ਜ਼ੀਰਾ, 13 ਜੁਲਾਈ (ਹਰਜੀਤ ਸਿੰਘ ਗਿੱਲ, ਰਜਨੀਸ਼ ਕਥੂਰੀਆ)-ਲਿਖਾਰੀ ਸਾਹਿਤ ਸਭਾ ਝੱਤਰਾ ਦੀ ਮੀਟਿੰਗ ਜ਼ੀਰਾ ਦੇ ਪਿੰਡ ਝੱਤਰਾ ਵਿਖੇ ਪ੍ਰਧਾਨ ਜਗਜੀਤ ਸਿੰਘ ਦੀ ਅਗਵਾਈ ਹੇਠ ਹੋਈ। ਇਸ ਦੌਰਾਨ ਨੇਕ ਖੋਸਿਆਂ ਵਾਲੇ ਨੂੰ ਵਿਸ਼ੇਸ਼ ਤੌਰ ’ਤੇ ਸਨਮਾਨਿਤ ਕੀਤਾ ਗਿਆ ’ਤੇ ਸਾਹਿੱਤਿਕ ਸਮਾਗਮ ਵੀ ਕਰਵਾਇਆ ਗਿਆ । ਇਸ ਦੌਰਾਨ ਰਚਨਾਵਾਂ ਦੇ ਦੌਰ ਵਿਚ ਸਵਰਨ ਸਿੰਘ, ਜਸਵੰਤ ਸਿੰਘ, ਗੁਰਸੇਵਕ ਸਿੰਘ ਝੱਤਰਾ, ਅਜੀਤ ਸਿੰਘ ਸਹੋਤਾ, ਜੀਤ ਸਿੰਘ ਪੰਚ, ਬਘੇਲ ਸਿੰਘ ਝੱਤਰਾ, ਹਰਬੰਸ ਸਿੰਘ, ਬਲਵਿੰਦਰ ਸਿੰਘ ਝੱਤਰਾ ਲਛਮਣ ਸਿੰਘ ਝੱਤਰਾ, ਹਰੀ ਦਾਸ ਚੌਹਾਨ, ਸੁਖਰਾਜ ਸਿੰਘ ਜ਼ੀਰਾ, ਦੀਪ ਜੀਰਵੀ, ਰਤਨ ਸਿੰਘ ਮਾਣੇਵਾਲੀਆ, ਮਹਿੰਦਰ ਸਿੰਘ ਝੱਤਰਾ, ਨੇਕ ਖੋਸਿਆਂ ਵਾਲਾਂ ਅਤੇ ਗੁਰਨਾਮ ਸਿੰਘ ਖੋਸਾ ਨੇ ਦਿਲ ਨੂੰ ਟੁੰਬਣ ਵਾਲੀਆਂ ਰਚਨਾਵਾਂ ਸੁਣਾਈਆਂ। ਇਸ ਦੌਰਾਨ ਸਮਾਜ ਵਿਚ ਫੈਲੀਆਂ ਕੁਰੀਤੀਆਂ ਨੂੰ ਦੂਰ ਕਰਕੇ ਸਾਹਿਤਕਾਰਾਂ ਨੂੰ ਇਕੱਠ ਨੂੰ ਸੁਚੱਜਾ ਜੀਵਨ ਜਿਊਣ ਦਾ ਸੰਦੇਸ਼ ਦਿੱਤਾ। ਪ੍ਰਧਾਨ ਜਗਜੀਤ ਸਿੰਘ ਝੱਤਰਾ ਨੇ ਕਿਹਾ ਕਿ ਲਿਖਾਰੀ ਸਾਹਿੱਤ ਸਭਾ ਦੀ ਵਿਲੱਖਣਤਾ ਇਹ ਕਿ ਹਰ ਮਹੀਨੇ ਇਕ ਸਾਹਿੱਤਕਾਰ ਨੂੰ ਸਨਮਾਨਿਤ ਕੀਤਾ ਜਾਂਦਾ ਹੈ। ਇਸੇ ਤਰ੍ਹਾਂ ਇਸ ਵਾਰ ਵੀ ਨੇਕ ਖੋਸਿਆਂ ਵਾਲਾਂ ਨੂੰ ਲਿਖਾਰੀ ਸਾਹਿਤ ਸਭਾ ਝੱਤਰਾ ਵਲੋਂ ਸਨਮਾਨਿਤ ਕੀਤਾ ਗਿਆ।ਸਟੇਜ ਸਕੱਤਰ ਦੀ ਜ਼ਿੰਮੇਵਾਰੀ ਦੀਪ ਜੀਰਵੀ ਨੇ ਸੁਚੱਜੇ ਢੰਗ ਨਾਲ ਨਿਭਾਈ ਅਤੇ ਪ੍ਰਧਾਨ ਜਗਜੀਤ ਸਿੰਘ ਨੇ ਸਮਾਪਤੀ ਮੌਕੇ ਹਾਜ਼ਰ ਇਕੱਠ ਦਾ ਧੰਨਵਾਦ ਕੀਤਾ।
