ਜਲੰਧਰ, 5 ਜੂਨ (ਡਾ.ਜਤਿੰਦਰ ਸਾਬੀ)-ਲਾਇਲਪੁਰ ਖਾਲਸਾ ਕਾਲਜ ਜਲੰਧਰ ਦੇ ਖੇਡ ਮੈਦਾਨ 'ਚ ਕਾਲਜ ਦੀ ਫੁੱਟਬਾਲ ਟੀਮ ਦੇ ਚੋਣ ਟਰਾਇਲ ਕਰਵਾਏ ਗਏ | ਇਨ੍ਹਾਂ ਚੋਣ ਟਰਾਇਲਾਂ 'ਚ 150 ਦੇ ਕਰੀਬ ਖਿਡਾਰੀਆਂ ਨੇ ਹਿੱਸਾ ਲਿਆ | ਇਸ ਮੌਕੇ 'ਤੇ ਪਿ੍ੰਸੀਪਲ ਡਾ ਰਛਪਾਲ ਸਿੰਘ ਨੇ ਚੋਣ ਟਰਾਇਲ 'ਚ ਹਿੱਸਾ ਲੈਣ ਆਏ ਖਿਡਾਰੀਆਂ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ | ਇਸ ਮੌਕੇ ਤੇ ਡੀਨ ਸਪੋਰਟਸ ਡਾ ਸਿਮਰਨਜੀਤ ਸਿੰਘ ਬੈਂਸ, ਕੋਚ ਤਜਿੰਦਰ ਸਿੰਘ, ਗੁਰਜੀਤ ਕੁਮਾਰ, ਭਾਰਤ ਭੂਸ਼ਣ, ਵਰੁਣਦੀਪ ਕੌਮਾਂਤਰੀ ਖਿਡਾਰੀ, ਜਗਦੀਸ਼ ਸਿੰਘ ਤੇ ਸਪੋਰਟਸ ਕਮੇਟੀ ਦੇ ਮੈਂਬਰ ਡਾ ਦਿਨਕਰ ਸ਼ਰਮਾਂ, ਡਾ ਹਰਜਿੰਦਰ ਸਿੰਘ, ਡਾ ਕਰਨਬੀਰ ਸਿੰਘ , ਡਾ ਅਜੀਤ ਪਾਲ ਸਿੰਘ, ਪ੍ਰੋ ਸੱਤਪਾਲ ਸਿੰਘ, ਡਾ ਸਰਬਜੀਤ ਸਿੰਘ ਤੇ ਹੋਰ ਵਿਸ਼ੇਸ਼ ਤੌਰ 'ਤੇ ਹਾਜ਼ਰ ਸਨ |
