20-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 05-05-2026

ਏ.ਟੀ.ਐਮ. ਮਸ਼ੀਨ ਕੱਟ ਕੇ ਪੈਸੇ ਚੋਰੀ ਕਰਨ ਵਾਲੇ ਕਾਬੂ

ਅਜੀਤ ਡੈਸਕ 05-05-2026
ਨਵੀਂ ਦਿੱਲੀ, 4 ਮਈ (ਡਾ. ਬਲਵਿੰਦਰ ਸਿੰਘ ਸੋਢੀ)-ਦਿੱਲੀ ਪੁਲਿਸ ਨੇ ਦਿੱਲੀ ਦੇ ਵਿਨੋਦ ਨਗਰ ਵਿਚ ਏ.ਟੀ.ਐਮ. ਨੂੰ ਤੋੜ ਕੇ ਉਸ ਵਿਚੋਂ ਪੈਸੇ ਚੋਰੀ ਕਰਨ ਪ੍ਰਤੀ ਦੇ ਮਾਮਲੇ ਵਿਚ ਰੋਬਿਨ ਨੂੰ ਗਿ੍ਫ਼ਤਾਰ ਕੀਤਾ ਹੈ | ਇਸ ਨਾਲ ਹੀ ਇਸ ਵਾਰਦਾਤ ਵਿਚ ਵਰਤੀ ਗਈ ਗੱਡੀ ਵੀ ਫੜੀ ਹੈ | ਪੁਲਿਸ ਨੇ ਰੋਬਿਨ ਦੇ ਸਾਥੀ ਇਮਰਾਨ ਅਤੇ ਭੂਰੇ ਨੂੰ ਵੀ ਕਾਬੂ ਕੀਤਾ ਹੈ | ਇਨ੍ਹਾਂ ਲੋਕਾਂ ਨੇ ਦਿੱਲੀ ਦੇ ਮੰਡਾਵਲੀ ਫਾਜ਼ਲਪੁਰ ਥਾਣੇ ਖੇਤਰ ਵਿਚ ਏ.ਟੀ.ਐਮ. ਮਸ਼ੀਨ ਨੂੰ ਕੱਟ ਕੇ ਉਸ ਵਿਚੋਂ ਪੈਸੇ ਚੁਰਾਏ ਸਨ | ਇਸ ਮਾਮਲੇ ਵਿਚ ਪੁਲਿਸ ਨੇ ਕੇਸ ਦਰਜ ਕਰਕੇ ਇਸ ਟੀਮ ਬਣਾਈ, ਜਿਸ ਦੀ ਅਗਵਾਈ ਵਿਵੇਕ ਮਲਿਕ ਨੇ ਕੀਤੀ | ਟੀਮ ਨੇ ਘਟਨਾ ਵਾਲੀ ਥਾਂ ਦੇ ਆਸਪਾਸ ਦੇ ਸੀ.ਸੀ.ਟੀ.ਵੀ. ਕੈਮਰਿਆਂ ਦੀ ਫੁਟੇਜ ਵੇਖੀ ਅਤੇ ਨਾਲ ਹੀ ਮੁਲਜ਼ਮਾਂ ਦੁਆਰਾ ਵਰਤੇ ਗਏ ਰਸਤਿਆਂ ਦੀ ਵੀ ਫੁਟੇਜ ਲਈ | ਖ਼ੁਫੀਆ ਜਾਣਕਾਰੀ ਤੋਂ ਇਲਾਵਾ ਕੁਝ ਲੋਕਾਂ ਕੋਲੋਂ ਪੁੱਛ-ਪੜਤਾਲ ਵੀ ਕੀਤੀ ਗਈ | ਰੋਬਿਨ ਦੇ ਸਾਥੀ ਇਮਰਾਨ ਤੇ ਭੂਰੇ ਨੇ ਏ.ਟੀ.ਐਮ. ਦੀ ਮਸ਼ੀਨ ਨੂੰ ਕੱਟਿਆ | ਏ.ਟੀ.ਐਮ. ਮਸ਼ੀਨ ਦੀ ਪਹਿਚਾਣ ਪਹਿਲਾਂ ਹੀ ਇਮਰਾਨ ਨੇ ਕੀਤੀ ਹੋਈ ਸੀ | ਪੁਲਿਸ ਨੇ ਕਿਵੇਂ ਨਾ ਕਿਵੇਂ ਰੋਬਿਨ ਦਾ ਮੋਬਾਈਲ ਨੰਬਰ ਪ੍ਰਾਪਤ ਕਰ ਲਿਆ ਅਤੇ ਉਸਨੂੰ ਅਖੀਰ ਭਰਤਪੁਰ (ਰਾਜਸਥਾਨ) ਤੋਂ ਕਾਬੂ ਕਰ ਲਿਆ |
ਪਿਛਲੀ ਖ਼ਬਰ ਦਿੱਲੀ ਦੇ ਸੰਤ ਨਗਰ 'ਚ ਖੁੱਲਿ੍ਹਆ ਨੈਸ਼ਨਲ ਅਕਾਲੀ ਦਲ ਦਾ ਐਜੂਕੇਸ਼ਨ ਵਿੰਗ ਅਗਲੀ ਖ਼ਬਰ ਪੁਲਿਸ ਨੇ ਫੜਿਆ ਤਿੰਨ ਕਿੱਲੋ ਗਾਂਜਾ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।