ਰਾਮਾਇਣ ਦੇ ਆਦਰਸ਼ਾਂ ਨੂੰ ਜੀਵਨ ’ਚ ਅਪਣਾਉਣ ਦੀ ਲੋੜ-ਸੁਦੇਸ਼ ਧਵਨ

ਜਲੰਧਰ, 17 ਅਕਤੂਬਰ (ਸ਼ਿਵ)-ਪ੍ਰਤਾਪ ਬਾਗ ਦੀ ਸਾਲਾਂ ਪੁਰਾਣੀ ਰਾਮਲੀਲ੍ਹਾ ਨਾਲ ਜੁੜੇ ਸੁਦੇਸ਼ ਧਵਨ ਨੇ ਰਾਮਾਇਣ ਦੇ ਆਦਰਸ਼ਾਂ ਨੂੰ ਅੱਜ ਦੇ ਸਮਾਜ ਅਤੇ ਪਰਿਵਾਰਾਂ ਲਈ ਬੇਹੱਦ ਮਹੱਤਵਪੂਰਨ ਦੱਸਿਆ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਭੂ ਸ੍ਰੀ ਰਾਮ ਮਰਿਆਦਾ, ਫਰਜ਼ ਅਤੇ ਆਦਰਸ਼ ਰਾਜ ਦੇ ਪ੍ਰਤੀਕ ਹਨ, ਜਦਕਿ ਮਾਤਾ ਸੀਤਾ ਤਿਆਗ ਤੇ ਪਵਿੱਤਰਤਾ, ਲਕਸ਼ਮਣ ਅਤੇ ਭਰਤ ਭਾਈਚਾਰੇ ਅਤੇ ਹਨੂੰਮਾਨ ਨਿਸ਼ਕਾਮ ਸੇਵਾ ਤੇ ਅਟੁੱਟ ਭਗਤੀ ਦੀ ਮਿਸਾਲ ਹਨ।