅਤੇ ਅਹੁਦਾ ਸੰਭਾਲ ਸਮਾਗਮ ਸ਼ਾਨਦਾਰ ਢੰਗ ਨਾਲ ਕਰਵਾਇਆ ਗਿਆ। ਸਮਾਗਮ ਦੌਰਾਨ ਨਿਵਰਤਮਾਨ ਪ੍ਰਧਾਨ ਪੂਜਾ ਜਿੰਦਲ ਦੇ ਕਾਰਜਕਾਲ ਦੀ ਭਰਪੂਰ ਸਰਾਹਨਾ ਕਰਦਿਆਂ ਉਨ੍ਹਾਂ ਵੱਲੋਂ ਕੀਤੇ ਸ਼ਾਨਦਾਰ ਕੰਮਾਂ ਅਤੇ ਪ੍ਰਾਪਤੀਆਂ ਲਈ ਸਨਮਾਨਿਤ ਕੀਤਾ ਗਿਆ।
ਧੂਰੀ, 3 ਅਗਸਤ (ਲਖਵੀਰ ਸਿੰਘ ਧਾਂਦਰਾ) - ਮਹਿਲਾ ਅਗਰਵਾਲ ਸਭਾ ਧੂਰੀ ਵੱਲੋਂ ਸਾਲ 2026-27 ਲਈ ਸਹੁੰ ਚੁੱਕ ਅਤੇ ਅਹੁਦਾ ਸੰਭਾਲ ਸਮਾਗਮ ਸ਼ਾਨਦਾਰ ਢੰਗ ਨਾਲ ਕਰਵਾਇਆ ਗਿਆ। ਸਮਾਗਮ ਦੌਰਾਨ ਨਿਵਰਤਮਾਨ ਪ੍ਰਧਾਨ ਪੂਜਾ ਜਿੰਦਲ ਦੇ ਕਾਰਜਕਾਲ ਦੀ ਭਰਪੂਰ ਸਰਾਹਨਾ ਕਰਦਿਆਂ ਉਨ੍ਹਾਂ ਵੱਲੋਂ ਕੀਤੇ ਸ਼ਾਨਦਾਰ ਕੰਮਾਂ ਅਤੇ ਪ੍ਰਾਪਤੀਆਂ ਲਈ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਨਵੀਂ ਪ੍ਰਧਾਨ ਡਾ. ਮੀਨਾ ਕੁਮਾਰੀ ਦਾ ਨਿੱਘਾ ਸਵਾਗਤ ਕੀਤਾ ਗਿਆ ਅਤੇ ਉਨ੍ਹਾਂ ਨੂੰ ਸਫਲ ਤੇ ਪ੍ਰਭਾਵਸ਼ਾਲੀ ਕਾਰਜਕਾਲ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ ਗਈਆਂ। ਇਸ ਮੌਕੇ ਨਵੀਂ ਕਾਰਜਕਾਰਨੀ ਦਾ ਐਲਾਨ ਵੀ ਕੀਤਾ ਗਿਆ। ਇਸ ਵਿੱਚ ਪ੍ਰਧਾਨ ਡਾ. ਮੀਨਾ ਕੁਮਾਰੀ, ਮਹਾਂਸਚਿਵ ਅੰਜੂ ਗੁਪਤਾ, ਖਜ਼ਾਨਚੀ ਰੀਤਾ ਗਰਗ, ਸਰਪ੍ਰਸਤ ਪੂਜਾ ਜਿੰਦਲ ਅਤੇ ਰੇਖਾ ਜਿੰਦਲ, ਚੇਅਰਪਰਸਨ ਜਿੰਮੀ ਕਾਂਸਲ, ਸੀਨੀਅਰ ਉਪ ਪ੍ਰਧਾਨ ਸੀਆ ਗਰਗ ਅਤੇ ਕ੍ਰਿਤਿਕਾ ਬਾਂਸਲ, ਸਾਂਝੇ ਖਜ਼ਾਨਚੀ ਰਜਨੀ ਸਿੰਗਲਾ, ਉਪ ਪ੍ਰਧਾਨ ਆਸ਼ਾ ਸਿੰਗਲਾ ਅਤੇ ਸਾਂਝੇ ਸਕੱਤਰ ਨੀਲਮ ਗਰਗ ਅਤੇ ਅੰਜੂ ਜਿੰਦਲ ਸਮੇਤ ਸਮੂਹ ਕਾਰਜਕਾਰਨੀ ਮੈਂਬਰਾਂ ਨੇ ਆਪਣੇ ਅਹੁਦਿਆਂ ਦੀ ਜ਼ਿੰਮੇਵਾਰੀ ਸੰਭਾਲੀ। ਸਮਾਗਮ ਵਿੱਚ ਕਾਰਜਕਾਰਨੀ ਮੈਂਬਰ ਸੀਮਾ ਬਾਂਸਲ, ਰਾਖੀ ਗੋਇਲ, ਕਨਿਕਾ ਸਿੰਗਲਾ, ਨਿਸ਼ੂ ਬਾਂਸਲ, ਆਂਚਲ ਗੁਪਤਾ, ਨਿਸ਼ਾ ਗਰਗ ਅਤੇ ਅੰਜਨਾ ਜੀ ਵੀ ਹਾਜ਼ਰ ਰਹੇ। ਸਭ ਨੇ ਆਪਣੇ ਵਿਚਾਰ ਸਾਂਝੇ ਕਰਦਿਆਂ ਨਵੀਂ ਟੀਮ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ। ਇਸ ਦੌਰਾਨ ਸਭਾ ਪਰਿਵਾਰ ਵਿੱਚ ਤਿੰਨ ਨਵੇਂ ਮੈਂਬਰਾਂ ਸੁਨੀਤਾ ਜੀ, ਸ਼ਿਵਾਨੀ ਗਰਗ ਅਤੇ ਨੈਂਸੀ ਗਰਗ ਦਾ ਨਿੱਘਾ ਸਵਾਗਤ ਕੀਤਾ ਗਿਆ। ਸਾਰਿਆਂ ਨੇ ਉਨ੍ਹਾਂ ਨੂੰ ਸੇਵਾ, ਸਹਿਯੋਗ ਅਤੇ ਭੈਣਚਾਰੇ ਦੀ ਇਸ ਯਾਤਰਾ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ। ਕਾਰਜਕ੍ਰਮ ਦੇ ਅੰਤ ਵਿੱਚ ਸਮੂਹ ਹਾਜ਼ਰ ਮੈਂਬਰਾਂ ਅਤੇ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ਗਿਆ । ਵਕਤਾਵਾਂ ਨੇ ਵਿਸ਼ਵਾਸ ਜਤਾਇਆ ਕਿ ਨਵੀਂ ਟੀਮ ਸਮਾਜ ਸੇਵਾ, ਮਹਿਲਾ ਸਸ਼ਕਤੀਕਰਨ ਅਤੇ ਸਮਾਜਿਕ ਗਤੀਵਿਧੀਆਂ ਰਾਹੀਂ ਆਉਣ ਵਾਲੇ ਸਾਲ ਦੌਰਾਨ ਮਹੱਤਵਪੂਰਨ ਯੋਗਦਾਨ ਪਾਵੇਗੀ।
