ਟੋਹਾਣਾ/ਜਾਖ਼ਲ, 20 ਫ਼ਰਵਰੀ (ਮਨਜੀਤ ਸਿੰਘ)-ਟੋਹਾਣਾ ਦੇ ਲਾਗਲੇ ਪਿੰਡ ਬਲਿਆਲਾ ਵਿਖੇ ਇਕ ਤੇਜ਼ ਰਫ਼ਤਾਰ ਕਾਰ ਦਰੱਖਤ ਨਾਲ ਟਕਰਾ ਗਈ, ਜਿਸ 'ਚ ਸਵਾਰ 6 ਲੋਕਾਂ ਦੇ ਫੱਟੜ ਹੋਣ ਦੀ ਖ਼ਬਰ ਮਿਲੀ ਹੈ | ਪ੍ਰਾਪਤ ਹੋਏ ਵੇਰਵੇ ਅਨੁਸਾਰ ਦਰਖਤ ਨਾਲ ਟਕਰਾਉਣ ਵਾਲੀ ਕਾਰ ਐੱਚ. ਆਰ. 21 ਐੱਚ 2947 'ਚ 6 ਲੋਕ ਸਵਾਰ ਸਨ ਜੋ ਪਿੰਡ ਸੁਜਾਨ ਕੋਟਲੀ ਤੋਂ ਖਨੌਰੀ ਜਾ ਰਹੇ ਸਨ ਕਿ ਟੋਹਾਣੇ ਦੇ ਪਿੰਡ ਬਲਿਆਲਾ ਨਜ਼ਦੀਕ ਕਾਰ ਬੇਕਾਬੂ ਹੋ ਕੇ ਦਰੱਖਤ ਨਾਲ ਜਾ ਟਕਰਾਈ | ਕਾਰ 'ਚ ਬੈਠੇ ਲੋਕਾਂ ਵਿਚੋਂ ਦੋ ਜਣੇ ਕਾਰ 'ਚ ਬੁਰੀ ਤਰ੍ਹਾਂ ਫਸ ਗਏ, ਜਿਨ੍ਹਾਂ ਨੂੰ ਲੋਕਾਂ ਤੇ ਪੁਲਿਸ ਨੇ ਕਟਰ ਦੀ ਮਦਦ ਨਾਲ ਕਾਰ ਦੇ ਹਿੱਸੇ ਨੂੰ ਕੱਟ ਕੇ ਬਾਹਰ ਕੱਢਿਆ ਗਿਆ | ਜ਼ਖ਼ਮੀ ਲੋਕਾਂ ਨੂੰ ਟੋਹਾਣਾ ਦੇ ਹਸਪਤਾਲ ਵਿਚ ਦਾਖਲ ਕਰਵਾ ਦਿੱਤਾ ਗਿਆ ਹੈ |
