ਗੁਰੂਹਰਸਹਾਏ, 25 ਜੁਲਾਈ (ਕਪਿਲ ਕੰਧਾਰੀ)-ਸ੍ਰੀ ਖਾਟੂ ਸ਼ਿਆਮ ਮੰਦਰ ਦੇ ਸੇਵਾਦਾਰ ਤੁਸ਼ਾਰ ਵੋਹਰਾ ਪੁੱਤਰ ਸੁਰਿੰਦਰ ਕੁਮਾਰ (ਲਾਟੂ), ਨੇ ਆਪਣਾ 21ਵਾਂ ਜਨਮ ਦਿਨ ਵਾਤਾਵਰਨ ਸੰਭਾਲ ਦਾ ਸੁਨੇਹਾ ਦਿੰਦਿਆਂ ਵੱਖ-ਵੱਖ ਥਾਵਾਂ ’ਤੇ 21 ਬੂਟੇ ਲਗਾ ਕੇ ਮਨਾਇਆ। ਇਸ ਮੌਕੇ ਉਹਨਾਂ ਦੇ ਨਾਲ ਸ਼੍ਰੀ ਖਾਟੂ ਸ਼ਾਮ ਮੰਦਿਰ ਦੇ ਪ੍ਰਧਾਨ ਰਾਮ ਨਰੂਲਾ,ਕੁਲਦੀਪ ਸ਼ਰਮਾ,ਰਜਿੰਦਰ ਭਠੇਜਾ, ਰੋਹਤਾਸ਼ ਮਲੇਠੀਆ, ਦੀਪਕ ਝੱਟਾ ਆਦਿ ਮੌਜੂਦ ਸਨ। ਉਹਨਾਂ ਨੇ ਵੀ ਤੁਸ਼ਾਰ ਦੇ ਇਸ ਉਪਰਾਲੇ ਦੀ ਸਲਾਂਘਾ ਕੀਤੀ। ਤੁਸ਼ਾਰ ਨੇ ਇਸ ਵਾਰ ਆਰ.ਐੱਸ.ਡੀ. ਕਾਲਜ ਫ਼ਿਰੋਜ਼ਪੁਰ, ਲੜਕੀਆਂ ਦੇ ਸਰਕਾਰੀ ਸਕੂਲ ਗੁਰੂਹਰਸਹਾਏ, ਸ੍ਰੀ ਖਾਟੂ ਸ਼ਿਆਮ ਮੰਦਰ ਅਤੇ ਗਊਸ਼ਾਲਾ ਗੁਰੂਹਰਸਹਾਏ ਵਿਖੇ ਕੁੱਲ 21 ਬੂਟੇ ਲਗਾਏ ਗਏ।
