ਭਾਰਤੀ ਕ੍ਰਿਕਟ ਟੀਮ ਦੇ ਸਹਾਇਕ ਕੋਚ ਨੇ ਦਿੱਤਾ ਅਸਤੀਫ਼ਾ
ਅਜੀਤ ਡੈਸਕ
29-07-2026
ਰਿਪੋਰਟਾਂ ਅਨੁਸਾਰ ਟੈਨ ਡੋਇਸ਼ੇਟ ਇਕ ਵਾਰ ਫਿਰ ਆਈ.ਪੀ.ਐਲ. ਫਰੈਂਚਾਇਜ਼ੀ ਕੋਲਕਾਤਾ ਨਾਈਟ ਰਾਈਡਰਜ਼ (ਕੇ.ਕੇ.ਆਰ.) ਦੇ ਸਪੋਰਟ ਸਟਾਫ ’ਚ ਸ਼ਾਮਲ ਹੋ ਸਕਦਾ ਹੈ, ਜਿੱਥੇ ਉਸਨੇ ਪਹਿਲਾਂ ਗੌਤਮ ਗੰਭੀਰ ਦੇ ਨਾਲ ਕੰਮ ਕੀਤਾ ਸੀ। ਟੈਨ ਡੋਇਸ਼ੇਟ ਦੇ ਜਾਣ ਤੋਂ ਬਾਅਦ, ਸ੍ਰੀਲੰਕਾ ਵਿਰੁੱਧ ਆਉਣ ਵਾਲੀ ਟੈਸਟ ਲੜੀ ਤੇ ਨਵੀਂ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ (ਡਬਲਯੂ.ਟੀ.ਸੀ.) ਚੱਕਰ ਤੋਂ ਪਹਿਲਾਂ ਭਾਰਤੀ ਟੀਮ ਦੇ ਕੋਚਿੰਗ ਸਟਾਫ ’ਚ ਬਦਲਾਅ ਦੇਖੇ ਜਾ ਸਕਦੇ ਹਨ। ਫੀਲਡਿੰਗ ਕੋਚ ਟੀ. ਦਿਲੀਪ ਦਾ ਕਾਰਜਕਾਲ ਵੀ ਖਤਮ ਹੋ ਗਿਆ ਹੈ।
ਉਹ ਸ਼੍ਰੀਲੰਕਾ ਦੇ ਆਉਣ ਵਾਲੇ ਟੈਸਟ ਦੌਰੇ ’ਤੇ ਟੀਮ ਦੇ ਨਾਲ ਨਹੀਂ ਜਾਣਗੇ। ਟੀ. ਦਿਲੀਪ ਨੇ ਨਵੰਬਰ 2021 ’ਚ ਰਾਹੁਲ ਦ੍ਰਾਵਿੜ ਦੇ ਮੁੱਖ ਕੋਚ ਬਣਨ ਤੋਂ ਬਾਅਦ ਭਾਰਤੀ ਟੀਮ ਦੇ ਫੀਲਡਿੰਗ ਕੋਚ ਦਾ ਅਹੁਦਾ ਸੰਭਾਲਿਆ ਸੀ। ਉਨ੍ਹਾਂ ਦੇ ਕਾਰਜਕਾਲ ਦੌਰਾਨ, ਭਾਰਤੀ ਕ੍ਰਿਕਟ ਟੀਮ ਦੀ ਫੀਲਡਿੰਗ ਵਿੱਚ ਕਾਫ਼ੀ ਸੁਧਾਰ ਹੋਇਆ, ਅਤੇ ਮੈਚਾਂ ਤੋਂ ਬਾਅਦ ‘ਸਰਬੋਤਮ ਫੀਲਡਰ’ ਮੈਡਲ ਦੇਣ ਦੀ ਪਹਿਲ ਬਹੁਤ ਮਸ਼ਹੂਰ ਹੋ ਗਈ।
