22-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 01-03-2026

ਰਾਸ਼ਟਰੀ ਵਿਗਿਆਨ ਦਿਵਸ ਮੌਕੇ ਦੇਵ ਸਮਾਜ ਕਾਲਜ ਫ਼ਾਰ ਵੁਮੈਨ 'ਚ ਸਾਇੰਸ ਵਿਭਾਗਾਂ ਵਲੋਂ ਵਿਗਿਆਨਕ ਗਤੀਵਿਧੀਆਂ ਦਾ ਆਯੋਜਨ <br/>

ਦੇਵ ਸਮਾਜ ਕਾਲਜ ਫ਼ਾਰ ਵਿਮਾਨ ਵਿਖੇ ਰਾਸ਼ਟਰੀ ਵਿਗਿਆਨ ਦਿਵਸ ਮੌਕੇ ਕਰਵਾਈਆਂ ਵਿਗਿਆਨਕ ਗਤੀਵਿਧੀਆਂ 'ਚ ਭਾਗ ਲੈਂਦੀਆਂ ਵਿਦਿਆਰਥਣਾਂ | ਅਜੀਤ ਤਸਵੀਰ <br/> 01-03-2026
ਫ਼ਿਰੋਜ਼ਪੁਰ, 28 ਫਰਵਰੀ (ਗੁਰਿੰਦਰ ਸਿੰਘ)-ਰਾਸ਼ਟਰੀ ਵਿਗਿਆਨ ਦਿਵਸ ਦੇਵ ਸਮਾਜ ਕਾਲਜ ਫ਼ਾਰ ਵਿਮਾਨ ਵਿਖੇ ਵਿਗਿਆਨਕ ਸੋਚ, ਗਿਆਨਵਰਧਕ ਗਤੀਵਿਧੀਆਂ ਤੇ ਉਤਸ਼ਾਹਪੂਰਨ ਮਾਹੌਲ ਨਾਲ ਮਨਾਇਆ | ਇਸ ਮੌਕੇ ਕਾਲਜ ਦੇ ਗ੍ਰੈਜੂਏਟ ਤੇ ਪੋਸਟ ਗ੍ਰੈਜੂਏਟ ਸਾਇੰਸ ਵਿਭਾਗਾਂ ਵਲੋਂ ਵਿਦਿਆਰਥਣਾਂ ਵਿਚ ਵਿਗਿਆਨਕ ਦਿ੍ਸ਼ਟੀਕੋਣ, ਖੋਜ ਭਾਵਨਾ ਤੇ ਸਤਤ ਵਿਕਾਸ ਪ੍ਰਤੀ ਜਾਗਰੂਕਤਾ ਵਧਾਉਣ ਲਈ ਵੱਖ-ਵੱਖ ਮੁਕਾਬਲਿਆਂ ਤੇ ਵੈਬੀਨਾਰਾਂ ਦਾ ਆਯੋਜਨ ਕੀਤਾ | ਗਣਿਤ ਵਿਭਾਗ ਵਲੋਂ ਭਾਰਤੀ ਗਿਆਨ ਪ੍ਰਣਾਲੀ ਸਿਸਟਮ ਅਧੀਨ ਗਣਿਤ ਪ੍ਰਯੋਗਸ਼ਾਲਾ 'ਚ ਭਾਸ਼ਨ ਮੁਕਾਬਲਾ ਕਰਵਾਇਆ | ਮੁਕਾਬਲੇ ਵਿਚ ਕੁਲ 16 ਵਿਦਿਆਰਥਣਾਂ ਨੇ ਭਾਗ ਲਿਆ ਅਤੇ ਵੇਦਾਂ-ਉਪਨਿਸ਼ਦਾਂ ਦੀਆਂ ਸਿੱਖਿਆਵਾਂ ਨਾਲ-ਨਾਲ ਮਹਾਨ ਵਿਗਿਆਨੀਆਂ ਜਿਵੇਂ ਆਰਿਆ ਭੱਟ ਤੇ ਸੁਸ਼ਰੁਤ ਦੇ ਯੋਗਦਾਨ ਬਾਰੇ ਆਪਣੇ ਵਿਚਾਰ ਪ੍ਰਗਟ ਕੀਤੇ | ਐਮ. ਐੱਸ. ਸੀ. ਭਾਗ ਦੂਜਾ ਦੀ ਦੀਕਸ਼ਾ ਮਹਿਤਾ ਨੇ ਪਹਿਲਾ, ਬੀ. ਐੱਸ. ਸੀ. ਭਾਗ ਪਹਿਲਾ ਦੀ ਸਹਿਜ ਕੌਰ ਨੇ ਦੂਜਾ ਤੇ ਬੀ. ਐੱਸ. ਸੀ. ਭਾਗ ਤੀਜਾ ਦੀ ਨਵਦੀਪ ਕੌਰ ਨੇ ਤੀਜਾ ਸਥਾਨ ਹਾਸਿਲ ਕੀਤਾ | ਜੇਤੂਆਂ ਨੂੰ ਕਾਲਜ ਪਿ੍ੰਸੀਪਲ ਡਾ. ਸੰਗੀਤਾ ਵਲੋਂ ਪ੍ਰਮਾਣ ਪੱਤਰ ਤੇ ਯਾਦਗਾਰੀ ਚਿੰਨ੍ਹ ਭੇਟ ਕੀਤੇ ਗਏ | ਪੋਸਟ ਗ੍ਰੈਜੂਏਟ ਕੈਮਿਸਟਰੀ ਵਿਭਾਗ ਵਲੋਂ 'ਰਿਸਰਚ ਐਂਡ ਸਾਇੰਟਿਫਿਕ ਐਕਸੀਲੈਂਸ ਫ਼ਾਰ ਸਸਟੇਨੇਬਲ ਫਿਊਚਰ' ਵਿਸ਼ੇ 'ਤੇ ਵੈਬੀਨਾਰ ਆਯੋਜਿਤ ਕੀਤਾ | ਮੁੱਖ ਵਕਤਾ ਡਾ. ਜਿਫਿਨਵੀਰ ਸਿੰਘ ਖੋਸਾ, ਵਿਗਿਆਨੀ (ਵੇਜੀਟੇਬਲ ਬਰੀਡਰ), ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ, ਲੁਧਿਆਣਾ ਰਹੇ | ਉਨ੍ਹਾਂ ਨੇ ਵਿਗਿਆਨ ਦੀ ਲੋੜ, ਵਾਤਾਵਰਨ ਦੀ ਸੰਭਾਲ, ਸਤਤ ਖੇਤੀਬਾੜੀ, ਜੈਵਿਕ ਵਿਭਿੰਨਤਾ ਸੰਰੱਖਣ ਅਤੇ ਸਤਤ ਵਿਕਾਸ ਲਕਸ਼ਾਂ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ | ਭੌਤਿਕੀ ਵਿਭਾਗ ਵਲੋਂ 'ਸਾਇੰਸ ਇਨ ਐਵਰੀ-ਡੇ-ਲਾਈਫ' ਵਿਸ਼ੇ 'ਤੇ ਰੀਲ ਲਘੂ ਵੀਡੀਓ ਮੁਕਾਬਲਾ ਕਰਵਾਇਆ, ਜਿਸ 'ਚ 22 ਵਿਦਿਆਰਥਣਾਂ ਨੇ ਭਾਗ ਲਿਆ | ਵਿਦਿਆਰਥਣਾਂ ਨੇ ਰੋਜ਼ਾਨਾ ਜੀਵਨ 'ਚ ਵਿਗਿਆਨ ਦੀ ਉਪਯੋਗਤਾ ਨੂੰ ਰਚਨਾਤਮਿਕ ਢੰਗ ਨਾਲ ਪੇਸ਼ ਕੀਤਾ | ਮੁਕਾਬਲੇ ਦਾ ਮੁਲਾਂਕਣ ਡਾ. ਆਸ਼ਾ ਤੇ ਡਾ. ਅਨਮੋਲ ਅਰੋੜਾ ਵਲੋਂ ਕੀਤਾ | ਸੁਨੀਤਾ ਨੇ ਪਹਿਲਾ, ਹਰਪ੍ਰੀਤ ਤੇ ਲਵਪ੍ਰੀਤ ਨੇ ਦੂਜਾ ਜਦਕਿ ਨਿਹਾਰਿਕਾ ਤੇ ਪਿ੍ਅੰਕਾ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ | ਪੋਸਟ ਗ੍ਰੈਜੂਏਟ ਬੌਟਨੀ ਵਿਭਾਗ ਵਲੋਂ 'ਵਿਮੈਨ ਇਨ ਇੰਡੀਆ ਕੈਟਾਲਿਸਿੰਗ ਵਿਕਸਿਤ ਭਾਰਤ' ਵਿਸ਼ੇ 'ਤੇ ਪਾਵਰ ਪੁਆਇੰਟ ਪ੍ਰਜ਼ੇਂਟੇਸ਼ਨ ਗਤੀਵਿਧੀ ਕਰਵਾਈ ਗਈ | ਵਿਦਿਆਰਥਣਾਂ ਨੇ ਭਾਰਤ ਦੇ ਵਿਕਾਸ ਵਿਚ ਮਹਿਲਾਵਾਂ ਦੀ ਭੂਮਿਕਾ ਨੂੰ ਉਜਾਗਰ ਕਰਦਿਆਂ ਟੇਸੀ ਥਾਮਸ, ਗਗਨਦੀਪ ਕਾਂਗ, ਜਾਨਕੀ ਅੰਮਲ ਤੇ ਡਾ. ਇੰਦਿਰਾ ਹਿੰਦੂਜਾ ਵਰਗੀਆਂ ਮਹਾਨ ਮਹਿਲਾ ਵਿਗਿਆਨੀਆਂ ਦੇ ਯੋਗਦਾਨ ਬਾਰੇ ਚਰਚਾ ਕੀਤੀ | ਵਿਦਿਆਰਥਣਾਂ ਦਾ ਨਾਅਰਾ 'ਵਿਕਸਿਤ ਭਾਰਤ, ਵਿਕਸਿਤ ਨਾਰੀ ਤੋਂ ਬਿਨਾਂ ਸੰਭਵ ਨਹੀਂ' ਖ਼ਾਸ ਤੌਰ 'ਤੇ ਸਰਾਹਿਆ | ਇਸੇ ਤਰ੍ਹਾਂ ਪੋਸਟ ਗ੍ਰੈਜੂਏਟ ਜੋਲੋਜੀ ਵਿਭਾਗ ਵਲੋਂ ਡੀ. ਐੱਸ. ਟੀ. ਕਿਊਰੀ ਗਰਾਂਟ ਅਧੀਨ 'ਮਾਈਕ੍ਰੋਬਜ਼ ਐਜ਼ ਮੈਡੀਸਨ ਦ ਫਿਊਚਰ ਬਿਯੋਂਡ ਐਂਟੀਬਾਇਓਟਿਕਸ' ਵਿਸ਼ੇ 'ਤੇ ਅੰਤਰਰਾਸ਼ਟਰੀ ਵੈਬੀਨਾਰ ਆਯੋਜਿਤ ਕੀਤਾ | ਮੁੱਖ ਵਕਤਾ ਡਾ. ਮੋਨਿਕਾ ਚੌਧਰੀ, ਪੋਸਟ ਡਾਕਟੋਰਲ ਫੈਲੋ, ਆਇਕਾਨ ਸਕੂਲ ਆਫ਼ ਮੈਡੀਸਨ ਐਟ ਮਾਊਾਟ ਸਿਨਾਈ, ਨਿਊਯਾਰਕ (ਅਮਰੀਕਾ) ਰਹੀਆਂ | ਵੈਬੀਨਾਰ ਦਾ ਸੰਚਾਲਨ ਡਾ. ਮੋਕਸ਼ੀ ਤੇ ਡਾ. ਰਮਨੀਕ ਕੌਰ ਵਲੋਂ ਕੀਤਾ ਅਤੇ ਅੰਤ 'ਚ ਧੰਨਵਾਦ ਪ੍ਰਸਤਾਵ ਪੇਸ਼ ਕੀਤਾ | ਡਾ. ਸੰਗੀਤਾ ਪਿ੍ੰਸੀਪਲ ਨੇ ਸਾਰੇ ਸਾਇੰਸ ਵਿਭਾਗਾਂ ਵਲੋਂ ਕਰਵਾਈਆਂ ਗਈਆਂ ਗਤੀਵਿਧੀਆਂ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ ਕਿ ਰਾਸ਼ਟਰੀ ਵਿਗਿਆਨ ਦਿਵਸ ਮੌਕੇ ਆਯੋਜਿਤ ਇਹ ਪ੍ਰੋਗਰਾਮ ਵਿਦਿਆਰਥਣਾਂ 'ਚ ਵਿਗਿਆਨਕ ਸੋਚ, ਖੋਜ ਰੁਚੀ ਤੇ ਸਤਤ ਵਿਕਾਸ ਪ੍ਰਤੀ ਜਾਗਰੂਕਤਾ ਵਧਾਉਣ ਵਿਚ ਸਹਾਇਕ ਸਾਬਤ ਹੋਏ ਹਨ |

ਪਿਛਲੀ ਖ਼ਬਰ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦੀ ਪੰਜਾਬ ਫੇਰੀ ਬਦਲਾਅ ਦੀ ਸ਼ੁਰੂਆਤ ਸਾਬਤ ਹੋਵੇਗੀ-ਡਾ. ਅਰਮਿੰਦਰ ਸਿੰਘ ਫਰਮਾਹ ਅਗਲੀ ਖ਼ਬਰ ਲੋਕਤੰਤਰ ਦੇ ਚੌਥੇ ਥੰਮ੍ਹ 'ਤੇ ਸਰਕਾਰ ਦਾ ਹਮਲਾ ਅਤਿ ਨਿੰਦਣਯੋਗ-ਧਾਲੀਵਾਲ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।