ਕਿਸ਼ਨਗੜ੍ਹ, 18 ਫਰਵਰੀ (ਹੁਸਨ ਲਾਲ) - ਨਜ਼ਦੀਕੀ ਪਿੰਡ ਰਹੀਮਪੁਰ ਵਿਖੇ ਦਸਮੇਸ਼ ਸਪੋਰਟਸ ਕਲੱਬ, ਐਨ.ਆਰ.ਆਈ. ਵੀਰਾਂ ਤੇ ਸਮੂਹ ਸੰਗਤ ਪਿੰਡ ਰਹੀਮਪੁਰ ਵੱਲੋਂ ਸਾਂਝੇ ਤੌਰ 'ਤੇ ਕਬੱਡੀ ਟੂਰਨਾਮੈਂਟ ਤੇ ਛਿੰਝ ਮੇਲਾ 20 ਅਤੇ 21 ਫਰਵਰੀ ਨੂੰ ਬਹੁਤ ਹੀ ਸ਼ਾਨੋ ਸ਼Ïਕਤ ਨਾਲ ਕਰਵਾਇਆ ਜਾ ਰਿਹਾ | ਚੇਅਰਮੈਨ ਰਤਨ ਸਿੰਘ ਟਿਵਾਣਾ, ਬਚਿੱਤਰ ਸਿੰਘ, ਮੰਗੀ ਚਾਚਾ, ਸੁਰਜੀਤ ਸਿੰਘ ਸੀ.ਆਈ.ਡੀ. ਅਧਿਕਾਰੀ, ਗੁਰਦਿਆਲ ਸਹੋਤਾ, ਪਿੰਦਾ ਲੰਬੜ, ਸੁਦਾਗਰ ਸਿੰਘ ਟਿਵਾਣਾ, ਲਾਲੀ ਟਿਵਾਣਾ ਕੈਨੇਡਾ, ਕਿੰਦੀ ਟਿਵਾਣਾ, ਪਿ੍ਤ ਟਿਵਾਣਾ ਆਦਿ ਨੇ ਦੱਸਿਆ ਕਿ 20 ਫਰਵਰੀ ਨੂੰ 10 ਵਜੇ 35 ਕਿਲੋ ਤੇ 68 ਕਿਲੋ ਭਾਰ ਵਰਗ ਦੇ ਕਬੱਡੀ ਓਪਨ ਦੇ ਸ਼ੋ ਮੈਚ ਕਰਵਾਏ ਜਾਣਗੇ | 3 ਵਜੇ ਦੁਪਹਿਰ ਖੁੱਲੇ ਅਖਾੜੇ 'ਚ ਸੱਦੇ ਹੋਏ ਪਹਿਲਵਾਨਾਂ ਦੇ ਕੁਸ਼ਤੀਆਂ ਦੇ ਦੰਗਲ ਕਰਵਾਏ ਜਾਣਗੇ ਜਿਸ ਵਿੱਚ ਪਟਕੇ ਦੀ ਕੁਸ਼ਤੀ ਬਿਣੀਆਂ ਜੰਮੂ ਤੇ ਰਵੀ ਵੇਰਾਂ ਤੇ ਕਰਨ ਪੀ.ਏ.ਪੀ. ਤੇ ਵੱਡਾ ਜੱਸਾ ਬਾੜੋਵਾਲ ਵਿਚਕਾਰ ਹੋਵੇਗੀ | 21 ਫਰਵਰੀ ਨੂੰ ਕਬੱਡੀ ਟੂਰਨਾਮੈਂਟ ਕਰਵਾਇਆ ਜਾਵੇਗਾ ਜਿਸ ਵਿੱਚ ਅੰਤਰਰਾਸ਼ਟਰੀ ਕਬੱਡੀ ਕਲੱਬਾਂ ਦੇ ਫਸਵੇਂ ਮੁਕਾਬਲੇ ਕਰਵਾਏ ਜਾਣਗੇ | ਪ੍ਰਬੰਧਕਾਂ ਵੱਲੋਂ ਸਾਂਝੇ ਤੌਰ 'ਤੇ ਪਹਿਲਵਾਨਾਂ, ਕਬੱਡੀ ਦੀਆਂ ਜੇਤੂ ਤੇ ਉਪ ਜੇਤੂ ਟੀਮਾਂ ਤੇ ਖਿਡਾਰੀਆਂ ਨੂੰ ਇਨਾਮਾਂ ਦੀ ਵੰਡ ਕੀਤੀ ਜਾਵੇਗੀ |
