ਜਲੰਧਰ, 27 ਮਈ (ਡਾ. ਜਤਿੰਦਰ ਸਾਬੀ)-ਭਾਰਤ ਦੇ ਸਭ ਤੋਂ ਤੇਜ਼ ਦੌੜਾਕ ਬਣੇ ਗੁਰਿੰਦਰਵੀਰ ਸਿੰਘ ਵਲੋਂ 100 ਮੀਟਰ ਦÏੜ 'ਚ ਸ਼ਾਨਦਾਰ ਜਿੱਤ ਦਰਜ ਕਰਦੇ ਹੋਏ ਨਵਾਂ ਰਾਸ਼ਟਰੀ ਰਿਕਾਰਡ ਕਾਇਮ ਕੀਤਾ | ਅੱਜ ਸਪੋਰਟਸ ਕਾਲਜ ਜਲੰਧਰ ਦੇ ਸਿੰਥੈਟਿਕਸ ਅਥਲੈਟਿਕਸ ਟਰੈਕ 'ਤੇ ਗੁਰਿੰਦਰਵੀਰ ਸਿੰਘ ਦੇ ਕੋਚਾਂ, ਸਾਥੀ ਖਿਡਾਰੀਆਂ ਅਤੇ ਪਰਿਵਾਰਕ ਮੈਂਬਰਾਂ ਵਲੋਂ ਕੇਕ ਕੱਟ ਕੇ ਖੁਸ਼ੀ ਮਨਾਈ ਗਈ | ਇਸ ਮÏਕੇ ਗੁਰਿੰਦਰਵੀਰ ਸਿੰਘ ਦੇ ਪਿਤਾ ਕਮਲਜੀਤ ਸਿੰਘ ਅਤੇ ਕੋਚ ਸਰਬਜੀਤ ਸਿੰਘ ਹੈਪੀ ਦੇ ਨਾਲ ਦਵਿੰਦਰ ਸਿੰਘ ਪੰਜਾਬ ਪੁਲਿਸ, ਕੋਚ ਸੁਨੀਲ ਕੁਮਾਰ ਟਵਿੰਕਲ, ਪੰਕਜ ਕੁਮਾਰ ਅਤੇ ਗੁਰਿੰਦਰ ਦੇ ਹੋਰ ਸਾਥੀ ਖਿਡਾਰੀ ਵੀ ਹਾਜ਼ਰ ਰਹੇ | ਕੋਚ ਸਰਬਜੀਤ ਸਿੰਘ ਹੈਪੀ ਨੇ ਕਿਹਾ ਕਿ ਗੁਰਿੰਦਰਵੀਰ ਸਿੰਘ ਦੀ ਇਹ ਸਫਲਤਾ ਉਸ ਦੀ ਸਖ਼ਤ ਮਿਹਨਤ, ਅਨੁਸ਼ਾਸਨ ਅਤੇ ਲਗਾਤਾਰ ਅਭਿਆਸ ਦਾ ਨਤੀਜਾ ਹੈ ¢ ਉਸ ਨੇ ਕਿਹਾ ਪੰਜਾਬ ਦਾ ਇਹ ਪੁੱਤਰ ਦੇਸ਼ ਦੀ ਰਫ਼ਤਾਰ ਬਣ ਚੁੱਕਾ ਹੈ ਤੇ ਪੰਜਾਬ ਦੀ ਮਿੱਟੀ 'ਚ ਅਜੇ ਵੀ ਚੈਂਪੀਅਨ ਪੈਦਾ ਕਰਨ ਦੀ ਤਾਕਤ ਮÏਜੂਦ ਹੈ |
