ਅਮਰੀਕਾ ਵਿਖੇ ਹੋਈ ਗੋਲੀਬਾਰੀ 'ਚ 1 ਦੀ ਮÏਤ-10 ਜ਼ਖਮੀ ਸ਼ੱਕੀ ਪੁਲਿਸ ਮੁਕਾਬਲੇ 'ਚ ਹਲਾਕ
ਅਜੀਤ ਡੈਸਕ
14-06-2026
ਸੈਕਰਾਮੈਂਟੋ, 13 ਜੂਨ (ਹੁਸਨ ਲੜੋਆ ਬੰਗਾ)-ਅਮਰੀਕਾ ਦੇ ਮਿਡਲੈਂਡ, ਟੈਕਸਾਸ 'ਚ ਹੋਈ ਗੋਲੀਬਾਰੀ 'ਚ ਇਕ ਵਿਅਕਤੀ ਦੀ ਮੌਤ ਹੋ ਗਈ ਤੇ 10 ਹੋਰ ਜ਼ਖਮੀ ਹੋ ਗਏ | ਜਦਕਿ ਬਾਅਦ 'ਚ ਸ਼ੱਕੀ ਬੰਦੂਕਧਾਰੀ, ਜਿਸ ਦੀ ਪਛਾਣ ਵਿਕਟਰ ਮਾਤਾ ਵਿਲਾਰੀਅਲ ਵਜੋਂ ਹੋਈ ਹੈ, ਪੁਲਿਸ ਅਫਸਰਾਂ ਨਾਲ ਹੋਏ ਮੁਕਾਬਲੇ 'ਚ ਮਾਰਿਆ ਗਿਆ | ਮਿਡਲੈਂਡ ਸਿਟੀ ਦੇ ਬੁਲਾਰੇ ਸਟੀਵਰਟ ਡੋਰੀਨ ਨੇ ਜਾਰੀ ਇਕ ਬਿਆਨ ਵਿਚ ਕਿਹਾ ਹੈ ਕਿ ਮਿਡਲੈਂਡ ਪੁਲਿਸ ਗੋਲੀਬਾਰੀ ਦੀ ਸੂਚਨਾ ਮਿਲਣ 'ਤੇ ਮੌਕੇ ਉਪਰ ਪੁੱਜੀ | ਹਮਲਾਵਰ ਆਮ ਲੋਕਾਂ ਉਪਰ ਗੋਲੀਬਾਰੀ ਕਰਨ ਉਪਰੰਤ ਇਕ ਪੁਰਾਣੀ ਖੰਡਰ ਹੋਈ ਇਮਾਰਤ 'ਚ ਲੁੱਕ ਗਿਆ | ਪੁਲਿਸ ਅਫਸਰਾਂ ਵੱਲੋਂ ਬਖਤਰਬੰਦ ਗੱਡੀਆਂ ਸਮੇਤ ਇਮਾਰਤ ਦੀ ਤੁਰੰਤ ਘੇਰਾਬੰਦੀ ਕੀਤੀ ਗਈ | ਇੱਕ ਘੰਟਾ ਚੱਲੇ ਟਕਰਾਅ ਤੋਂ ਬਾਅਦ, ਸ਼ੱਕੀ ਦੁਪਹਿਰ 12:30 ਵਜੇ ਇਮਾਰਤ ਦੇ ਅੰਦਰ ਮਿ੍ਤਕ ਪਾਇਆ ਗਿਆ | ਮਿਡਲੈਂਡ ਦੇ ਮੇਅਰ ਲੋਰੀ ਬਲੌਂਗ ਨੇ ਕਿਹਾ ਕਿ ਅਧਿਕਾਰੀਆਂ ਨੇ ਸ਼ੂਟਰ ਨੂੰ ਮਾਰ ਦੇਣ ਦੀ ਪੁਸ਼ਟੀ ਕੀਤੀ ਹੈ | ਹੋਰ ਵੇਰਵੇ ਤੁਰੰਤ ਜਾਰੀ ਨਹੀਂ ਕੀਤੇ ਗਏ |
