ਮੱਧ-ਪੱਛਮੀ ਅਮਰੀਕਾ ’ਚ ਭਿਆਨਕ ਤੂਫ਼ਾਨਾਂ ਦਾ ਕਹਿਰ- ਤਿੰਨ ਮੌਤਾਂ
ਨਿਊਯਾਰਕ, 12 ਅਗਸਤ (ਰਾਜੂ ਸਹਿਬਾਜ਼ਪੁਰਾ)-ਅਮਰੀਕਾ ਦੇ ਮੱਧ-ਪੱਛਮੀ ਰਾਜਾਂ ਵਿਚ ਆਏ ਭਿਆਨਕ ਤੂਫ਼ਾਨਾਂ, ਬਵੰਡਰਾਂ ਅਤੇ ਮੋਹਲੇਧਾਰ ਮੀਂਹ ਨੇ ਭਾਰੀ ਤਬਾਹੀ ਮਚਾਈ ਹੈ। ਇੰਡੀਆਨਾ ਅਤੇ ਓਹਾਇਓ ਵਿਚ ਵੱਖ-ਵੱਖ ਘਟਨਾਵਾਂ ਦੌਰਾਨ ਤਿੰਨ ਲੋਕਾਂ ਦੀ ਮੌਤ ਹੋ ਗਈ, ਜਦਕਿ ਇਲਿਨੋਇਸ, ਇੰਡੀਆਨਾ, ਓਹਾਇਓ ਅਤੇ ਕੈਂਟਕੀ ਵਿਚ ਕਰੀਬ 10 ਲੱਖ ਬਿਜਲੀ ਖਪਤਕਾਰਾਂ ਦੀ ਸਪਲਾਈ ਪ੍ਰਭਾਵਿਤ ਹੋਈ।
ਅ
ਅਸਮਾਨ ਵਿਚ ਕਾਲੇ ਬਦਲ ਤੇ ਘਰਾਂ ’ਤੇ ਡਿਗੇ ਰੁੱਖ।
13-08-2026
ਨਿਊਯਾਰਕ, 12 ਅਗਸਤ (ਰਾਜੂ ਸਹਿਬਾਜ਼ਪੁਰਾ)-ਅਮਰੀਕਾ ਦੇ ਮੱਧ-ਪੱਛਮੀ ਰਾਜਾਂ ਵਿਚ ਆਏ ਭਿਆਨਕ ਤੂਫ਼ਾਨਾਂ, ਬਵੰਡਰਾਂ ਅਤੇ ਮੋਹਲੇਧਾਰ ਮੀਂਹ ਨੇ ਭਾਰੀ ਤਬਾਹੀ ਮਚਾਈ ਹੈ। ਇੰਡੀਆਨਾ ਅਤੇ ਓਹਾਇਓ ਵਿਚ ਵੱਖ-ਵੱਖ ਘਟਨਾਵਾਂ ਦੌਰਾਨ ਤਿੰਨ ਲੋਕਾਂ ਦੀ ਮੌਤ ਹੋ ਗਈ, ਜਦਕਿ ਇਲਿਨੋਇਸ, ਇੰਡੀਆਨਾ, ਓਹਾਇਓ ਅਤੇ ਕੈਂਟਕੀ ਵਿਚ ਕਰੀਬ 10 ਲੱਖ ਬਿਜਲੀ ਖਪਤਕਾਰਾਂ ਦੀ ਸਪਲਾਈ ਪ੍ਰਭਾਵਿਤ ਹੋਈ। ਤੂਫ਼ਾਨ ਕਾਰਨ ਘਰਾਂ ਦੀਆਂ ਛੱਤਾਂ ਉੱਡ ਗਈਆਂ, ਵੱਡੀ ਗਿਣਤੀ ਵਿਚ ਦਰੱਖਤ ਅਤੇ ਬਿਜਲੀ ਦੀਆਂ ਤਾਰਾਂ ਡਿੱਗ ਪਈਆਂ ਅਤੇ ਕਈ ਸੜਕਾਂ ਪਾਣੀ ਵਿਚ ਡੁੱਬ ਗਈਆਂ। ਓਹਾਇਓ ਦੇ ਗ੍ਰਾਫਟਨ ਸਥਿਤ ਜੇਲ੍ਹ ਕੰਪਲੈਕਸ ਵਿਚ ਸ਼ਾਮ ਦਾ ਖਾਣਾ ਖਾ ਕੇ ਵਾਪਸ ਜਾ ਰਹੇ ਕੈਦੀਆਂ ਨੇੜੇ ਅਸਮਾਨੀ ਬਿਜਲੀ ਡਿੱਗਣ ਨਾਲ 16 ਲੋਕ ਜ਼ਖ਼ਮੀ ਹੋ ਗਏ। ਸਾਰਿਆਂ ਨੂੰ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ, ਜਦਕਿ ਇਕ ਜ਼ਖ਼ਮੀ ਨੂੰ ਹੈਲੀਕਾਪਟਰ ਰਾਹੀਂ ਇਲਾਜ ਲਈ ਭੇਜਿਆ ਗਿਆ। ਕਈ ਥਾਵਾਂ ’ਤੇ ਪਾਣੀ ਭਰਨ ਕਾਰਨ ਲੋਕਾਂ ਨੂੰ ਘਰਾਂ ਤੋਂ ਸੁਰੱਖਿਅਤ ਥਾਵਾਂ ’ਤੇ ਪਹੁੰਚਾਇਆ ਗਿਆ। ਮੌਸਮ ਵਿਭਾਗ ਦੀ ਮੁੱਢਲੀ ਜਾਂਚ ਅਨੁਸਾਰ ਆਇਓਵਾ ਤੋਂ ਇੰਡੀਆਨਾ ਤੱਕ ਫੈਲੀ ਇਸ ਤੂਫ਼ਾਨੀ ਪ੍ਰਣਾਲੀ ਨੂੰ ‘ਡਰੇਚੋ’ ਮੰਨਿਆ ਜਾ ਰਿਹਾ ਹੈ। ਡਰੇਚੋ ਲੰਬੇ ਫ਼ਾਸਲੇ ਤੱਕ ਚੱਲਣ ਵਾਲੀਆਂ ਬਹੁਤ ਤੇਜ਼ ਸਿੱਧੀਆਂ ਹਵਾਵਾਂ ਦਾ ਤੂਫ਼ਾਨ ਹੁੰਦਾ ਹੈ, ਜੋ ਬਵੰਡਰ ਜਾਂ ਸਮੁੰਦਰੀ ਤੂਫ਼ਾਨ ਵਰਗੀ ਤਬਾਹੀ ਮਚਾ ਸਕਦਾ ਹੈ।
