ਸਫ਼ਾਈ ਕਰਮਚਾਰੀਆਂ ਦੀ ਹੜਤਾਲ ਕਾਰਨ ਗੰਦਗੀ ਦੇ ਢੇਰਾਂ ਹੇਠ ਦੱਬਿਆ ਫ਼ਿਰੋਜ਼ਪੁਰ, ਪ੍ਰਸ਼ਾਸਨ ਬੇਖ਼ਬਰ
ਅਜੀਤ ਡੈਸਕ
18-05-2026
ਐਸਮਾ ਤਹਿਤ ਐਮਰਜੈਂਸੀ ਸਫ਼ਾਈ ਪ੍ਰਬੰਧ ਲਾਗੂ ਕਰਨ ਦੀ ਉੱਠੀ ਮੰਗ
ਸ਼ਹਿਰ ਵਾਸੀਆਂ ਨੇ ਕਿਹਾ ਕਿ ਕਾਨੂੰਨੀ ਤੌਰ 'ਤੇ ਵੀ ਪ੍ਰਸ਼ਾਸਨ ਕੋਲ ਇਸ ਸਥਿਤੀ ਨਾਲ ਨਜਿੱਠਣ ਲਈ ਅਧਿਕਾਰ ਮੌਜੂਦ ਹਨ | ਪ੍ਰਸ਼ਾਸਨ ਪੂਰਬੀ ਪੰਜਾਬ ਜ਼ਰੂਰੀ ਸੇਵਾਵਾਂ (ਰੱਖ-ਰਖਾਅ) ਕਾਨੂੰਨ, 1947 ਦੀ ਧਾਰਾ 3 ਅਨੁਸਾਰ ਸਰਕਾਰ ਲੋਕਾਂ ਦੀ ਸਿਹਤ ਅਤੇ ਸਫ਼ਾਈ ਨਾਲ ਜੁੜੀਆਂ ਸੇਵਾਵਾਂ ਨੂੰ ਜ਼ਰੂਰੀ ਸੇਵਾਵਾਂ ਘੋਸ਼ਿਤ ਕਰ ਸਕਦਾ ਹੈ | ਇਸ ਤਹਿਤ ਕਚਰਾ ਚੁੱਕਣ, ਸਫ਼ਾਈ ਅਤੇ ਸੀਵਰੇਜ ਵਰਗੀਆਂ ਸੇਵਾਵਾਂ ਨੂੰ ਜ਼ਰੂਰੀ ਸੇਵਾ ਮੰਨਦੇ ਹੋਏ ਹੜਤਾਲ ਦੌਰਾਨ ਵੀ ਘੱਟੋ-ਘੱਟ ਸੇਵਾਵਾਂ ਜਾਰੀ ਰੱਖਣ ਦੇ ਹੁਕਮ ਜਾਰੀ ਕੀਤੇ ਜਾ ਸਕਦੇ ਹਨ |
ਪਬਲਿਕ ਹੈਲਥ ਦਫ਼ਤਰ ਤੇ ਸਕੂਲਾਂ ਅੱਗੇ ਕੂੜੇ ਦੇ ਪਹਾੜ, ਪ੍ਰਸ਼ਾਸਨ ਦੀ ਨਾਕਾਮੀ ਬੇਨਕਾਬ
ਸ਼ਹਿਰ ਦੀ ਸਫ਼ਾਈ ਵਿਵਸਥਾ ਦੀ ਡਿਗਦੀ ਹਾਲਤ ਦਾ ਅੰਦਾਜ਼ਾ ਇਸ ਗੱਲ ਤੋਂ ਹੀ ਲਗਾਇਆ ਜਾ ਸਕਦਾ ਹੈ ਕਿ ਪਬਲਿਕ ਹੈਲਥ ਦਫ਼ਤਰ, ਸਕੂਲਾਂ ਅਤੇ ਕਾਲਜਾਂ ਦੇ ਬਾਹਰ ਕੂੜੇ ਦੇ ਵੱਡੇ-ਵੱਡੇ ਢੇਰ ਲੱਗੇ ਹੋਏ ਹਨ | ਜਿਹੜੇ ਦਫ਼ਤਰ ਲੋਕਾਂ ਨੂੰ ਸਿਹਤਮੰਦ ਵਾਤਾਵਰਣ ਦੇਣ ਦੇ ਦਾਅਵੇ ਕਰਦੇ ਹਨ | ਉਨ੍ਹਾਂ ਦੇ ਬਾਹਰ ਹੀ ਗੰਦਗੀ ਦੇ ਢੇਰ ਪ੍ਰਸ਼ਾਸਨ ਦੀ ਕਾਰਗੁਜ਼ਾਰੀ 'ਤੇ ਵੱਡਾ ਸਵਾਲ ਖੜ੍ਹਾ ਕਰ ਰਹੇ ਹਨ | ਗਰਮੀ ਵਿਚ ਸੜਦੇ ਕੂੜੇ ਤੋਂ ਉੱਠ ਰਹੀ ਬਦਬੂ ਕਾਰਨ ਵਿਦਿਆਰਥੀਆਂ, ਅਧਿਆਪਕਾਂ ਅਤੇ ਰਾਹਗੀਰਾਂ ਦਾ ਉੱਥੇ ਖੜ੍ਹਾ ਹੋਣਾ ਵੀ ਅÏਖਾ ਹੋ ਗਿਆ ਹੈ |
