ਬਾਬਾ ਸੁਹੇਲ ਸਿੰਘ ਦਰਵੇਸ਼ ਦੀ ਯਾਦ ’ਚ ਸਾਲਾਨਾ ‘ਕੱੱਕੜਾ ਮੇਲਾ’ 16 ਤੇ 17 ਨੂੰ

ਬਠਿੰਡਾ, 14 ਜੁਲਾਈ (ਸੱਤਪਾਲ ਸਿੰਘ ਸਿਵੀਆਂ)-ਦਰਵੇਸ਼ੀ ਭੇਖ ਦੇ ਮਹਾਨ ਤਪੱਸਵੀ ਬਾਬਾ ਸੁਹੇਲ ਸਿੰਘ ਜੀ ਦਰਵੇਸ਼ ਗਿੱਲ ਦੀ ਨਿੱਘੀ ਯਾਦ ਨੂੰ ਸਮਰਪਿਤ ਸਾਲਾਨਾ ‘ਕੱਕੜਾ ਮੇਲਾ’ 16 ਅਤੇ 17 ਜੁਲਾਈ (1/2 ਸਾਵਣ) ਨੂੰ ਡੇਰਾ ਬਾਬਾ ਸੁਹੇਲ ਸਿੰਘ ਦਰਵੇਸ਼ ਪਿੰਡ ਮਾਣੂੰਕੇ ਗਿੱਲ (ਮੋਗਾ) ਵਿਖੇ ਕਰਵਾਇਆ ਜਾ ਰਿਹਾ ਹੈ। ਇਸ ਦੋ ਰੋਜ਼ਾ ਜੋੜ-ਮੇਲੇ ਦੌਰਾਨ ਵੱਡੀ ਗਿਣਤੀ ਵਿਚ ਮਹਾਂਪੁਰਖ, ਸੰਤ-ਮਹਾਂਪੁਰਸ਼ ਅਤੇ ਸੂਫੀ ਦਰਵੇਸ਼ ਹਾਜ਼ਰੀ ਭਰਨਗੇ ਅਤੇ ਰਾਗੀ, ਢਾਡੀ ਅਤੇ ਪ੍ਰਚਾਰਕਾਂ ਵਲੋਂ ਇਲਾਹੀ ਕਥਾ ਅਤੇ ਕੀਰਤਨ ਰਾਹੀਂ ਸੰਗਤਾਂ ਨੂੰ ਨਿਹਾਲ ਕੀਤਾ ਜਾਵੇਗਾ। ਗੱਦੀ ਨਸ਼ੀਨ ਬਾਬਾ ਸੇਵਕ ਸਿੰਘ ਗਿੱਲ ਨੇ ਸਮੂਹ ਸੰਗਤਾਂ ਨੂੰ ਮੇਲੇ ਵਿਚ ਪਰਿਵਾਰਾਂ ਸਮੇਤ ਪੁੱਜਣ ਦਾ ਸੱਦਾ ਦਿੱਤਾ ਹੈ। ਇਹ ਜਾਣਕਾਰੀ ਦਰਵੇਸ਼ੀ ਭੇਖ ਦੇ ਅਨਿਨ ਸੇਵਕ ਡਾ. ਓਮ ਪ੍ਰਕਾਸ਼ ਸ਼ਰਮਾ ਬੀਬੀ ਵਾਲਾ ਅਤੇ ਸਹਾਇਕ ਸੂਬੇਦਾਰ ਹਰਦੇਵ ਸਿੰਘ ਜੀਦਾ ਨੇ ਦਿੱਤੀ।