ਫ਼ਾਜ਼ਿਲਕਾ, 7 ਜੂਨ (ਦਵਿੰਦਰ ਪਾਲ ਸਿੰਘ)-ਥਾਣਾ ਅਰਨੀਵਾਲਾ ਪੁਲਿਸ ਨੇ ਨਸ਼ੀਲੀਆਂ ਗੋਲੀਆਂ ਸਮੇਤ 3 ਵਿਅਕਤੀਆਂ ਨੂੰ ਕਾਬੂ ਕੀਤਾ ਹੈ | ਜਾਂਚ ਅਧਿਕਾਰੀ ਆਕਾਸ਼ ਕੰਬੋਜ ਨੇ ਦੱਸਿਆ ਕਿ ਪੁਲਿਸ ਪਾਰਟੀ ਗਸ਼ਤ 'ਤੇ ਸੀ ਤਾਂ ਸੂਚਨਾ ਮਿਲੀ ਕਿ 3 ਨੌਜਵਾਨਾਂ ਨੇ ਇਲੈਕਟਿ੍ਕ ਸਕੂਟਰੀ ਸਮੇਤ ਨਸ਼ੀਲੀ ਵਸਤੂ ਰੱਖੀ ਹੋਈ ਹੈ, ਜਿਸ 'ਤੇ ਸੁਨੀਲ ਪੁੱਤਰ ਨਰਸੀ ਰਾਮ ਵਾਸੀ ਟਾਹਲੀ ਵਾਲਾ ਬੋਦਲਾਂ, ਸਾਹਿਲ ਪੁੱਤਰ ਸਰਵਣ ਕੁਮਾਰ ਅਤੇ ਸੰਜਮ ਕੁਮਾਰ ਪੁੱਤਰ ਪਾਲ ਚੰਦ ਵਾਸੀ ਸਿੰਘਪੁਰਾ ਪਾਸੋਂ 50 ਨਸ਼ੀਲੀਆਂ ਗੋਲੀਆਂ ਬਰਾਮਦ ਹੋਈਆਂ | ਜਿਸ ਤੋਂ ਬਾਅਦ ਪੁਲਿਸ ਨੇ ਉਕਤ ਤਿੰਨੋਂ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ |
