ਮਣੀ ਮਹੇਸ਼ ਕੈਲਾਸ਼ ਦਰਸ਼ਨ ਸੇਵਾ ਦਲ ਲਗਾਏਗਾ 21ਵਾਂ ਵਿਸ਼ਾਲ ਭੰਡਾਰਾ
ਲਹਿਰਾਗਾਗਾ, 2 ਸਤੰਬਰ (ਅਸ਼ੋਕ ਗਰਗ) - ਮਣੀ ਮਹੇਸ਼ ਕੈਲਾਸ਼ ਦਰਸ਼ਨ ਸੇਵਾ ਦਲ ਲਹਿਰਾਗਾਗਾ ਵਲੋਂ ਹਿਮਾਚਲ ਪ੍ਰਦੇਸ਼ ਦੇ ਜ਼ਿਲ੍ਹਾ ਚੰਬਾ ਅਧੀਨ ਕਸਮਾਂ ਭਰਮਾਰ ਅਤੇ ਪਿੰਡ ਹਠਸਰ ਵਿਖੇ 21ਵਾਂ ਵਿਸ਼ਾਲ ਭੰਡਾਰਾ ਲਗਾਇਆ ਜਾ ਰਿਹਾ ਹੈ । ਭੰਡਾਰੇ ਦੌਰਾਨ ਮਣੀ ਮਹੇਸ਼ ਯਾਤਰਾ ’ਤੇ ਜਾਣ ਵਾਲੇ ਸ਼ਰਧਾਲੂਆਂ ਲਈ ਲੰਗਰ, ਰਿਹਾਇਸ਼, ਮੈਡੀਕਲ ਕੈਂਪ ਅਤੇ ਕੰਬਲਾਂ ਸਮੇਤ ਹੋਰ ਲੋੜੀਂਦੀਆਂ ਸਹੂਲਤਾਂ ਦਾ ਪ੍ਰਬੰਧ ਕੀਤਾ ਗਿਆ ਹੈ ।
ਲਹਿਰਾਗਾਗਾ, 2 ਸਤੰਬਰ (ਅਸ਼ੋਕ ਗਰਗ) - ਮਣੀ ਮਹੇਸ਼ ਕੈਲਾਸ਼ ਦਰਸ਼ਨ ਸੇਵਾ ਦਲ ਲਹਿਰਾਗਾਗਾ ਵਲੋਂ ਹਿਮਾਚਲ ਪ੍ਰਦੇਸ਼ ਦੇ ਜ਼ਿਲ੍ਹਾ ਚੰਬਾ ਅਧੀਨ ਕਸਮਾਂ ਭਰਮਾਰ ਅਤੇ ਪਿੰਡ ਹਠਸਰ ਵਿਖੇ 21ਵਾਂ ਵਿਸ਼ਾਲ ਭੰਡਾਰਾ ਲਗਾਇਆ ਜਾ ਰਿਹਾ ਹੈ । ਭੰਡਾਰੇ ਦੌਰਾਨ ਮਣੀ ਮਹੇਸ਼ ਯਾਤਰਾ ’ਤੇ ਜਾਣ ਵਾਲੇ ਸ਼ਰਧਾਲੂਆਂ ਲਈ ਲੰਗਰ, ਰਿਹਾਇਸ਼, ਮੈਡੀਕਲ ਕੈਂਪ ਅਤੇ ਕੰਬਲਾਂ ਸਮੇਤ ਹੋਰ ਲੋੜੀਂਦੀਆਂ ਸਹੂਲਤਾਂ ਦਾ ਪ੍ਰਬੰਧ ਕੀਤਾ ਗਿਆ ਹੈ । ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਲੰਗਰ ਦੇ ਪ੍ਰਧਾਨ ਕ੍ਰਿਸ਼ਨ ਕੁਮਾਰ ਬੀਬਾ, ਲੰਗਰ ਇੰਚਾਰਜ ਸੰਦੀਪ ਕੁਮਾਰ ਦੀਪੂ ਅਤੇ ਚੇਅਰਮੈਨ ਸ਼ੀਸ਼ਪਾਲ ਅਨੰਦ ਨੇ ਦੱਸਿਆ ਕਿ ਸੇਵਾ ਦਲ ਵਲੋਂ ਯਾਤਰਾ ’ਤੇ ਜਾਣ ਵਾਲੇ ਭਗਤਾਂ ਦੀ ਸਹੂਲਤ ਨੂੰ ਮੁੱਖ ਰੱਖਦਿਆਂ ਹਰ ਸੰਭਵ ਸੇਵਾ ਮੁਹੱਈਆ ਕਰਵਾਈ ਜਾਂਦੀ ਹੈ । ਉਨ੍ਹਾਂ ਕਿਹਾ ਕਿ ਭੰਡਾਰੇ ਵਿਚ ਸ਼ਰਧਾਲੂਆਂ ਲਈ ਲੰਗਰ ਦੇ ਨਾਲ-ਨਾਲ ਠਹਿਰਨ ਅਤੇ ਸਿਹਤ ਸਹੂਲਤਾਂ ਦਾ ਵੀ ਵਿਸ਼ੇਸ਼ ਪ੍ਰਬੰਧ ਕੀਤਾ ਜਾਂਦਾ ਹੈ । ਇਸ ਮੌਕੇ ਸਮਾਜ ਸੇਵੀ ਸੰਸਥਾ ਗਰੀਬ ਪਰਿਵਾਰ ਫੰਡਾਂ ਦੇ ਪ੍ਰਧਾਨ ਸੰਜੀਵ ਕੁਮਾਰ ਰੋਡਾ, ਕ੍ਰਿਸ਼ਨ ਬੀਬਾ, ਗੀਤ ਭਵਨ ਕਮੇਟੀ ਦੇ ਜੈ ਨਰਾਇਣ ਸਿੰਗਲਾ, ਪਿੰਟਾ ਭਟਾਲੀਆ, ਪ੍ਰਿੰਸ ਗੋਇਲ, ਹਨੈਸਟੀ, ਰਿੰਪਾ ਪਸੌਰੀਆ, ਦੀਪਾ ਡਾਕਟਰ, ਬਿੱਟੂ ਕਾਂਸਲ, ਜੋਗੀ ਰੈਡੀਮੇਡ, ਮੰਗੂ, ਰਵਿੰਦਰ ਮਿੱਠਾ ਅਤੇ ਦਰਸ਼ਨ ਪੰਡਿਤ ਤੋਂ ਇਲਾਵਾ ਵੱਖ-ਵੱਖ ਧਾਰਮਿਕ ਸੰਸਥਾਵਾਂ ਦੇ ਆਗੂ ਅਤੇ ਸੇਵਾਦਾਰ ਮੌਜੂਦ ਸਨ।
