ਧਨੌਲਾ, 12 ਅਪ੍ਰੈਲ (ਜਤਿੰਦਰ ਸਿੰਘ ਧਨੌਲਾ)-ਬੀਤੀ ਰਾਤ ਦੋ ਅਗਿਆਤ ਵਿਅਕਤੀ ਠੇਕਾ ਲੁੱਟਣ ਦੀ ਨੀਅਤ ਨਾਲ ਸ਼ਰਾਬ ਦੇ ਠੇਕੇ ਅੱਗੇ ਪਿੰਡ ਬਡਬਰ ਪੁੱਜ ਗਏ ਜਿਉਂ ਹੀ ਕਰਿੰਦੇ ਨੂੰ ਉਨ੍ਹਾਂ ਦੋਵਾਂ ਦੀ ਭਿਣਕ ਪਈ ਤਾਂ ਉਨ੍ਹਾਂ ਦੀ ਪੈੜ ਚਾਲ ਤੋਂ ਉਸ ਨੇ ਭਾਂਪ ਲਿਆ ਕਿ ਉਹ ਲੁੱਟ ਦੀ ਨੀਅਤ ਨਾਲ ਆਏ ਹਨ | ਉਨ੍ਹਾਂ ਨੇ ਦੇਸੀ ਕੱਟਾ ਚਲਾ ਕੇ ਕਰਿੰਦੇ ਨੂੰ ਜ਼ਖ਼ਮੀ ਕਰਨ ਦਾ ਯਤਨ ਕੀਤਾ ਪ੍ਰੰਤੂ ਕੱਟਾ ਨਹੀਂ ਚੱਲ ਸਕਿਆ | ਕਰਿੰਦੇ ਨੇ ਆਪਣੇ ਬਚਾਅ ਲਈ ਅੰਦਰੋਂ ਸ਼ਰਾਬ ਦੇ ਪਊਏ, ਅਧੀਏ ਅਤੇ ਬੋਤਲਾਂ ਵਰ੍ਹਾਉਣੀਆਂ ਸ਼ੁਰੂ ਕਰ ਦਿੱਤੀਆਂ | ਦੋਵਾਂ ਲੁਟੇਰਿਆਂ ਨੇ ਠੇਕਾ ਤੋੜਨ ਦੇ ਬੇਹੱਦ ਯਤਨ ਕੀਤੇ ਪ੍ਰੰਤੂ ਸਫਲ ਨਾ ਹੋਣ ਕਰ ਕੇ ਰਫ਼ੂ ਚੱਕਰ ਹੋ ਗਏ | ਧਨੌਲਾ ਪੁਲਿਸ ਵਲੋਂ ਮਾਮਲੇ ਦੀ ਗੰਭੀਰਤਾ ਨਾਲ ਛਾਣਬੀਣ ਕੀਤੀ ਜਾ ਰਹੀ ਹੈ |
