ਖੰਨਾ ਵਿਚ ਬਰਸਾਤ ਕਾਰਨ 2 ਦਿਨ ਲੇਟ ਮਨਾਇਆ ਬਸੰਤ ਮੇਲਾ
ਅਜੀਤ ਡੈਸਕ
26-01-2026
ਚਾਈਨਾ ਡੋਰ ਖ਼ਿਲਾਫ਼ ਐੱਸ. ਐੱਸ. ਪੀ.ਖ਼ੁਦ ਮੈਦਾਨ ਵਿਚ ਉਤਰੇ
ਇਸ ਮੌਕੇ ਖੰਨਾ ਵਿਚ ਪਤੰਗਬਾਜ਼ੀ ਜ਼ੋਰਾਂ 'ਤੇ ਰਹੀ, ਚਾਈਨਾ ਡੋਰ ਖ਼ਿਲਾਫ਼ ਐੱਸ. ਐੱਸ. ਪੀ. ਖ਼ੁਦ ਮੈਦਾਨ ਵਿਚ ਉਤਰੇ ਅਤੇ ਜਾਂਚ ਕੀਤੀ | ਇਸ ਦੌਰਾਨ ਚਾਈਨਾ ਡੋਰ ਦੀ ਵਿੱਕਰੀ ਅਤੇ ਵਰਤੋਂ ਨੂੰ ਰੋਕਣ ਲਈ ਪੁਲਿਸ ਵਲੋਂ ਸਖ਼ਤ ਕਦਮ ਚੁੱਕੇ ਗਏ ਹਨ¢ ਐੱਸ. ਐੱਸ. ਪੀ. ਡਾ. ਦਰਪਣ ਆਹਲੂਵਾਲੀਆ ਖ਼ੁਦ ਸਵੇਰ ਤੋਂ ਹੀ ਪੁਲਿਸ ਫੋਰਸ ਦੇ ਨਾਲ ਮੈਦਾਨ ਵਿਚ ਨਜ਼ਰ ਆਏ¢ ਉਨ੍ਹਾਂ ਵੱਲੋਂ ਛੱਤਾਂ 'ਤੇ ਜਾ ਕੇ ਪਤੰਗਬਾਜ਼ੀ ਦੀ ਚੈਕਿੰਗ ਕੀਤੀ ਗਈ¢ ਪੁਲਿਸ ਡਰੋਨ ਅਤੇ ਦੂਰਬੀਨ ਦੀ ਮਦਦ ਨਾਲ ਉ?ਚੀ ਨਿਗਰਾਨੀ ਰੱਖ ਰਹੀ ਹੈ¢ ਐੱਸ. ਐੱਸ. ਪੀ.ਖੰਨਾ ਨੇ ਸਪਸ਼ਟ ਕੀਤਾ ਕਿ ਚਾਈਨਾ ਡੋਰ ਦੀ ਵਰਤੋਂ ਕਰਨ ਵਾਲਿਆਂ ਖ਼ਿਲਾਫ਼ ਕਾਨੂੰਨ ਅਨੁਸਾਰ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ ਅਤੇ ਕਿਸੇ ਨੂੰ ਵੀ ਛੂਟ ਨਹੀਂ ਦਿੱਤੀ ਜਾਵੇਗੀ¢
ਚਾਈਨਾ ਡੋਰ ਖ਼ਿਲਾਫ਼ ਬਣਾਇਆ ਜਾਵੇ ਵਿਸ਼ੇਸ਼ ਅਤੇ ਸਖ਼ਤ ਕਾਨੂੰਨ-ਕਾਈਟ ਫਲਾਇੰਗ ਕਲੱਬ
ਇਸ ਮੌਕੇ ਕਾਈਟ ਫਲਾਇੰਗ ਕਲੱਬ ਨੇ ਸਮਰਾਲਾ ਵਿਖੇ ਚਾਈਨਾ ਡੋਰ ਨਾਲ ਮਰਨ ਵਾਲੇ ਬੱਚੇ ਨੂੰ 2 ਮਿੰਟ ਮੌਨ ਰੱਖ ਕੇ ਸ਼ਰਧਾਂਜਲੀ ਦਿੱਤੀ ਅਤੇ ਕਿਹਾ ਕਿ ਸਰਕਾਰ ਨੇ ਭਾਵੇਂ ਚਾਈਨਾ ਡੋਰ ਰੋਕਣ ਦੀਆਂ ਕੋਸ਼ਿਸ਼ਾਂ ਕੀਤੀਆਂ | ਪਰ ਇਹ ਕੋਸ਼ਿਸ਼ਾਂ ਜ਼ਿਆਦਾਤਰ ਅਸਫਲ ਅਤੇ ਲੇਟ ਕੀਤੀਆਂ ਗਈਆਂ | ਜਦ ਕਿ ਤੱਕ ਪੂਰੇ ਪੰਜਾਬ ਵਿਚ ਸਰਕਾਰ ਚਾਈਨਾ ਡੋਰ ਬਣਾਉਣ, ਵੇਚਣ ਦੇ ਖ਼ਿਲਾਫ਼ ਸਖ਼ਤ ਸਜਾਵਾਂ ਵਾਲਾ ਕਾਨੂੰਨ ਨਹੀਂ ਬਣਾਉਂਦੀ ਅਤੇ ਅਧਿਕਾਰੀ ਆਪਣੀ ਡਿਊਟੀ ਨਹੀਂ ਨਿਭਾਉਂਦੇ, ਇਹ ਡੋਰ ਕਤਲ ਕਰਦੀ ਰਹੇਗੀ | ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਕਾਈਟ ਫਲਾਇੰਗ ਕਲੱਬ ਦੇ ਪ੍ਰਧਾਨ ਜਸਵਿੰਦਰ ਸਿੰਘ, ਅਮਨ ਭਾਟੀਆ, ਜਸਵਿੰਦਰ ਸਿੰਘ ਕੈਨੇਡਾ, ਗੁਰਵਿੰਦਰ ਸਿੰਘ ਸਮਰਾਲਾ, ਹਰਪ੍ਰੀਤ ਸਿੰਘ, ਭਾਜਪਾ ਨੇਤਾ ਰਣਜੀਤ ਸਿੰਘ ਹੀਰਾ, ਹਰੀਸ਼ ਮਹਿੰਦਰੂ, ਗੌਰਵ ਮੋਦੀ, ਗੁਲਸ਼ਨ ਵਰਮਾ, ਰਵੀ ਵਰਮਾ, ਵਿਧੁਰ ਵਿੱਠਲ, ਵਰੁਨ ਕੁਮਾਰ, ਗੁਰਮੀਤ ਸਿੰਘ, ਗੁਰਮਨਦੀਪ ਆਸਟ੍ਰੇਲੀਆ ਆਦਿ ਹਾਜ਼ਰ ਸਨ |
