ਗੁਰਦੁਆਰਾ ਬਾਬਾ ਬਖਤਾ ਜੀ ਦੇ ਤਪ ਅਸਥਾਨ ’ਤੇ ਨਤਮਸਤਕ ਹੋਏ ਵਿਧਾਇਕ ਕੁਲਦੀਪ ਸਿੰਘ ਕਾਲਾ ਢਿੱਲੋਂ, ਪ੍ਰਬੰਧਕਾਂ ਵਲੋਂ ਸਨਮਾਨ

ਚਾਉਕੇ, 14 ਜੁਲਾਈ (ਮਨਜੀਤ ਸਿੰਘ ਘੜੈਲੀ)-ਬੀਤੇ ਦਿਨੀਂ ਗੁਰਦੁਆਰਾ ਬਾਬਾ ਬਖਤਾ ਜੀ ਦੇ ਤਪ ਅਸਥਾਨ ਪਿੰਡ ਕਰਾੜਵਾਲਾ ਵਿਖੇ ਹਲਕਾ ਬਰਨਾਲਾ ਦੇ ਵਿਧਾਇਕ ਕੁਲਦੀਪ ਸਿੰਘ ਕਾਲਾ ਢਿੱਲੋਂ ਨਤਮਸਤਕ ਹੋਏ ਜਿਥੇ ਪ੍ਰਬੰਧਕਾਂ ਵਲੋੰ ਉਨ੍ਹਾਂ ਨੂੰ ਸਿਰੋਪਾ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਜ਼ਿਕਰਯੋਗ ਹੈ ਇਸ ਤਪ ਅਸਥਾਨ ਤੇ ਢਿੱਲੋਂ ਭਾਈਚਾਰੇ ਦੇ ਲੋਕ ਹਰ ਮੱਸਿਆ ਵਾਲੇ ਦਿਨ ਨਤਮਸਤਕ ਹੁੰਦੇ ਹਨ। ਇਸ ਮੌਕੇ ਵਿਧਾਇਕ ਕੁਲਦੀਪ ਸਿੰਘ ਕਾਲਾ ਢਿੱਲੋਂ ਨੇ ਕਿਹਾ ਕਿ ਜੋ ਇਨਸਾਨ ਆਪਣੇ ਪੁਰਖਿਆਂ ਅਤੇ ਆਪਣੀਆਂ ਜੜਾਂ ਨਾਲ ਜੁੜ ਕੇ ਚਲਦੇ ਹਨ ਉਹ ਹਮੇਸ਼ਾ ਹੀ ਤਰੱਕੀਆਂ ਕਰਦੇ ਹਨ। ਇਸ ਮੌਕੇ ਪ੍ਰਧਾਨ ਲਛਮਣ ਸਿੰਘ, ਸਾਬਕਾ ਪੰਚ ਲਾਭ ਸਿੰਘ, ਭੋਲੂ ਨੰਬਰਦਾਰ ਜੇਠੂਕੇ, ਸਾਬਕਾ ਸਰਪੰਚ ਸੁਖਦੇਵ ਸਿੰਘ ਜੇਠੂਕੇ, ਰਣ ਸਿੰਘ ਜੇਠੂਕੇ, ਹੈੱਡ ਗ੍ਰੰਥੀ ਬਹਾਦਰ ਸਿੰਘ ਆਦਿ ਵੀ ਹਾਜ਼ਰ ਸਨ।