ਫਲਾਈ ਐਸ਼ ਕੰਕਰੀਟ ਬਾਰੇ ਵਿਚਾਰ ਗੋਸ਼ਟੀ ਕਰਵਾਈ
ਲੌਂਗੋਵਾਲ, 21 ਸਤੰਬਰ (ਵਿਨੋਦ, ਖੰਨਾ) - ਸੰਤ ਲੌਂਗੋਵਾਲ ਇੰਸਟੀਚਿਊਟ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ (ਸਲਾਈਟ ਲੌਂਗੋਵਾਲ) ਦੇ ਸਿਵਲ ਇੰਜੀਨੀਅਰਿੰਗ ਵਿਭਾਗ ਵੱਲੋਂ ਟੈਕਫੈਸਟ-2026 ਅਧੀਨ ਸਿਵਿਕੋਨ ਦੀ ਪ੍ਰੀ-ਈਵੈਂਟ ਮਾਹਿਰ ਲੈਕਚਰ ਲੜੀ ਤਹਿਤ ‘ਫਲਾਈ ਐਸ਼ ਕੰਕਰੀਟ: ਹਰਿਆਲੇ ਭਵਿੱਖ ਲਈ ਇੱਕ ਟਿਕਾਊ ਉਸਾਰੀ ਸਮਗਰੀ’ ਵਿਸ਼ੇ ‘ਤੇ ਗੋਸ਼ਟੀ ਕਰਵਾਈ ਗਈ। ਪ੍ਰੋਗਰਾਮ ਦਾ ਮੁੱਖ ਉਦੇਸ਼ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਵਿੱਚ ਟਿਕਾਊ ਉਸਾਰੀ ਤਕਨੀਕਾਂ, ਨਵੀਨਤਾ ਤੇ ਵਾਤਾਵਰਣ-ਅਨੁਕੂਲ ਇੰਜੀਨੀਅਰਿੰਗ ਪ੍ਰਤੀ ਜਾਗਰੂਕਤਾ ਪੈਦਾ ਕਰਨਾ ਸੀ।
ਲੌਂਗੋਵਾਲ, 21 ਸਤੰਬਰ (ਵਿਨੋਦ, ਖੰਨਾ) - ਸੰਤ ਲੌਂਗੋਵਾਲ ਇੰਸਟੀਚਿਊਟ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ (ਸਲਾਈਟ ਲੌਂਗੋਵਾਲ) ਦੇ ਸਿਵਲ ਇੰਜੀਨੀਅਰਿੰਗ ਵਿਭਾਗ ਵੱਲੋਂ ਟੈਕਫੈਸਟ-2026 ਅਧੀਨ ਸਿਵਿਕੋਨ ਦੀ ਪ੍ਰੀ-ਈਵੈਂਟ ਮਾਹਿਰ ਲੈਕਚਰ ਲੜੀ ਤਹਿਤ ‘ਫਲਾਈ ਐਸ਼ ਕੰਕਰੀਟ: ਹਰਿਆਲੇ ਭਵਿੱਖ ਲਈ ਇੱਕ ਟਿਕਾਊ ਉਸਾਰੀ ਸਮਗਰੀ’ ਵਿਸ਼ੇ ‘ਤੇ ਗੋਸ਼ਟੀ ਕਰਵਾਈ ਗਈ। ਪ੍ਰੋਗਰਾਮ ਦਾ ਮੁੱਖ ਉਦੇਸ਼ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਵਿੱਚ ਟਿਕਾਊ ਉਸਾਰੀ ਤਕਨੀਕਾਂ, ਨਵੀਨਤਾ ਤੇ ਵਾਤਾਵਰਣ-ਅਨੁਕੂਲ ਇੰਜੀਨੀਅਰਿੰਗ ਪ੍ਰਤੀ ਜਾਗਰੂਕਤਾ ਪੈਦਾ ਕਰਨਾ ਸੀ। ਪ੍ਰੋਗਰਾਮ ਦੇ ਮੁੱਖ ਬੁਲਾਰੇ ਪ੍ਰੋ ਰਫ਼ਾਤ ਸਿੱਦੀਕੀ ਸੀਨੀਅਰ ਪ੍ਰੋਫੈਸਰ ਸਿਵਲ ਇੰਜੀਨੀਅਰਿੰਗ ਤੇ ਡੀਨ (ਸਸਟੇਨੇਬਿਲਿਟੀ) ਥਾਪਰ ਇੰਸਟੀਚਿਊਟ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ ਪਟਿਆਲਾ ਨੇ ਆਪਣੇ ਗਿਆਨ ਵਰਧਕ ਲੈਕਚਰ ਦੌਰਾਨ ਟਿਕਾਊ ਬੁਨਿਆਦੀ ਢਾਂਚੇ ਦੇ ਵਿਕਾਸ ਵਿੱਚ ਫਲਾਈ ਐਸ਼ ਕੰਕਰੀਟ ਮਹੱਤਤਾ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ। ਸਲਾਈਟ ਡਾਇਰੈਕਟਰ ਪ੍ਰੋ ਮਨੀਕਾਂਤ ਪਾਸਵਾਨ ਨੇ ਇੰਜੀਨੀਅਰਿੰਗ ਸਿੱਖਿਆ ਵਿੱਚ ਟਿਕਾਊ ਵਿਕਾਸ, ਨਵੀਨਤਾ ਤੇ ਉੱਭਰ ਰਹੀਆਂ ਤਕਨਾਲੋਜੀਆਂ ਨੂੰ ਸ਼ਾਮਲ ਕਰਨ ਦੀ ਮਹੱਤਤਾ ‘ਤੇ ਜ਼ੋਰ ਦਿੰਦਿਆਂ ਕਿਹਾ ਕਿ ਅਜਿਹੇ ਅਕਾਦਮਿਕ ਪ੍ਰੋਗਰਾਮ ਵਿਦਿਆਰਥੀਆਂ ਵਿੱਚ ਖੋਜ-ਆਧਾਰਿ ਤ ਸੋਚ ਵਿਕਸਿਤ ਕਰਨ ਦੇ ਨਾਲ-ਨਾਲ ਉਨ੍ਹਾਂ ਨੂੰ ਵਾਤਾਵਰਣ ਪ੍ਰਤੀ ਜ਼ਿੰਮੇਵਾਰ ਤਕਨੀਕੀ ਹੱਲ ਤਿਆਰ ਕਰਨ ਲਈ ਪ੍ਰੇਰਿਤ ਕਰਦੇ ਹਨ। ਮਕੈਨੀਕਲ ਤੇ ਸਿਵਲ ਇੰਜੀਨੀਅਰਿੰਗ ਵਿਭਾਗ ਦੇ ਮੁਖੀ ਤੇ ਸਿਵਿਕੋਨ ਦੇ ਸਲਾਹਕਾਰ ਪ੍ਰੋ. ਸ਼ੰਕਰ ਸਿੰਘ ਨੇ ਕਿਹਾ ਕਿ ਮਾਹਿਰ ਲੈਕਚਰ ਵਿਦਿਆਰਥੀਆਂ ਦੇ ਸਿਧਾਂਤਕ ਗਿਆਨ ਤੇ ਵਿਹਾਰਕ ਇੰਜੀਨੀਅਰਿੰਗ ਕਾਰਜਾਂ ਵਿਚਕਾਰ ਪਾੜੇ ਨੂੰ ਘਟਾਉਣ ’ਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ। ਸਮਾਗਮ ਨੂੰ ਸਿਵਿਕੋਨ ਦੇ ਕਨਵੀਨਰ ਡਾ. ਰਾਕੇਸ਼ ਕੁਮਾਰ ਨੇ ਵੀ ਸੰਬੋਧਨ ਕੀ ਤਾ।
