ਫਿਲੌਰ, 24 ਜਨਵਰੀ (ਵਿਪਨ ਗੈਰੀ)- ਫਿਲੌਰ ਤੋਂ ਨੂਰਮਹਿਲ ਜਾਣ ਵਾਲੇ ਰਸਤੇ ਵਿਚ ਬਣੇ ਰੇਲਵੇ ਫਾਟਕਾਂ 'ਤੇ ਉਸ ਸਮੇਂ ਹਲਚਲ ਮੱਚ ਗਈ ਜਦੋਂ ਇੱਟਾਂ ਨਾਲ ਭਰੀ ਇੱਕ ਟਰੈਕਟਰ-ਟਰਾਲੀ ਫਾਟਕਾਂ ਦੇ ਵਿਚਕਾਰ ਫਸ ਗਈ | ਟਰੈਕਟਰ-ਟਰਾਲੀ ਦੇ ਡਰਾਈਵਰ ਸੰਜੇ ਨੇ ਦੱਸਿਆ ਕਿ ਉਹ ਇੱਕ ਨਿੱਜੀ ਇੱਟ ਭੱਠੇ ਤੋਂ ਇੱਟਾਂ ਭਰ ਕੇ ਨੂਰਮਹਿਲ ਰੋਡ ਵਲ ਜਾ ਰਿਹਾ ਸੀ | ਭਾਰੀ ਮੀਂਹ ਕਾਰਨ ਮਿੱਟੀ ਪੋਲੀ ਹੋਣ ਨਾਲ ਫਾਟਕਾਂ ਦੇ ਨਜ਼ਦੀਕ ਟਰਾਲੀ ਦਾ ਪਹੀਆ ਮਿੱਟੀ ਵਿਚ ਧਸ ਗਿਆ ਜਿਸ ਕਾਰਨ ਟਰਾਲੀ ਵਿਚਕਾਰ ਹੀ ਅਟਕ ਗਈ | ਘਟਨਾ ਦੌਰਾਨ ਦੋਵਾਂ ਪਾਸਿਆਂ ਤੋਂ ਆ ਰਹੀਆਂ ਰੇਲ ਗੱਡੀਆਂ ਨੂੰ ਸਾਵਧਾਨੀ ਵਜੋਂ ਹੌਲੀ ਗਤੀ ਨਾਲ ਲੰਘਾਇਆ ਗਿਆ ਜਿਸ ਮਗਰੋਂ ਹੈੱਡਰ ਕਰੇਨ ਦੀ ਮਦਦ ਨਾਲ ਟਰਾਲੀ ਨੂੰ ਬਾਹਰ ਕੱਢ ਲਿਆ ਗਿਆ ਜਿਸ ਨਾਲ ਕਿਸੇ ਵੀ ਵੱਡੇ ਹਾਦਸੇ ਤੋਂ ਬਚਾਅ ਰਿਹਾ |
