ਮੁੱਕੇਬਾਜ਼ੀ : ਪ੍ਰਿਆ ਘੰਘਾਸ ਤੇ ਕਪਿਲ ਪੋਖਰੀਆ ਨੇ ਕਾਂਸੀ ਦੇ ਤਗਮੇ ਜਿੱਤੇ
ਨਾਗੋਆ, 30 ਸਤੰਬਰ (ਏਜੰਸੀ)-ਪ੍ਰਿਆ ਘੰਘਾਸ (ਮਹਿਲਾ 60 ਕਿੱਲੋਗ੍ਰਾਮ) ਅਤੇ ਕਪਿਲ ਪੋਖਰੀਆ (ਮਰਦ 90 ਕਿੱਲੋਗ੍ਰਾਮ) ਨੂੰ ਏਸ਼ਿਆਈ ਖੇਡਾਂ ਦੌਰਾਨ ਸੈਮੀਫਾਈਨਲ ’ਚ ਆਪਣੇ-ਆਪਣੇ ਮੁਕਾਬਲੇ ਹਾਰਨ ਤੋਂ ਬਾਅਦ ਕਾਂਸੀ ਦੇ ਤਗਮਿਆਂ ਨਾਲ ਸਬਰ ਕਰਨਾ ਪਿਆ। ਦੂਜੇ ਪਾਸੇ, ਉਲੰਪਿਕ ਤਗਮਾ ਜੇਤੂ ਲਵਲੀਨਾ ਬੋਰਗੋਹੇਨ ਦੂਜੀ ਵਾਰ ਏਸ਼ਿਆਈ ਖੇਡਾਂ ਦੇ ਫਾਈਨਲ ਵਿਚ ਪਹੁੰਚਣ ਵਾਲੀ ਪਹਿਲੀ ਭਾਰਤੀ ਮੁੱਕੇਬਾਜ਼ ਬਣ ਗਈ ਹੈ।
ਨਾਗੋਆ, 30 ਸਤੰਬਰ (ਏਜੰਸੀ)-ਪ੍ਰਿਆ ਘੰਘਾਸ (ਮਹਿਲਾ 60 ਕਿੱਲੋਗ੍ਰਾਮ) ਅਤੇ ਕਪਿਲ ਪੋਖਰੀਆ (ਮਰਦ 90 ਕਿੱਲੋਗ੍ਰਾਮ) ਨੂੰ ਏਸ਼ਿਆਈ ਖੇਡਾਂ ਦੌਰਾਨ ਸੈਮੀਫਾਈਨਲ ’ਚ ਆਪਣੇ-ਆਪਣੇ ਮੁਕਾਬਲੇ ਹਾਰਨ ਤੋਂ ਬਾਅਦ ਕਾਂਸੀ ਦੇ ਤਗਮਿਆਂ ਨਾਲ ਸਬਰ ਕਰਨਾ ਪਿਆ। ਦੂਜੇ ਪਾਸੇ, ਉਲੰਪਿਕ ਤਗਮਾ ਜੇਤੂ ਲਵਲੀਨਾ ਬੋਰਗੋਹੇਨ ਦੂਜੀ ਵਾਰ ਏਸ਼ਿਆਈ ਖੇਡਾਂ ਦੇ ਫਾਈਨਲ ਵਿਚ ਪਹੁੰਚਣ ਵਾਲੀ ਪਹਿਲੀ ਭਾਰਤੀ ਮੁੱਕੇਬਾਜ਼ ਬਣ ਗਈ ਹੈ। ਲਵਲੀਨਾ ਨੇ ਹਾਂਗਜ਼ੂ (2023) ਖੇਡਾਂ ’ਚ ਵੀ ਚਾਂਦੀ ਦਾ ਤਗਮਾ ਜਿੱਤਿਆ ਸੀ। ਪ੍ਰਿਆ ਘੰਘਾਸ, ਜਿਸ ਨੇ ਰਾਸ਼ਟਰ ਮੰਡਲ ਖੇਡਾਂ ਦੌਰਾਨ ਸੋਨੇ ਦਾ ਤਗਮਾ ਜਿੱਤਿਆ ਸੀ, } ਚੀਨ ਦੀ ਮੁੱਕੇਬਾਜ਼ ਤੋਂ 4-1 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਦੂਜੇ ਪਾਸੇ, ਕਪਿਲ ਪੋਖਰੀਆ ਉਜ਼ਬੇਕਿਸਤਾਨ ਦੇ ਮੌਜੂਦਾ ਚੈਂਪੀਅਨ ਤੁਰਾਬੇਕ ਖਬੀਬੁੱਲਾਏਵ ਤੋਂ 1-4 ਨਾਲ ਹਾਰ ਗਏ। ਲਵਲੀਨਾ ਬੋਰਗੋਹੇਨ ਨੇ 70 ਕਿੱਲੋਗ੍ਰਾਮ ਵਰਗ ਦੀ ਮੌਜੂਦਾ ਵਿਸ਼ਵ ਚੈਂਪੀਅਨ ਨਤਾਲਿਆ ਬੋਗਦਾਨੋਵਾ ਨੂੰ 3-2 ਨਾਲ ਹਰਾ ਕੇ ਮਹਿਲਾਵਾਂ ਦੇ 75 ਕਿੱਲੋਗ੍ਰਾਮ ਵਰਗ ਦੇ ਫਾਈਨਲ ਵਿਚ ਪ੍ਰਵੇਸ਼ ਕੀਤਾ ਅਤੇ ਭਾਰਤ ਲਈ ਇਕ ਹੋਰ ਮੁੱਕੇਬਾਜ਼ੀ ਤਗਮਾ ਪੱਕਾ ਕੀਤਾ। ਲਵਲੀਨਾ ਸ਼ੁੱਕਰਵਾਰ ਨੂੰ ਹੋਣ ਵਾਲੇ ਫਾਈਨਲ ਵਿਚ ਚੀਨ ਦੀ ਏਸ਼ਿਆਈ ਚੈਂਪੀਅਨ ਬਾਓ ਜ਼ਿਯੀ ਨਾਲ ਭਿੜੇਗੀ।
