20 ਕਰੋੜ ਦੀ ਗਰਾਂਟ ਦੇ ਕੰਮ ਤੁਰੰਤ ਸ਼ੁਰੂ ਕਰਾਏ ਜਾਣ ਸੰਬੰਧੀ ਕੌਂਸਲਰਾਂ ਦਾ ਵਫ਼ਦ ਅਧਿਕਾਰੀਆਂ ਨੂੰ ਮਿਲਿਆ
ਧਨੌਲਾ, 2 ਸਤੰਬਰ (ਜਤਿੰਦਰ ਸਿੰਘ ਧਨੌਲਾ)- ਨਗਰ ਕੌਂਸਲ ਧਨੌਲਾ ਦੇ ਤਕਰੀਬਨ 8 ਕੌਂਸਲਰਾਂ ਦਾ ਗਰੁੱਪ ਮੰਡੀ ਦੇ ਵੱਖ-ਵੱਖ ਮਸਲਿਆਂ ਨੂੰ ਲੈ ਕੇ ਡਿਪਟੀ ਕਮਿਸ਼ਨਰ ਬਰਨਾਲਾ ਅਤੇ ਜ਼ਿਲ੍ਹਾ ਯੋਜਨਾ ਬੋਰਡ ਦੇ ਚੇਅਰਮੈਨ ਪਰਮਿੰਦਰ ਸਿੰਘ ਭੰਗੂ ਮਿਲਿਆ। ਜਿਨ੍ਹਾਂ ਵਿਚ ਕੌਂਸਲਰ ਮਨੀਸ਼ ਕੁਮਾਰ, ਕੌਂਸਲਰ ਬਿੱਲੂ ਖ਼ਾਨ, ਕੌਂਸਲਰ ਕੁਲਦੀਪ ਕੌਰ ਦੇ ਪਤੀ ਸੁਖਵਿੰਦਰ ਸਿੰਘ ਮੁੰਦਰੀ, ਸਤਨਾਮ ਸਿੰਘ ਫ਼ਤਿਹ, ਕੌਂਸਲਰ ਸਾਹਿਬ ਸੋਢੀ ਸ਼ਾਮਿਲ ਹੋਏ।
ਧਨੌਲਾ, 2 ਸਤੰਬਰ (ਜਤਿੰਦਰ ਸਿੰਘ ਧਨੌਲਾ)- ਨਗਰ ਕੌਂਸਲ ਧਨੌਲਾ ਦੇ ਤਕਰੀਬਨ 8 ਕੌਂਸਲਰਾਂ ਦਾ ਗਰੁੱਪ ਮੰਡੀ ਦੇ ਵੱਖ-ਵੱਖ ਮਸਲਿਆਂ ਨੂੰ ਲੈ ਕੇ ਡਿਪਟੀ ਕਮਿਸ਼ਨਰ ਬਰਨਾਲਾ ਅਤੇ ਜ਼ਿਲ੍ਹਾ ਯੋਜਨਾ ਬੋਰਡ ਦੇ ਚੇਅਰਮੈਨ ਪਰਮਿੰਦਰ ਸਿੰਘ ਭੰਗੂ ਮਿਲਿਆ। ਜਿਨ੍ਹਾਂ ਵਿਚ ਕੌਂਸਲਰ ਮਨੀਸ਼ ਕੁਮਾਰ, ਕੌਂਸਲਰ ਬਿੱਲੂ ਖ਼ਾਨ, ਕੌਂਸਲਰ ਕੁਲਦੀਪ ਕੌਰ ਦੇ ਪਤੀ ਸੁਖਵਿੰਦਰ ਸਿੰਘ ਮੁੰਦਰੀ, ਸਤਨਾਮ ਸਿੰਘ ਫ਼ਤਿਹ, ਕੌਂਸਲਰ ਸਾਹਿਬ ਸੋਢੀ ਸ਼ਾਮਿਲ ਹੋਏ। ਜਿਨ੍ਹਾਂ ਨੇ ਆਖਿਆ ਕਿ 25 ਲੱਖ ਰੁਪਏ ਦੀ ਲਾਗਤ ਨਾਲ ਤਿਆਰ ਕੀਤੀ ਗਈ ਮਿਊਂਸਪਲ ਲਾਇਬਰੇਰੀ ਮੁਕੰਮਲ ਹੋ ਚੁੱਕੀ ਹੈ ਪ੍ਰੰਤੂ ਹਾਲੇ ਤੱਕ ਰਸਮੀ ਤੌਰ ’ਤੇ ਪਬਲਿਕ ਨੂੰ ਨਹੀਂ ਸੌਂਪੀ ਗਈ। ਮੰਗ ਕਰਦਿਆਂ ਆਖਿਆ ਕਿ ਉਹ ਤੁਰੰਤ ਪਬਲਿਕ ਨੂੰ ਸੌਂਪੀ ਜਾਵੇ। ਦੂਸਰਾ ਕੌਂਸਲਰਾਂ ਨੇ ਮੰਗ ਕਰਦੇ ਆਖਿਆ ਕਿ ਦੀਪ ਪੈਲੇਸ ਦੇ ਕੋਲ ਖੜ੍ਹਾ ਗੰਦਾ ਪਾਣੀ ਰੋਜ਼ਾਨਾ ਹਾਦਸਿਆਂ ਨੂੰ ਸੱਦਾ ਦਿੰਦਾ ਪ੍ਰਤੀਤ ਹੋ ਰਿਹਾ ਉਸ ਸਬੰਧੀ ਨੈਸ਼ਨਲ ਹਾਈਵੇ ਅਥਾਰਿਟੀ ਨੂੰ ਲਿਖ ਕੇ ਤੁਰੰਤ ਢੁਕਵਾਂ ਹੱਲ ਕਰਵਾਇਆ ਜਾਵੇ। ਤੀਸਰਾ ਇਹ ਕਿ 20 ਕਰੋੜ ਰੁਪਏ ਦੀ ਗਰਾਂਟ ਵਿਚੋਂ ਇਕ ਕਰੋੜ ਦੀ ਲਾਗਤ ਨਾਲ ਕਮਿਊਨਿਟੀ ਹਾਲ ਬਣਾਏ ਜਾਣ ਦਾ ਟੈਂਡਰ ਲੱਗ ਚੁੱਕਾ ਹੈ ਪ੍ਰੰਤੂ ਕੰਮ ਸ਼ੁਰੂ ਨਹੀਂ ਹੋਇਆ ਅਤੇ ਨਾ ਹੀ ਨਗਰ ਕੌਂਸਲ ਵਲੋਂ ਹਾਲੇ ਤੱਕ ਜਗ੍ਹਾ ਅਲਾਟ ਕੀਤੀ ਗਈ ਹੈ। ਡਿਪਟੀ ਕਮਿਸ਼ਨਰ ਤੁਰੰਤ ਦਖ਼ਲ ਦੇ ਕੇ ਜਗ੍ਹਾ ਅਲਾਟ ਕਰਾ ਕੇ ਕਮਿਊਨਿਟੀ ਹਾਲ ਉਸਾਰੇ ਜਾਣ ਲਈ ਰਸਤਾ ਪੱਧਰਾ ਕਰਨ। ਅਖੀਰ ’ਚ ਕੌਂਸਲਰਾਂ ਨੇ ਮੰਗ ਕਰਦਿਆਂ ਆਖਿਆ ਕਿ ਉਕਤ ਗਰਾਂਟ ਵਿਚੋਂ ਅਲਾਟ ਹੋਏ ਸਾਰੇ ਕੰਮ ਬਿਨਾਂ ਦੇਰੀ ਸ਼ੁਰੂ ਕੀਤੇ ਜਾਣ ਤਾਂ ਕਿ ਲੋਕਾਂ ਦੀ ਹਿਫ਼ਾਜ਼ਤ ਲਈ ਆਏ ਪੈਸੇ ਦੀ ਸਹੀ ਵਰਤੋਂ ਹੋ ਸਕੇ। ਇਨ੍ਹਾਂ ਮਸਲਿਆਂ ਦਾ ਇਕ ਉਤਾਰਾ ਮੁੱਖ ਮੰਤਰੀ ਪੰਜਾਬ ਅਤੇ ਮੁੱਖ ਸਕੱਤਰ ਪੰਜਾਬ ਸਰਕਾਰ ਨੂੰ ਵੀ ਭੇਜਿਆ ਗਿਆ।
