ਪੰਜਾਬ ਅਤੇ ਪੰਜਾਬੀਅਤ ਦੀ ਹੋਂਦ ਨੂੰ ਬਚਾਉਣ ਲਈ ਲੜਾਂਗੇ ਵਿਧਾਨ ਸਭਾ ਚੋਣਾਂ – ਪਰਮਿੰਦਰ ਸ਼ਰਮਾ

ਸੰਗਰੂਰ, 23 ਸਤੰਬਰ (ਅਮਨਦੀਪ ਸਿੰਘ ਬਿੱਟਾ) – ਪੰਜਾਬ ਪ੍ਰਦੇਸ ਕਾਂਗਰਸ ਕਮੇਟੀ ਦੇ ਕਾਰਜਕਾਰਨੀ ਮੈਂਬਰ ਪਰਮਿੰਦਰ ਸ਼ਰਮਾ ਨੇ ਕਿਹਾ ਕਿ 2027 ਦੀ ਵਿਧਾਨ ਸਭਾ ਚੋਣ ’ਚ ਜਿੱਥੇ ਝੂਠੇ ਸਬਜ਼ਬਾਗ ਦਿਖਾਉਣ ਵਾਲ਼ੀ ‘ਆਪ’ ਨੂੰ ਕਰਾਰੀ ਹਾਲ ਮਿਲ਼ੇਗੀ, ਉੱਥੇ ਸੂਬੇ ਵਿੱਚ ਫਿਰਕੂ ਜੜ੍ਹਾਂ ਲਗਾਉਣ ਵਾਲ਼ੀ ਭਾਜਪਾ ਨੂੰ ਵੀ ਕਰਾਰੀ ਭਾਂਜ ਮਿਲ਼ੇਗੀ। ‘ਅਜੀਤ’ ਨਾਲ਼ ਵਿਸ਼ੇਸ਼ ਗੱਲਬਾਤ ਕਰਦਿਆਂ ਪਰਮਿੰਦਰ ਸ਼ਰਮਾ ਨੇ ਕਿਹਾ ਕਿ ਕਾਂਗਰਸ ਪਾਰਟੀ 2027 ਦੀਆਂ ਚੋਣਾਂ ਨੂੰ ਇੱਕ ਚੁਨੌਤੀ ਵਜੋਂ ਮੰਨ ਰਹੀ ਹੈ ਅਤੇ ਇਹ ਚੋਣਾਂ ਪੰਜਾਬ ਅਤੇ ਪੰਜਾਬੀਅਤ ਦੀ ਹੋਂਦ ਨੂੰ ਬਚਾਉਣ ਲਈ ਲੜੀਆਂ ਜਾਣਗੀਆਂ।