ਜੰਡਿਆਲਾ ਮੰਜਕੀ, 2 ਮਾਰਚ (ਸੁਰਜੀਤ ਸਿੰਘ ਜੰਡਿਆਲਾ)-ਗ੍ਰਾਮ ਪੰਚਾਇਤ ਬੈਨਾਪੁਰ ਤੇ ਪੱਬਵਾਂ ਵਲੋਂ ਮਿਲ ਕੇ ਸਰਕਾਰੀ ਮਿਡਲ ਸਕੂਲ ਪੱਬਵਾਂ ਦੀਆਂ ਗਰਾਊਾਡਾਂ ਵਿਚ ਓਪਨ ਵਾਲੀਬਾਲ ਮੁਕਾਬਲੇ ਕਰਵਾਏ ਗਏ, ਜਿਨ੍ਹਾਂ ਵਿਚ ਬੈਨਾਪੁਰ, ਪੱਬਵਾ ਤੇ ਬਾਠਾਂ ਦੀਆਂ ਪਿੰਡ ਪੱਧਰ ਦੀਆਂ ਟੀਮਾਂ ਨੇ ਹਿੱਸਾ ਲਿਆ | ਮੁਕਾਬਲਿਆਂ ਵਿਚ ਪਿੰਡ ਬਾਠਾਂ ਦੀ ਟੀਮ ਪਹਿਲੇ, ਪੱਬਵਾਂ ਦੀ ਟੀਮ ਦੂਜੇ ਤੇ ਪਿੰਡ ਬੈਨਾਪੁਰ ਦੀ ਟੀਮ ਤੀਜੇ ਸਥਾਨ 'ਤੇ ਰਹੀ | ਜੇਤੂ ਟੀਮਾਂ ਨੂੰ ਨਕਦੀ ਤੇ ਸਨਮਾਨ ਚਿੰਨ੍ਹ ਭੇਂਟ ਕੀਤੇ ਗਏ | ਸਪੋਰਟਸ ਕਲੱਬ ਨੂਰਮਹਿਲ ਤੇ ਸਪੋਰਟਸ ਕਲੱਬ ਬਿਲਗਾ ਵਿਚਕਾਰ ਸ਼ੋਅ ਮੈਚ ਵੀ ਕਰਵਾਇਆ | ਬੱਚਿਆਂ ਦੀਆਂ ਸਾਈਕਲ ਰੇਸਾਂ ਦੇ ਮੁਕਾਬਲੇ ਵੀ ਕਰਵਾਏ ਗਏ | ਇਨਾਮਾਂ ਦੀ ਵੰਡ ਦੋਵਾਂ ਪਿੰਡਾਂ ਦੇ ਸਰਪੰਚਾਂ, ਪਤਵੰਤਿਆਂ ਤੇ ਪ੍ਰਵਾਸੀ ਪੰਜਾਬੀਆਂ ਵਲੋਂ ਕੀਤੀ ਗਈ | ਸਰਪੰਚ ਅਵਤਾਰ ਚੰਦ ਨੇ ਕਿਹਾ ਕਿ ਇਸ ਤਰ੍ਹਾਂ ਦੇ ਮੁਕਾਬਲੇ ਅੱਗੇ ਜਾਰੀ ਰਹਿਣਗੇ | ਉਨ੍ਹਾਂ ਪਿੰਡ ਵਾਸੀਆਂ, ਪਤਵੰਤਿਆਂ, ਪ੍ਰਵਾਸੀ ਪੰਜਾਬੀ ਭਰਾਵਾਂ ਯੋਗਦਾਨ ਲਈ ਧੰਨਵਾਦ ਕੀਤਾ |
