ਸ਼ਾਹਕੋਟ, 2 ਮਾਰਚ (ਸੁਖਦੀਪ ਸਿੰਘ)-ਪੰਜਾਬ ਸਰਕਾਰ ਦੀ 'ਮੁੱਖ ਮੰਤਰੀ ਸਿਹਤ ਯੋਜਨਾ' ਤਹਿਤ ਯੋਗ ਲਾਭਪਾਤਰੀਆਂ ਦੇ 10 ਲੱਖ ਦੇ ਬੀਮਾ ਕਾਰਡ ਬਣਾਉਣ ਸੰਬੰਧੀ ਵਾਰਡ ਨੰਬਰ-11 ਅਧੀਨ ਵੋਟਰਾਂ ਲਈ 6 ਰੋਜ਼ਾ ਕੈਂਪ 3 ਤੋਂ 8 ਮਾਰਚ ਤੱਕ ਸੈਦਪੁਰ ਰੋਡ, ਸ਼ਾਹਕੋਟ ਵਿਖੇ ਵਾਰਡ ਇੰਚਾਰਜ ਸੰਜਨਾ ਅਰੋੜਾ ਦੀ ਅਗਵਾਈ 'ਚ ਲਗਾਇਆ ਜਾ ਰਿਹਾ ਹੈ | ਇਸ ਸੰਬੰਧੀ ਮਨੋਜ ਕੁਮਾਰ ਅਰੋੜਾ ਸ਼ਹਿਰੀ ਪ੍ਰਧਾਨ ਆਮ ਆਦਮੀ ਪਾਰਟੀ ਨੇ ਦੱਸਿਆ ਕਿ ਵਾਰਡ ਨੰਬਰ-11 ਦੇ ਵੋਟਰਾਂ ਦੀ ਸਹੂਲਤ ਲਈ ਦੁਕਾਨ ਸਮਾਰਟ ਜ਼ੋਨ ਨਜ਼ਦੀਕ ਚੋਪੜਾ ਹਸਪਤਾਲ, ਸੈਦਪੁਰ ਰੋਡ, ਸ਼ਾਹਕੋਟ ਵਿਖੇ ਬਣਾਏ ਜਾਣਗੇ | ਉਨ੍ਹਾਂ ਦੱਸਿਆ ਕਿ ਰਜਿਸਟ੍ਰੇਸ਼ਨ ਕਰਵਾਉਣ ਲਈ ਆਧਾਰ ਕਾਰਡ, ਵੋਟਰ ਕਾਰਡ, 18 ਸਾਲ ਤੋਂ ਛੋਟੇ ਬੱਚੇ ਦਾ ਜਨਮ ਸਰਟੀਫਿਕੇਟ ਨਾਲ ਲੈ ਕੇ ਆਉਣਾ ਜ਼ਰੂਰੀ ਹੈ | ਉਨ੍ਹਾਂ ਦੱਸਿਆ ਕਿ ਆਧਾਰ ਕਾਰਡ ਨਾਲ ਮੋਬਾਈਲ ਨੰਬਰ ਲਿੰਕ ਹੋਣਾ ਲਾਜ਼ਮੀ ਹੈ ਤੇ ਜਿੰਨੇ ਵੀ ਮੈਂਬਰਾਂ ਦਾ ਕਾਰਡ ਬਣਨਾ ਹੈ, ਉਨ੍ਹਾਂ ਸਭ ਦਾ ਨਾਲ ਆਉਣਾ ਜ਼ਰੂਰੀ ਹੈ |
