ਹਰਿਆਣਾ ਦੇ ਪਹਿਲਵਾਨਾਂ ਦੀ ਵੱਡੀ ਮÏਜੂਦਗੀ ਪੱਖਪਾਤ ਦੇ ਦੋਸ਼ਾਂ ਦਾ ਕਰ ਰਹੀ ਖੰਡਨ-ਡਬਲਿਊ.ਐਫ.ਆਈ.

ਗੋਂਡਾ (ਉੱਤਰ ਪ੍ਰਦੇਸ਼), 10 ਮਈ (ਪੀ.ਟੀ.ਆਈ.)-ਭਾਰਤੀ ਕੁਸ਼ਤੀ ਫੈਡਰੇਸ਼ਨ (ਡਬਲਿਊ.ਐਫ਼.ਆਈ.) ਦੇ ਪ੍ਰਧਾਨ ਸੰਜੇ ਸਿੰਘ ਨੇ ਕਿਹਾ ਕਿ ਗੋਂਡਾ 'ਚ ਚੱਲ ਰਹੇ ਰਾਸ਼ਟਰੀ ਓਪਨ ਰੈਂਕਿੰਗ ਟੂਰਨਾਮੈਂਟ 'ਚ ਹਰਿਆਣਾ ਦੇ ਪਹਿਲਵਾਨਾਂ ਦੀ ਵੱਡੀ ਭਾਗੀਦਾਰੀ ਇਸ ਦੋਸ਼ ਨੂੰ ਖਾਰਜ ਕਰਦੀ ਹੈ ਕਿ ਫੈਡਰੇਸ਼ਨ ਰਾਜ ਪ੍ਰਤੀ ਪੱਖਪਾਤੀ ਹੈ | ਇਸ ਤਿੰਨ-ਰੋਜ਼ਾ ਟੂਰਨਾਮੈਂਟ ਲਈ ਲਗਭਗ 1,400 ਪਹਿਲਵਾਨਾਂ ਨੇ ਰਜਿਸਟਰ ਕੀਤਾ ਹੈ, ਜਿਨ੍ਹਾਂ ਵਿਚੋਂ ਲਗਭਗ 80 ਫ਼ੀਸਦ ਹਰਿਆਣਾ ਤੋਂ ਹਨ | ਹਰਿਆਣਾ ਨੂੰ ਰਵਾਇਤੀ ਤੌਰ 'ਤੇ ਦੇਸ਼ ਵਿਚ ਕੁਸ਼ਤੀ ਦਾ ਸਭ ਤੋਂ ਮਜ਼ਬੂਤ ਗੜ੍ਹ ਮੰਨਿਆ ਜਾਂਦਾ ਹੈ | ਰਾਸ਼ਟਰੀ ਓਪਨ ਰੈਂਕਿੰਗ ਟੂਰਨਾਮੈਂਟ ਇਕ ਮਹੱਤਵਪੂਰਨ ਘਰੇਲੂ ਪੱਧਰ ਦਾ ਮੁਕਾਬਲਾ ਹੈ, ਕਿਉਂਕਿ ਇਹ ਰਾਸ਼ਟਰੀ ਕੈਂਪਾਂ ਤੇ ਭਵਿੱਖ ਦੇ ਅੰਤਰਰਾਸ਼ਟਰੀ ਟੂਰਨਾਮੈਂਟਾਂ ਲਈ ਚੋਣ ਲਈ ਮਾਰਗ ਵਜੋਂ ਕੰਮ ਕਰਦਾ ਹੈ |