15 ਲੱਖ ਦੀ ਝੂਠੀ ਚੋਰੀ ਮਾਮਲੇ ਦੇ ਦੋਸ਼ੀ ਫਿਲਹਾਲ ਪੁਲਿਸ ਦੀ ਗ੍ਰਿਫ਼ਤ ਤੋਂ ਬਾਹਰ

ਮਾਛੀਵਾੜਾ ਸਾਹਿਬ, 4 ਅਗਸਤ (ਮਨੋਜ ਕੁਮਾਰ)- ਪਿਛਲੇ ਦਿਨੀ ਆਪਣੇ ਆਪ ਵਿਚ 15 ਲੱਖ ਰੁਪਏ ਦੀ ਝੂਠੀ ਚੋਰੀ ਦੀ ਰੋਚਕ ਕਹਾਣੀ ਦੇ ਮੁੱਖ ਦੋ ਪਾਤਰ ਫਿਲਹਾਲ ਪੁਲਿਸ ਦੀ ਗ੍ਰਿਫਤ ਤੋਂ ਬਾਹਰ ਹਨ। ਹਾਲਾਂਕਿ ਇਹ ਮਾਮਲਾ ਪੁਲਿਸ ਦੀ ਸੂਝ ਬੂਝ ਨਾਲ ਹੀ ਸਾਹਮਣੇ ਆਇਆ, ਜਿਸ ਦੌਰਾਨ ਖੁਦ ਥਾਣਾ ਮੁਖੀ ਨੇ ਬਾਰੀਕੀ ਨਾਲ ਛਾਣਬੀਣ ਕੀਤੀ ਤੇ ਇਸ ਮਾਮਲੇ ਵਿਚ ਬਿਨਾ ਵਜਾ ਬਲੀ ਦਾ ਬੱਕਰਾ ਬਨਣ ਜਾ ਰਹੇ ਸੁਨਿਆਰ ਦੀ ਬੇਗੁਨਾਹੀ ਵੀ ਸਾਹਮਣੇ ਆਈ।