ਜੰਗ ਦਾ ਦਰਦ

 ਅੱਜ ਜਦ ਸੇਵਾ ਸਿੰਘ ਖੇਤ ਗੇੜਾ ਮਾਰ ਕੇ ਘਰ ਮੁੜਿਆ ਤਾਂ ਘਰ ਦਰਵਾਜ਼ੇ 'ਚ ਮੰਜੇ 'ਤੇ ਬੈਠੇ ਬਾਪੂ ਕਰਤਾਰ ਸਿੰਘ ਦੇ ਚਿਹਰੇ 'ਤੇ ਉਸ ਨੂੰ ਉਦਾਸੀ ਝਲਕਦੀ ਦਿਸੀ | ਮੂੰਹ ਹੱਥ ਧੋ ਜਦ ਉਹ ਬਾਪੂ ਕੋਲ ਆਇਆ ਤਾਂ ਉਸ ਨੇ ਹੌਸਲਾ ਜਿਹਾ ਕਰ ਬਾਪੂ ਨੂੰ ਪੁੱਛ ਹੀ ਲਿਆ ਕਿ ਬਾਪੂ ਜੀ ਕੀ ਗੱਲ ਅੱਜ ਉਦਾਸ ਲੱਗ ਰਹੇ ਹੋ | ਇਹ ਗੱਲ ਸੁਣ ਕਰਤਾਰ ਸਿੰਘ ਦੀਆਂ ਅੱਖਾਂ ਭਰ ਆਈਆਂ | ਉਸ ਦੇ ਬੋਲ ਸਨ ਕਿ ਪੁੱਤਰਾ ਅਸੀਂ ਆਪਣੇ ਵੇਲੇ ਜੰਗ ਦਾ ਦਰਦ ਹੰਢਾਇਆ ਤੇ ਹੱਡ ਤੋੜਵੀਂ ਮਿਹਨਤ ਕਰ ਤਹਾਨੂੰ ਪੈਰਾਂ ਸਿਰ ਕੀਤਾ ਹੈ | ਹੁਣ ਆਹ ਜਿਹੜੀ ਜੰਗ ਮੁਲਕਾਂ ਦੀ ਇਕ ਦੂਜੇ ਨੂੰ ਜਿੱਤਣ-ਹਰਾਉਣ ਦੀ ਲੱਗ ਗਈ ਇਸਦਾ ਦਰਦ ਮੇਰੇ ਤੋਂ ਨਹੀਂ ਹੰਢਾਇਆ ਜਾਣਾ | ਇਸ ਜੰਗ ਦਾ ਦਰਦ ਕਿਤੇ ਮੈਨੂੰ ਨਾ ਲੈ ਬੈਠੇ | ਇਹ ਗੱਲ ਕਹਿ ਕਰਤਾਰ ਸਿੰਘ ਭਿੱਜੀਆਂ ਅੱਖਾਂ ਨਾਲ ਉੱਪਰ ਅਸਮਾਨ ਵੱਲ ਦੇਖ ਮੰਜੇ 'ਤੇ ਆਰਾਮ ਕਰਨ ਲਈ ਪੈ ਗਿਆ |

-ਮੋਬਾਈਲ : 98761-98000