ਗੁਰੂ ਰਾਮਦਾਸ ਸਕੂਲ ਲਹਿਰਾ ਮੁਹੱਬਤ ਦੇ ਵਿਦਿਆਰਥੀਆਂ ਦਾ 70ਵੇਂ ਅੰਤਰ ਜ਼ੋਨਲ ਖੇਡਾਂ ’ਚ ਸ਼ਾਨਦਾਰ ਪ੍ਰਦਰਸ਼ਨ

ਲਹਿਰਾ ਮੁਹੱਬਤ, 6 ਅਗਸਤ (ਸੁਖਪਾਲ ਸਿੰਘ ਸੁੱਖੀ)-ਸਕੂਲ ਸਿੱਖਿਆ ਵਿਭਾਗ ਪੰਜਾਬ ਵਲੋਂ 70ਵੀਂ ਅੰਤਰ ਜੋਨਲ ਖੇਡਾਂ ਦੌਰਾਨ ਗੁਰੂ ਰਾਮਦਾਸ ਪਬਲਿਕ ਸਕੂਲ ਲਹਿਰਾ ਮੁਹੱਬਤ ਦੇ ਵਿਦਿਆਰਥੀਆਂ ਵਲੋਂ ਟੇਬਲ ਟੈਨਿਸ, ਬੈੱਡਮਿੰਟਨ, ਖੋ-ਖੋ, ਕੁਸ਼ਤੀ, ਕਬੱਡੀ ਅਤੇ ਰੱਸਾਕੱਸੀ ਮੁਕਾਬਲੇ ਵਿਚ ਭਾਗ ਲਿਆ। ਜਿਸ ਵਿਚ ਟੇਬਲ ਟੈਨਿਸ ਲੜਕੇ-17 ਤੀਜਾ ਸਥਾਨ, ਬੈੱਡਮਿੰਟਨ ਲੜਕੇ-19 ਪਹਿਲਾ ਸਥਾਨ, ਅੰਡਰ-17 ਤੀਜਾ ਸਥਾਨ, ਖੋ -ਖੋ ਲੜਕੀਆਂ-14 ਦੂਜਾ ਸਥਾਨ, ਕੁਸ਼ਤੀ ਲੜਕੇ 14 ਅਤੇ 17 ਪਹਿਲਾਂ ਤੇ ਦੂਜਾ ਸਥਾਨ, ਕਬੱਡੀ 19 ਦੂਜਾ ਸਥਾਨ, ਰੱਸਾਕੱਸੀ ਲੜਕੀਆਂ -17 ਦੂਜਾ ਸਥਾਨ, ਲੜਕੇ-14 ਦੂਜਾ ਸਥਾਨ ਅਤੇ 17 ਤੀਜਾ ਸਥਾਨ ਹਾਸਿਲ ਕਰਕੇ ਜ਼ਿਲ੍ਹਾ ਪੱਧਰ ਲਈ ਚੁਣੇ ਗਏ।