ਜਲੰਧਰ, 18 ਅਪ੍ਰੈਲ (ਸ਼ਿਵ)-ਨਗਰ ਨਿਗਮ ਦੇ ਬਿਲਡਿੰਗ ਵਿਭਾਗ ਨੇ ਬਸਤੀ ਪੀਰ ਦਾਦ ਰੋਡ ਲੈਦਰ ਕੰਪਲੈਕਸ 'ਤੇ ਇਕ ਉਸਾਰੀ ਨੂੰ ਅੰਤਿਮ ਨੋਟ ਜਾਰੀ ਕਰਕੇ ਆਪਣੀ ਉਸਾਰੀ ਤਿੰਨ ਦਿਨਾਂ ਦੇ ਅੰਦਰ ਉਸਾਰੀ ਨੂੰ ਢਾਹੁਣ ਦੀ ਹਦਾਇਤ ਕੀਤੀ ਹੈ | ਇਸ ਦੀ ਸ਼ਿਕਾਇਤ ਆਰ. ਟੀ. ਆਈ. ਐਕਟੀਵਿਸਟ ਕਰਨਪ੍ਰੀਤ ਸਿੰਘ ਵਲੋਂ ਨਗਰ ਨਿਗਮ ਨੂੰ ਕੀਤੀ ਗਈ ਸੀ | ਉਸਾਰੀ ਕਰਨ ਵਾਲਿਆਂ ਨੂੰ ਕਿਹਾ ਗਿਆ ਹੈ ਕਿ 'ਆਪ' ਵਲੋਂ ਕੀਤੀ ਗਈ ਅਣ-ਅਧਿਕਾਰਤ ਉਸਾਰੀ ਸੰਬੰਧੀ ਹਵਾਲੇ ਅਧੀਨ ਨੋਟਿਸ ਜਾਰੀ ਕੀਤੇ ਗਏ ਸਨ ਪਰ 'ਆਪ' ਵਲੋਂ ਉਕਤ ਕੀਤੀ ਗਈ ਅਣ-ਅਧਿਕਾਰਤ ਉਸਾਰੀ ਸੰਬੰਧੀ ਆਪਣਾ ਸਪੱਸ਼ਟੀਕਰਨ ਨਹੀਂ ਦਿੱਤਾ ਗਿਆ ਹੈ ਤੇ ਮੌਕੇ 'ਤੇ ਉਸਾਰੀ ਕੰਮ ਜਾਰੀ ਰੱਖਿਆ ਗਿਆ ਹੈ | ਇਸ ਕਰਕੇ ਇਲਾਕਾ ਨਿਰੀਖਕ ਦੀ ਰਿਪੋਰਟ ਨੂੰ ਮੁਖ ਰੱਖਦੇ ਹੋਏ ਇਸ ਪੱਤਰ ਰਾਹੀਂ ਆਪ ਨੂੰ ਅੰਤਿਮ ਨੋਟਿਸ ਜਾਰੀ ਕਰਕੇ ਹਦਾਇਤ ਕੀਤੀ ਜਾਂਦੀ ਹੈ ਕਿ ਅਗਲੇ 3 ਦਿਨਾਂ ਦੇ ਅੰਦਰ-ਅੰਦਰ ਇਸ ਅਣ-ਅਧਿਕਾਰਤ ਉਸਾਰੀ ਨੂੰ ਤੁਰੰਤ ਆਪਣੇ ਪੱਧਰ 'ਤੇ ਡਿਗਾ ਲਿਆ ਜਾਵੇ | ਅਜਿਹਾ ਨਾ ਕਰਨ ਦੀ ਸੂਰਤ 'ਚ ਨਗਰ ਨਿਗਮ ਵਲੋਂ ਇਸ ਉਸਾਰੀ ਨੂੰ ਸੀਲ, ਤੋੜਨ ਦੀ ਕਾਰਵਾਈ ਕੀਤੀ ਜਾਵੇਗੀ, ਜਿਸ ਲਈ ਸਾਰੇ ਖਰਚੇ ਦੇ ਉਹ ਖੁਦ ਜ਼ਿੰਮੇਵਾਰ ਹੋਵੇਗੇ |
