ਗੁਰੂ ਨਾਨਕ ਖ਼ਾਲਸਾ ਕਾਲਜ ਵਲੋਂ ‘ਏ. ਆਈ. ਵਿਚਾਰ ਤੇ ਨਵੀਨਤਾ ਕੈਂਪਸ ਤੋਂ ਉੱਦਮ ਤੱਕ’ ਵਿਸ਼ੇ ’ਤੇ ਵਰਕਸ਼ਾਪ

ਯਮੁਨਾਨਗਰ, 24 ਸਤੰਬਰ (ਗੁਰਦਿਆਲ ਸਿੰਘ ਨਿਮਰ)- ਗੁਰੂ ਨਾਨਕ ਖਾਲਸਾ ਕਾਲਜ ਯਮੁਨਾ ਨਗਰ ਨੇ ‘ਏ. ਆਈ.

ਵ

ਵਰਕਸ਼ਾਪ ਵਿਚ ਹਿੱਸਾ ਲੈਣ ਵਾਲੇ ਵਿਦਿਆਰਥੀ ਤੇ ਬੁਲਾਰੇ ਕਾਲਜ ਪ੍ਰਿੰ. ਡਾ. ਅਰਵਿੰਦਰ ਸਿੰਘ ਭੱਲਾ ਨਾਲ। ਤਸਵੀਰ : ਨਿਮਰ 25-09-2026

ਯਮੁਨਾਨਗਰ, 24 ਸਤੰਬਰ (ਗੁਰਦਿਆਲ ਸਿੰਘ ਨਿਮਰ)- ਗੁਰੂ ਨਾਨਕ ਖਾਲਸਾ ਕਾਲਜ ਯਮੁਨਾ ਨਗਰ ਨੇ ‘ਏ. ਆਈ. ਵਿਚਾਰ ਅਤੇ ਨਵੀਨਤਾ ਕੈਂਪਸ ਤੋਂ ਉੱਦਮ ਤੱਕ’ ਵਿਸ਼ੇ ‘ਤੇ ਇਕ ਸੂਝਵਾਨ ਵਰਕਸ਼ਾਪ ਕਰਵਾਈ। ਇਹ ਪ੍ਰੋਗਰਾਮ ਕੰਪਿਊਟਰ ਸਾਇੰਸ ਅਤੇ ਐਪਲੀਕੇਸ਼ਨ ਵਿਭਾਗ ਦੁਆਰਾ ਸਿਖਲਾਈ ਅਤੇ ਰੁਜ਼ਗਾਰ ਸੈੱਲ ਦੇ ਸਹਿਯੋਗ ਨਾਲ ਕਰਵਾਇਆ ਗਿਆ ਸੀ। ਇਹ ਵਰਕਸ਼ਾਪ ਆਰਟੀਫੀਸ਼ੀਅਲ ਇੰਟੈਲੀਜੈਂਸ, ਨਵੀਨਤਾ, ਉੱਦਮਤਾ, ਸਟਾਰਟਅੱਪ ਮੌਕਿਆਂ ਤੇ ਉੱਭਰ ਰਹੇ ਤਕਨਾਲੌਜੀ ਈਕੋਸਿਸਟਮ ‘ਤੇ ਕੇਂਦ੍ਰਿਤ ਸੀ। ਇਸ ਦਾ ਉਦੇਸ਼ ਵਿਦਿਆਰਥੀਆਂ ਨੂੰ ਆਪਣੇ ਵਿਚਾਰਾਂ ਨੂੰ ਵਿਵਹਾਰਕ ਹੱਲਾਂ ਵਿਚ ਬਦਲਣ ਤੇ ਤਕਨਾਲੌਜੀ ਦੇ ਖੇਤਰ ਵਿਚ ਉੱਦਮੀ ਮੌਕਿਆਂ ਦੀ ਪੜਚੋਲ ਕਰਨ ਲਈ ਪ੍ਰੇਰਿਤ ਕਰਨਾ ਸੀ। ਪ੍ਰੋਗਰਾਮ ਦੇ ਸ੍ਰੋਤ ਵਿਅਕਤੀ ਮੋਹਿਤ ਨਾਗਪਾਲ ਮੁੱਖ ਕਾਰਜਕਾਰੀ ਅਧਿਕਾਰੀ, ਇਨਕਲੂਸਿਵ ਟੈਕਨਾਲੋਜੀ ਬਿਜ਼ਨਸ ਇਨਕਿਊਬੇਟਰ (ਡੀ. ਐਸ. ਟੀ.), ਯੂ. ਪੀ. ਈ. ਐੱਸ ਦੇਹਰਾਦੂਨ ਤੇ ਸੁਮਿਤ ਵਾਸਨ ਅੰਤਰਰਾਸ਼ਟਰੀ ਪ੍ਰਮਾਣਿਤ ਕਰੀਅਰ ਕੌਂਸਲਰ ਤੇ ਸਹਾਇਕ ਨਿਰਦੇਸ਼ਕ ਯੂ. ਪੀ. ਈ. ਐੱਸ. ਦੇਹਰਾਦੂਨ ਸਨ। ਇਸ ਮੌਕੇ ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦੇ ਹੋਏ ਮੋਹਿਤ ਨਾਗਪਾਲ ਨੇ ਨਵੀਨਤਾ, ਇਨਕਿਊਬੇਸ਼ਨ ਤੇ ਉੱਦਮੀ ਸੋਚ ਦੀ ਮਹੱਤਤਾ ਬਾਰੇ ਗੱਲ ਕੀਤੀ। ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਅਸਲ-ਸੰਸਾਰ ਦੀਆਂ ਸਮੱਸਿਆਵਾਂ ਦੀ ਪਛਾਣ ਕਰਨ, ਤਕਨਾਲੋਜੀ-ਆਧਾਰਿਤ ਹੱਲ ਵਿਕਸਿਤ ਕਰਨ ਤੇ ਨਵੀਨਤਾਕਾਰੀ ਵਿਚਾਰਾਂ ਨੂੰ ਟਿਕਾਊ ਉੱਦਮਾਂ ਵਿਚ ਬਦਲਣ ਦੇ ਮੌਕਿਆਂ ਦੀ ਖੋਜ ਕਰਨ ਲਈ ਉਤਸ਼ਾਹਿਤ ਕੀਤਾ। ਇਸ ਮੌਕੇ ਸੁਮਿਤ ਵਾਸਨ ਨੇ ਕਰੀਅਰ ਵਿਕਾਸ ਤਕਨਾਲੌਜੀ ਖੇਤਰ ਵਿਚ ਉੱਭਰ ਰਹੇ ਮੌਕਿਆਂ ਅਤੇ ਇਕ ਮੁਕਾਬਲੇ ਵਾਲੇ ਪੇਸ਼ੇਵਰ ਵਾਤਾਵਰਨ ਵਿਚ ਸਫਲ ਹੋਣ ਲਈ ਲੋੜੀਂਦੇ ਹੁਨਰਾਂ ਬਾਰੇ ਕੀਮਤੀ ਸੂਝਾਂ ਸਾਂਝੀਆਂ ਕੀਤੀਆਂ। ਪ੍ਰਿੰ. ਡਾ. ਅਰਵਿੰਦਰ ਸਿੰਘ ਭੱਲਾ ਨੇ ਕਿਹਾ ਕਿ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਅਤੇ ਨਵੀਨਤਾ ਸਿੱਖਿਆ, ਉਦਯੋਗ ਤੇ ਕਰੀਅਰ ਦੇ ਮੌਕਿਆਂ ਨੂੰ ਬਦਲ ਰਹੀ ਹੈ। ਇਸ ਦੌਰਾਨ ਡਾ. ਕਿਰਨਪਾਲ ਸਿੰਘ ਵਿਰਕ ਮੁਖੀ ਕੰਪਿਊਟਰ ਸਾਇੰਸ ਅਤੇ ਐਪਲੀਕੇਸ਼ਨ ਵਿਭਾਗ ਨੇ ਅਕਾਦਮਿਕ ਅਤੇ ਪੇਸ਼ੇਵਰ ਖੇਤਰਾਂ ਵਿਚ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਤੇ ਉੱਭਰ ਰਹੀਆਂ ਤਕਨਾਲੌਜੀਆਂ ਦੀ ਮਹੱਤਤਾ ਨੂੰ ਉਜਾਗਰ ਕੀਤਾ। ਡਾ. ਰਾਜਿੰਦਰ ਸਿੰਘ ਵੋਹਰਾ ਕੋਆਰਡੀਨੇਟਰ ਸਿਖਲਾਈ ਅਤੇ ਰੁਜ਼ਗਾਰ ਸੈੱਲ ਨੇ ਉਦਯੋਗਿਕ ਆਪਸੀ ਤਾਲਮੇਲ ਤੇ ਕਰੀਅਰ-ਆਧਾਰਿਤ ਸਿਖਲਾਈ ਦੀ ਮਹੱਤਤਾ ‘ਤੇ ਜ਼ੋਰ ਦਿੱਤਾ। ਸਮਾਗਮ ਵਿਚ ਡਾ. ਤਿਲਕ ਰਾਜ, ਡਾ. ਗਿਆਨ ਭੂਸ਼ਣ, ਅਤੇ ਕੰਪਿਊਟਰ ਸਾਇੰਸ ਤੇ ਐਪਲੀਕੇਸ਼ਨ ਵਿਭਾਗ ਅਤੇ ਸਿਖਲਾਈ ਅਤੇ ਰੁਜ਼ਗਾਰ ਸੈੱਲ ਦੇ ਸਾਰੇ ਮੈਂਬਰਾਂ ਦੀ ਮੌਜੂਦਗੀ ਰਹੀ। ਇਸ ਮੌਕੇ ਗਵਰਨਿੰਗ ਬਾਡੀ ਦੇ ਪ੍ਰਧਾਨ ਰਣਦੀਪ ਸਿੰਘ ਜੌਹਰ ਨੇ ਇਸ ਪਹਿਲਕਦਮੀ ਦੀ ਸ਼ਲਾਘਾ ਕੀਤੀ।

ਪਿਛਲੀ ਖ਼ਬਰ ਨਹਿਰੀ ਪਾਣੀ ਦੀ ਘਾਟ ਤੋਂ ਦੁਖੀ ਕਿਸਾਨਾਂ ਨੇ ਚੋਰਮਾਰ ਟੇਲ ’ਤੇ ਦਿੱਤਾ ਧਰਨਾ ਅਗਲੀ ਖ਼ਬਰ ਹਰਿਆਣਾ ਭਾਜਪਾ ਨੂੰ ਤਜਰਬੇ ਅਤੇ ਸੰਗਠਨਾਤਮਕ ਹੁਨਰ ਤੋਂ ਮਿਲੇਗੀ ਨਵੀਂ ਊਰਜਾ - ਸੁਭਾਸ਼ ਬਰਾਲਾ