ਜਲੰਧਰ, 17 ਅਪ੍ਰੈਲ (ਪਵਨ ਖਰਬੰਦਾ)-ਪੁਲਿਸ ਡੀ. ਏ. ਵੀ. ਪਬਲਿਕ ਸਕੂਲ ਪੀ. ਏ. ਪੀ. ਕੈਂਪਸ ਜਲੰਧਰ ਕੈਂਟ ਦੀ ਤਮਨਪ੍ਰੀਤ ਕੌਰ ਜੋ ਕਿ ਤੈਰਾਕੀ ਦੀ ਖਿਡਾਰਨ ਹੈ ਤੇ ਡੀ. ਏ. ਵੀ. ਰਾਸ਼ਟਰੀ ਸੋਨ ਤਗਮਾ ਜੇਤੂ ਹੈ, ਨੇ ਸੀ. ਬੀ. ਐੱਸ. ਈ. ਦੀ 10ਵੀਂ ਜਮਾਤ ਵਿਚ 94 ਫੀਸਦੀ ਅੰਕ ਪ੍ਰਾਪਤ ਕੀਤੇ ਹਨ | ਹਰਸ਼ਿਤਾ ਜੋ ਕਿ ਜੁਡੋ ਤੇ ਕੁਰਾਸ਼ ਦੀ ਖਿਡਾਰਨ ਹੈ ਅਤੇ ਕੁਰਾਸ਼ 'ਚ ਐਸ. ਜੀ. ਐਫ. ਆਈ. ਕਾਂਸੀ ਦਾ ਤਗਮਾ ਜੇਤੂ ਹੈ, ਨੇ ਸੀ. ਬੀ. ਐੱਸ. ਈ. ਦੀ 10 ਵੀਂ ਜਮਾਤ ਵਿਚ 93.4% ਅੰਕ ਪ੍ਰਾਪਤ ਕੀਤੇ ਹਨ | ਉਨ੍ਹਾਂ ਦੀ ਸਫਲਤਾ 'ਤੇ ਪਿ੍ੰਸੀਪਲ ਡਾ. ਰਸ਼ਮੀ ਵਿਜ ਨੇ ਉਨ੍ਹਾਂ ਨੂੰ ਵਧਾਈ ਦਿੰਦੇ ਹੋਏ ਉਨ੍ਹਾਂ ਦਾ ਸਨਮਾਨ ਵੀ ਕੀਤਾ |
