ਪਲੇਆਫ 'ਚ ਪਹੁੰਚਣ ਵਾਲੀ ਪਹਿਲੀ ਟੀਮ ਬਣੀ ਬੈਂਗਲੁਰੂ ਪੰਜਾਬ ਨੂੰ ਮਿਲੀ ਲਗਾਤਾਰ 6ਵੀਂ ਹਾਰ <br/>

ਧਰਮਸ਼ਾਲਾ, 17 ਮਈ (ਪੀ.ਟੀ.ਆਈ.)-ਵੈਂਕਟੇਸ਼ ਅਈਅਰ ਤੇ ਵਿਰਾਟ ਕੋਹਲੀ ਦੇ ਅਰਧ ਸੈਂਕੜਿਆਂ ਦੀ ਬਦੌਲਤ ਰਾਇਲ ਚੈਲੇਂਜਰਸ ਬੈਂਗਲੁਰੂ ਇੰਡੀਅਨ ਪ੍ਰੀਮੀਅਰ ਲੀਗ 'ਚ ਪਲੇਆਫ ਵਿਚ ਜਗ੍ਹਾ ਪੱਕੀ ਕਰਨ ਵਾਲੀ ਪਹਿਲੀ ਟੀਮ ਬਣ ਗਈ, ਜਿਸਨੇ ਐਤਵਾਰ ਨੂੰ ਇੱਥੇ ਪੰਜਾਬ ਕਿੰਗਜ਼ ਨੂੰ 23 ਦÏੜਾਂ ਨਾਲ ਹਰਾ ਦਿੱਤਾ | ਆਪਣੀ ਲਗਾਤਾਰ ਤੀਜੀ ਜਿੱਤ ਨਾਲ, ਬੈਂਗਲੁਰੂ ਦੇ 13 ਮੈਚਾਂ 'ਚ 18 ਅੰਕ ਹਨ ਤੇ ਉਹ ਸਿਖਰ 'ਤੇ ਬਣੇ ਹੋਏ ਹਨ | ਰਾਇਲ ਚੈਲੇਂਜਰਸ ਬੈਂਗਲੁਰੂ ਦੇ 223 ਦÏੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ, ਸ਼ਸ਼ਾਂਕ ਸਿੰਘ (56 ਦÏੜਾਂ, 27 ਗੇਂਦਾਂ) ਦੇ ਅਰਧ ਸੈਂਕੜੇ ਤੇ ਮਾਰਕਸ ਸਟੋਇਨਿਸ (37 ਦÏੜਾਂ, 25 ਗੇਂਦਾਂ) ਦੇ 6ਵੀਂ ਵਿਕਟ ਲਈ 67 ਦੌੜਾਂ ਦੀ ਸਾਂਝੇਦਾਰੀ ਦੇ ਬਾਵਜੂਦ, ਪੰਜਾਬ 8 ਵਿਕਟਾਂ 'ਤੇ 199 ਦÏੜਾਂ ਹੀ ਬਣਾ ਸਕਿਆ | ਕੂਪਰ ਕੋਨੋਲੀ (37) ਤੇ ਸੂਰਯਾਂਸ਼ ਸ਼ੈਡਗੇ (35) ਨੇ ਵੀ ਉਪਯੋਗੀ ਪਾਰੀਆਂ ਖੇਡੀਆਂ ਪਰ ਟੀਮ ਨੂੰ ਜਿੱਤ ਵੱਲ ਨਹੀਂ ਲੈ ਜਾ ਸਕੇ | ਬੈਂਗਲੁਰੂ ਲਈ, ਰਸਿਕ ਸਲਾਮ ਨੇ 36 ਦÏੜਾਂ ਦੇ ਕੇ ਤਿੰਨ ਵਿਕਟਾਂ ਲਈਆਂ, ਜਦੋਂ ਕਿ ਭੁਵਨੇਸ਼ਵਰ ਕੁਮਾਰ ਨੇ 38 ਦÏੜਾਂ ਦੇ ਕੇ ਦੋ ਵਿਕਟਾਂ ਲਈਆਂ | ਬੈਂਗਲੁਰੂ ਨੇ ਚਾਰ ਵਿਕਟਾਂ 'ਤੇ 222 ਦÏੜਾਂ ਬਣਾਈਆਂ, ਜਿਸ 'ਚ ਵੈਂਕਟੇਸ਼ (73 ਨਾਬਾਦ, 40 ਗੇਂਦਾਂ) ਨੇ ਵਿਰਾਟ ਕੋਹਲੀ (58 ਦÏੜਾਂ, 37 ਗੇਂਦਾਂ) ਨਾਲ ਤੀਜੀ ਵਿਕਟ ਲਈ 60 ਦੌੜਾਂ ਦੀ ਸਾਂਝੇਦਾਰੀ ਤੇ ਟਿਮ ਡੇਵਿਡ (12 ਗੇਂਦਾਂ 'ਤੇ 28 ਦÏੜਾਂ) ਨਾਲ ਚੌਥੀ ਵਿਕਟ ਲਈ 65 ਦÏੜਾਂ ਦੀ ਸਾਂਝੇਦਾਰੀ ਸ਼ਾਮਲ ਸੀ | ਪੰਜਾਬ ਲਈ ਹਰਪ੍ਰੀਤ ਬਰਾੜ ਸਭ ਤੋਂ ਸਫਲ ਗੇਂਦਬਾਜ਼ ਰਿਹਾ, ਜਿਸਨੇ 35 ਦÏੜਾਂ ਦੇ ਕੇ 2 ਵਿਕਟਾਂ ਲਈਆਂ | ਅਰਸ਼ਦੀਪ ਸਿੰਘ (43 ਦÏੜਾਂ 'ਤੇ 1 ਵਿਕਟ) ਤੇ ਯੁਜਵੇਂਦਰ ਚਾਹਲ (42 ਦÏੜਾਂ 'ਤੇ 1 ਵਿਕਟ) ਨੇ ਇੱਕ-ਇੱਕ ਵਿਕਟ ਲਈ |